البيان المنتظر.. بيان رقم (73) من المجلس العسكري.. وما ادراك ما هو 73 !

[د.كمال]

ياجماعه إحنا معملناش الثوره عشان نخش فى حرب
الحرب عايزه فلوس واقتصاد مستقر وإحنا لسه نص الشعب مشلاقى ياكل
فى ناس عايزه تضحك علينا فى الظروف دى وتدخلنا فى حرب عشان تخلص منا
ياجماعه دا مخطط كبير خلينا واعيين ومحدش يضحك علينا ويلهينا عن تحقيق أهداف الثوره .......مش ده وقت الحرب ولا دى ظروفها
ربنا يهدينا لما فيه خير بلدنا

[MmFFoR]

لو حصلت حرب ان شاء الله انا من المتطوعين

و لكني لا اتمناها على الاطلاق خصوصا الان

[د.كمال]

ياجماعه متخافوش .....قيادتنا العسكريه فاهمه المخطط وفاهمه مين إللى وراه لكن مشعايزين يتكلموا عشان العروبه والقوميه العربيه
لكن إن شاء الله قيادتنا العسكريه ستقودنا الى بر الامان لأنها الوحيده إللى عارفه حقيقه الوضع .............حماك الله يامصر

[AbOnOrA]

المشاركة الأصلية كتبت بواسطة نبيل عبدالرحمن كل ما نتمناه ويتمناه الشعب المصرى العظيم إلغاء إتفاقية كامب ديفيد بكل ما تحويه من بنود طرد السفير الإسرائيلى من مصر سحب السفير المصرى من اسرائيل انزال العلم الإسرائيلى من على أى ساريه فى مصر البدء فى سرعة تسليح وتطوير الجيش المصرى بأحدث المعدات والطائرات إدخال الجيش المصرى بكامل معداته وعتاده الى سيناء وأهم شيئ : إلتفاف الشعب المصرى بكل طوائفه حول جيشه الباسل ونتناسى مشاكلنا الداخلية مؤقتاً حتى نستعيد كرامتنا ونأخذ بحق شهداءنا من هذه الخنازير شكراً لك

والله لو اعلنت المبادىء ديه انا وغيرى كتير مستعدين ننسى نفسنا مش خلافتنا بس لتحقيقها

وده مش طلب للحرب ولا سعى ليها

لكن ده طلب للكرامة اللى الثورة قامت فعلا لاسترادها
وتركيا عندنا اهيه خير شاهد من بعد ما كانت حليف اساسى لاسرائيل اخدت مواقف ضدها واضحة بعد تداعيات حصار غزة

سيبك من تركيا حتى نفسى اشوف الخط الاحمر المصرى اللى كان ومازال بيطلعلنا فى كل حتة ده يطلع مرة واحدة على ولاد الخنازير الصهاينة دول
هى مش حدود مصر كانت على الفلسطينين حتى خط احمر
هو مش امن مصر القومى خط احمر باين برضو

[lost2008]

نخش حرب و احنا لسة منعرفش نصنع و ننتج اسلحة بتكنولوجيا خاصة بنا؟؟؟؟؟؟؟؟؟, نخش حرب و احنا بنستورد قمح و فول؟؟؟؟؟؟ حتكون النتيجة نكسة 67 كلاكيت تانى مرة,,,,,