كيا سول وموديل السنه

[ahmed14_khh]

المشاركة الأصلية كتبت بواسطة ahmed fouda اولا مبروك لو كنت جبتها ....ولو مكنتش جبتها يبقى احسن اولا لعدة اسباب 1-استهلاك غير عادى للبنزين فول تنك 320 كم 2-عفشة رايحة فى داهية ناشفة جدا ..يجوز بسبب الجنط ال18 بل اكيد 3-لو هتجبها علشان شكلها فبعد شوية هتقدم وتبقى بايخة 4-موتور ضعيف جدا وصوتة زبالة 5-العربية الفتيس بتعها اربع نقلات بس ودة عيب انا شيفو قااااااااااااااااتل لانك فى السفر بتحس ان العربية تعبت جدا 6-نظام الفتيس قديم 7- الانذار من موديلات سنة 16 8-اما بقى بخصوص الكماليات فانا مش عارف الناس بتقول عليها وااااااااااو انا شايف انها عادية جدا ما عدا الطارة المالتى بالرغم من كدة الكروز فيها كمبيوتر بيعطى معلومات اكتر بكتير من السول......وطبعا هتسالنى وعريفت كل دة منين هقولك اصل ادبست واشترتها من 5شهور.والسوال اللى بعدة اجابتة لان انا فى الامارات والكروز نزلت 1800سي سي وحسبى اللة ونعم الوكيل ....ارجو انى مكنتش ضايقتك لو كنت جبتها بس اكيد انت حتحس بكل دة لوحدك.....وعلى فكرة السيارة دى لو استخدام خفيف يعنى مشاوير وسط البلد وكدة فهية ممتازة.............ابو محمد

انت نسيت اهم حاجة المتور ضعيف جدااااا بعد 140 كم وهتجيب 170 بالعفية انا معاية واحدة من13/1/2010

[TheSantos128]

خلاص يا جماعه جبت عربيه ومع الاسف مش كيا سول جبت هيواندى النترا 2011 علشان الكاش عجز معايا شويه بس الحمد لله على كل شئ

[محمود سامى محمود]

المشاركة الأصلية كتبت بواسطة ahmed fouda اولا مبروك لو كنت جبتها ....ولو مكنتش جبتها يبقى احسن اولا لعدة اسباب 1-استهلاك غير عادى للبنزين فول تنك 320 كم 2-عفشة رايحة فى داهية ناشفة جدا ..يجوز بسبب الجنط ال18 بل اكيد 3-لو هتجبها علشان شكلها فبعد شوية هتقدم وتبقى بايخة 4-موتور ضعيف جدا وصوتة زبالة 5-العربية الفتيس بتعها اربع نقلات بس ودة عيب انا شيفو قااااااااااااااااتل لانك فى السفر بتحس ان العربية تعبت جدا 6-نظام الفتيس قديم 7- الانذار من موديلات سنة 16 8-اما بقى بخصوص الكماليات فانا مش عارف الناس بتقول عليها وااااااااااو انا شايف انها عادية جدا ما عدا الطارة المالتى بالرغم من كدة الكروز فيها كمبيوتر بيعطى معلومات اكتر بكتير من السول......وطبعا هتسالنى وعريفت كل دة منين هقولك اصل ادبست واشترتها من 5شهور.والسوال اللى بعدة اجابتة لان انا فى الامارات والكروز نزلت 1800سي سي وحسبى اللة ونعم الوكيل ....ارجو انى مكنتش ضايقتك لو كنت جبتها بس اكيد انت حتحس بكل دة لوحدك.....وعلى فكرة السيارة دى لو استخدام خفيف يعنى مشاوير وسط البلد وكدة فهية ممتازة.............ابو محمد

