سؤال لملاك الميجان، ليه بتبيعوها برخص التراب

[gogom]

ممكن اقول حاجة معلومة عرفتها انا مش خبيرة اوي في العربيات بس بحاول اعرف اكتر واكتر ودي معلومة عرفتها من واحد عنده ميجان من حوالي سنة ونص سنتين

وهوا بيفهم جدا في العربيات وعلي درايه كبيرة جداااااااااااااااا ف يجميع الانواع

الميجان فيها لوح الكترونيه كتير كل حاجة وليها الكمبيوتر بتاعها اللي بيشغلها فلو حاجة باظت صعب جدا بل ممكن يكون مستحيل ترجع زي الاول فعشان كده بتتباع المستعمل منها رخيص اوي وعشان كده برضه نصيحة مني واخداها منه ان محدش يشتري ميجان مستعمل

هيا والبيجو

وانا عامة ركبت الميجان وماشاء الله بجد حلوة ماشاء الله

[POP EL GAMED]

المشاركة الأصلية كتبت بواسطة gogom ممكن اقول حاجة معلومة عرفتها انا مش خبيرة اوي في العربيات بس بحاول اعرف اكتر واكتر ودي معلومة عرفتها من واحد عنده ميجان من حوالي سنة ونص سنتين وهوا بيفهم جدا في العربيات وعلي درايه كبيرة جداااااااااااااااا ف يجميع الانواع الميجان فيها لوح الكترونيه كتير كل حاجة وليها الكمبيوتر بتاعها اللي بيشغلها فلو حاجة باظت صعب جدا بل ممكن يكون مستحيل ترجع زي الاول فعشان كده بتتباع المستعمل منها رخيص اوي وعشان كده برضه نصيحة مني واخداها منه ان محدش يشتري ميجان مستعمل هيا والبيجو وانا عامة ركبت الميجان وماشاء الله بجد حلوة ماشاء الله

سيدى الفاضل بعد اذن حضرتك بس ممكن تشرحلى يعنى ايه لوح الكترونيه
ويعنى ايه لو حاجه ايا كانت باظت واتغيرت مبترجعش تانى ليه اذا كنت انا بالطريقه دى بغير الجزء العاطل
وبالنسبه لموضوع انه محدش يشترى ميجان مستعمله ده يسرى على اى عربيه محدش يشترى عربيه مستعمله غير لو حالتها كويسه كل الفكره ان الميجان لو اتهانت بيبان فيها بسرعه
وارجو ان حضرتك تتفضل وتجاوب على استفساراتى وشكرا

[gogom]

المشاركة الأصلية كتبت بواسطة POP EL GAMED سيدى الفاضل بعد اذن حضرتك بس ممكن تشرحلى يعنى ايه لوح الكترونيه ويعنى ايه لو حاجه ايا كانت باظت واتغيرت مبترجعش تانى ليه اذا كنت انا بالطريقه دى بغير الجزء العاطل وبالنسبه لموضوع انه محدش يشترى ميجان مستعمله ده يسرى على اى عربيه محدش يشترى عربيه مستعمله غير لو حالتها كويسه كل الفكره ان الميجان لو اتهانت بيبان فيها بسرعه وارجو ان حضرتك تتفضل وتجاوب على استفساراتى وشكرا

يعني كل حاجة فيها بالكمبيوتر مبرمجة وكل حاجة متصلة ببعضها فعشان تغير حاجة منهم صعب يتصلوا تاني ببعض وترجع زي الاول

وبالنسبة لاي حد ميشتريش مستعمل لا طبعا مش بتسري علي اي عربية مستعملة يعني مثلا وجه المخاطرة بين انك تشتري اي عربية عادية مانيوال مستعملة وبين انك تشتري عربية زي الميجان كلها كبيوترات ولوح الكترونية بتحركها واتوماتيك متهيقلي دي اصعب علي واحد هيشتري مستعمل الاضمن طبعا وقتها المانيوال او حتي الاتوماتيك العادي مش كله كمبيوتر.

وشكرا لاهتمامك وردك

[chato_eg]

هل الكورولا موديل 2008 و ما فوق خالية من " الكمبيوترات " ؟؟؟
هل الأسترا و الفيكترا و الجيتا و الأوكتافيا و السيفيك و الإمبريزا و المازدا 3 خاليين من " الكمبيوترات " ؟؟؟

كون إن الميجان سبقت الناس التانيين بسنتين و لا تلاتة مش معناه إنها تبقى ما تنفعش مستعملة...و إلا معنى ذلك إن السيارات المتقدمة تكنولوجيا كلها لا تصلح للبيع مستعملة
و تبقى العربيات المستعملة فقط هى الفيرنا و اللانوس و النوبيرا علشان هما دول إللى أى ميكانيكى بيعرف لهم...!!!

كل ما فى الأمر إنها زى أى عربية زيها محتاجة عمالة مدربة لصيانتها...إيه العيب فى كده ؟؟؟؟
و إللى لسه عايز يصلح فى أى ورشة ميكانيكا من إللى متعود عليهم من زمان فليتفضل بعمل ذلك و ما أكثر السيارات التى تصلح للمهمة....
لكن مش معنى كده إن السيارات المتقدمة تكنولوجيا معيوبة
مع الوقت لازم سوق المستعمل هايغير فكره...و يبدأ مبدأ تاريخ صيانة السيارة و ملفها فى التوكيل تكون ثقافة شائعة ....لإن كل العربيات بتتحول للاتجاه ده

[tronky]

أى عربية فيها الكماليات التالية
1- ABS
2- أيرباجز
3- ESP
4- أتوماتيك أو ستيبترونيك
5- باور كهرباء ( بس مش متأكد من دى 100% )

هتلاقى لكل واحد منهم كنترول يونت خاص بيه ( وحدة تحكم )
و الكلام ينطبق على الميجان و التويوتا و الأسترا و الفيكترا و الجيتا و غيره و غيره و غيره
ولا ينطبق على العربية اللى مفيهاش أى من الكماليات المذكورة
يا ترى فى عربية مفيهاش واحدة بس من الكماليات دى ؟؟؟ أحتمال و لو أنى معرفهاش
طيب و لو الأحتمال دع موجود نعمل أيه
هنسأل الأول هيا أنجكش ولا كربراتير.....لو طلعت أنجكشن يبقى برضه فيها كنترول ptmnlo123per111

يبقى الحل عربية من غير الكماليات الحديثة و كمان تكون كربراتير