|
#1
29-09-2013, 01:56 AM
|
|||
|
|||
Corolla vs Focus vs Astra !
بعد فكر طويل فى شراء عربية جديدة قررت أسيب الكورى
وصلت لعربيه فى حدود 185 ألف جنيه (خصوصا بعد الغلو الفظيع اللى حصل مؤخرا) قررت بالترتيب أقارن بين الـ 1- فورد فوكاس 2013 2-أوبل أسترا 2013 3-تويوتا كورولا 2014 وكان شرط عندى أركب العربيه واقارن بنفسى الفرق بينهم وكان ليا ملاحظاتى كالاتى : 1- فورد فوكاس 2013 عربية ألمانى الصنع 100% وخامات تصنيعها ممتازة وتحس بخاماتها لو مغمض عينك وعزلها قوى جدا كمالياتها جميلة وأسعار قطع الغيار والصيانه (على كلام التوكيل معقوله) صالونها معقول مش واسع قوى بس ملائم على الجسم عربيه لما تركبها تحس انك فى فئة مختلفه جدا من العربيات سعر اعادة البيع هوه اللى يعتبر مشكلة نظرا لظروف سوق العرض والطلب فى مصر وده مالوش علاقة طبعا بكفائة العربية 2- أوبل أسترا عربية ألمانى الصنع 100% وخاماتها لاتقل عن الفورد وعزلها معقول وصالونها ضيق نوعا ما تصميم التابلوه بالنواكل والألوان يحسسك انك فى طيارة مش عربيه لأنه تصميم أكثر من رائع نفس احساس الفورد فى جودة التقفيل واحساسك أنك فى فئة عالية من السيارات وان كنت ساعات بحس انه أقل من الفورد نوعا ما ماعنديش فكرة عن قطع غيارها وتوكيلها بس أظن منصور ليست سمعته ذهب ! 3- تويوتا كورولا كعادة اليابانيين .. دائما متأخرين بخطوة عن الألمان فى التصميم والذوق .. لكن الكورولا بشكلها الجديد نقدر نقول عليها جميله من الخاراج وتصميمها من الداخل بيميزه الوسع الملحوظ ودى نقطه ايجابية جدا فيها التابلوه تصميمه فى المجمل معقول بس مقارنة بالفورد والأوبل فهو ضعيف وخطوطه غير متناسقه فى كل فئاتها مكونات يابانى تجميع تركى وخط انتاجها موجه الى أوروبا وده مايستدعيش القلق من التقفيل التركى مميزة جدا بالعمر الطويل وتحمل مشقة وقلة الاحتياج للصيانة وقطع الغيار توكيلها محترم وأسعار قطع الغيار معقولة واعادة سعر بيع ممتاز لكن ليا تحفظ شديد على احساسك بخامات العربية من الداخل لأنه أقرب كتير للكورى وعزلها ضعيف دى خلاصة بحثى عن الثلاث سيارات فى حدود المتاح طبعا فى مصر رأيى الشخصى يميل للفورد بقوة خصوصا انها لما تركبها هتحس احساس مختلف تماما لكن مصر بتفرض عليك رأيها مش رأيك ! بس يهمنى اعرف رأي حضراتكم الشخصى فى الكلام ده وهل ممكن اخد قرار انى أشترى التويوتا؟ 
|
|
#2
05-10-2013, 06:47 PM
|
|||
|
|||
|
رد: Corolla vs Focus vs Astra !
اوبل استر حلوه كشكل وقوه ومتانه وقطع الغيار اعتقد متقاربه مع الكورلا وابتدت تبقى منتشره غير الفورد
|
|
#3
05-10-2013, 08:24 PM
|
||||
|
||||
|
رد: Corolla vs Focus vs Astra !
طيب انا اجرت الفوكاس فى امريكا و معجبتنيش خالص لا عفشة و لا فرامل و لا قعدة كرسى ( جربت كل الاوضاع )
و اللى اعرفه عن الكورولا 2014 فيها ABS+EBD+BA+VSC و اعلى فئة فيها 6 AIRBAGS التانيين فيهم ايه وسائل أمان ؟ بأمانة معرفش
__________________
سبحانك لا علم لنا الا ما علمتنا
|
|
#4
08-10-2013, 06:48 PM
|
|||
|
|||
|
رد: Corolla vs Focus vs Astra !
بعد تعمق شوية مع الموديلات دى ممكن أزود شوية معلومات من حيث الخامات والمتانة وجودة التقفيل الفورد والأسترا خامات وتقفيل ممتاز بشكل ملحوظ وحتى خامات الصاج أما التويوتا فبالتدقيق والتركيز فى خاماتها وجودة التقفيل .. بصراحة سيئة جدا وانا بقول بالتركيز ليه؟ لأن أى حد هيركب العربية هيحس أنها جميلة وأنيقة بس لما يركز فيها ممكن يلاحظ اللى بقول عليه من حيث الإتساع والصالون التويوتا تكسب لأن صالونها واسع ومريح أما الأسترا فصالونها معقول لكنها أقل من الكورولا على الرغم من أن أبعاد الأسترا أكبر ولو بفروق طفيفة أما صالون الفورد يعتبر ضيق ! مع أن أبعاد العربية مش صغيرة من حيث عوامل الأمان هما فيهم تقارب لكن الأسترا بس هيه اللى فيها الـ ESP Electronic Stability Program وهوه نظام فعال جدا وبيزود من كفائة العربية فى الثبات مع السرعات العالية أما الـ Air Bags فهى موجوده فى الـ 3 عربيات باختلاف أعدادها وباختلاف فئات العربية وده فيديو للأسترا فيه الـ ESP |
|
#5
08-10-2013, 07:27 PM
|
||||
|
||||
|
رد: Corolla vs Focus vs Astra !
ال ESP هو هو ال VSC اللى فى الكورولا
__________________
سبحانك لا علم لنا الا ما علمتنا
|
 |
|
|
