مين اتجرأ وزار بنزينه انهارده... وياريت توصف شعورك.

[AbOnOrA]

هو لسه فيه زحمة وطوابير بعد الاسعار ديه برضو

[ahmed_eng2001]

المشاركة الأصلية كتبت بواسطة AbOnOrA انا مفول من يوميها العربيه ومن ساعة ماالتفويلة قربت تخلص وانا مش عايز اخرج بيها

و لله الحمد .... انا كمان فولت قبل زيادة الاسعار بيومين .... بس للأسف فولت تانى امبارح ....

زى ما قلت للأخ العزيز زينج فى مشاركة سابقة ... انا مش جايلى قبل ادوس على البنزين ... و دائما ببص على عداد البنزين ... مش ببص على عداد غيره

نتائج التفويل ....

حطيت 30 لتر بنزين 92 .... و دفعت 78 جنيه .. و سبت 2 جنيه للعامل ... يعنى التفويلة عملت معايا 80 جنيه

ال 30 لتر كانت ... ب 55 جنيه ... و 3 جنيه المجموع 58 جنيه مما يعنى ان البنزين غلى بالنسبة لى قرابة 70 %
اما عن عزيزة .... فحطيت ربع التانك فقط ... ب 100 جنيه بنزين 92 .... علشان طوابير البنزين ال 80 طويلة جدا و فى عز الحر

[نبيل عبدالرحمن]

كنت قد فولت عربيتى قبل زيادة السعر بيوم واحد لكنى إضطررت اليوم لإعادة تفويل العربية وبصراحة حاسس إن الفرق حوالى 50% من السعر السابق ، وعلى فكرة مع مرور الأيام ها نتعود على السعر ده بس من ناحيتنا إحنا نحاول بقدر الإمكان التقليل من الخروج بالسيارة إلا للضرورة فقط

[حسن فتحى]

انا خوضت التجربة مرتين
مرة فولت 92
وكان عداد الفلوس بيجرى بسرعة غير عادية !
لدرجة ان عنية مجتش اصلا على عداد اللترات
كان كل همى اعرف هدفع كام للعداد المجنون بتاع الفلوس

ومرة فولت 80 للعربية 127

فى الحالتين حسيت ان الوقود اصبح بحاجة لميزانية خاصة وبالذات لمن يتحرك كثير بعربيتة

وموضع اننا هنتعود
اى نعم هنتعود ولكن مش بسهولة
لان الدخل العام للمواطن لم يزيد اصلا
يعنى الموظف اللى على قد حالة مرتبة زاد كام اصلا علشان يغطى كل الزيادات اللى حاصلة ومنها زيادة البنزين

ليس لنا الا الدعاء
ربنا يسترها من عندة

[faw n5]

انا فولت 3 مرات مرة الجمعة الي فاتت بالسعر القديم وسافرت بالعربيةواتصدمت تاني يوم بالسعر الجديد وكنت مضطر افول علشان ارجع بالسعر الجديد بصراحةحسيت ان المبلغ اتضاعف فرق كام جنيه وفولت تاني يوم الاربعاء الظاهر اني بدأت اتعود بس فعلا البنزين بقي محتاج ميزانية لوحده وبقي يفرق معايا جامد لدرجةاني ناوي اسافر مواصلات بعد كده