لو سمحتو يا خبراء .. طالما ماحدش جرب سيارة مايتكلمش عنها مجرد انه بيسمع و خلاص .. انا معايا سول 2011 .. و تعالى بقى نفصل العيوب الفظيعة اللى طالعة من الخبير
(1) استهلاك غير عادى للبنزين ,,... ( السيارة اللى معايا 1600 سي سي .. التانك 48 لتر .. بتمشي تقريبا 580 كم فى التفويلة.. كان معايا لانسر .. قبليها .. الانسر كبيرها 480 لتر و تنكها أقل ممكن 42 لتر
(2) عافشة رايحة فى داهية ..,, ( لا حول الله .. مقارنة بلانسر اللى كانت معايا .. الانسر ناشفة جدا عنها .. كفاية انك مابتحسش بالمطبات مع السول )
(3) لو هتجبها علشان شكلها فبعد شوية هتقدم وتبقى بايخة ( الكلام ده حضرتك ينطبق على أى سيارة مهما كانت .. الكل بيقدم و المسألة أزواق بس )
(4)موتور ضعيف جدا وصوتة زبالة ( هههههههههه .. السيارة للأسف مالهاش أى صوت .. هادئة جدا جدا .. بس الظاهر انك بتحب الروشنة و الصوت العالى بس و تركيب مكبرات صوت للشكمان عشان الناس كلها تبص عليك و انت ماشي ) اللى يجرب السيارة .. مالهاش ماتحسش انها دايرة أصلا .. و حتى لو على السرعات العالية
(5) العربية الفتيس بتعها اربع نقلات بس ودة عيب انا شيفو قااااااااااااااااتل
( هيا فعلا اربع نقلات بس .. بس الصراحة مش مأثر يعنى و صوت الموتور مش بيعلى حتى على االسرعات العالية و سحب العربية فوق الممتاز ز ثباتها فوق الممتاز
(6) نظام الفتيس قديم : ( و الله الفيتيس اللى عندى ( تب ترونيك ) لو حضرتك تعرف الموديل اللى بعد الجير ده ياريت تفيدنا بمعلومات عنه
(7) السول كمان فيها كمبيوتر بيعطيك معلومات كافية
( ياريت أى حد يتكلم على سيارة يبقى عنده خلفية عنها مش مجرد مايسمع ان الناس بتقول وااااو يبقى تقول وااااااو انت كمان زى ماقولت كده ..
انا حبيت بس اوضح للناس العيوب الفظيعة اللى اتذكرت . عشان لو حد عايز يشتريها أو حاطتها فى حسابته يلغى الكلام اللى سمعه عنها دى .. يعنى ده مش رد على الخبير .. بس توضيح للناس ..و الله يوفق الجميع

[zizoo21]

على فكرة يا محمود أنا حجزت كيا سول النهاردة و انشاء الله هستلمها فى خلال يومين .. هى 2011 خليجى و المعرض قالى ان فيها الفتيس الجديد (6 سرعات مش اربعة) اية رأيك فى الكلام دة؟

[محمود سامى محمود]

المشاركة الأصلية كتبت بواسطة zizoo21 على فكرة يا محمود أنا حجزت كيا سول النهاردة و انشاء الله هستلمها فى خلال يومين .. هى 2011 خليجى و المعرض قالى ان فيها الفتيس الجديد (6 سرعات مش اربعة) اية رأيك فى الكلام دة؟

أولا الف مبروك مقدما يا استاذ زيزو و يارب يكفيك شرها و ينولك خيرها أمين .

بالنسبة للفيتيس بتاع ال 2011 خليجي .. هو ترب ترونيك .. يعنى طبعا زى ما انت عارف ممكن تستعملة مانويل و ممكن تستعمله اتوماتيك .. الاتوماتيك فيه 4 سرعات مش 6 زى ما قولولك . و المانويل برده 4 سرعات .. لما السيارة بتجيب 120 كم / ساعة بيبقى أمبير عدد لفات الموتور على 3000 .. و عندك لحد 6500 لفة فى الدقيقة طبعا مسموح بيها .. يعنى تقريبا بتستخدم نصف طاقة الموتور لما تمشي السيارة على 120 كم .. وده معناه ان الموتور مرتاح على السرعات العالية .. يعنى 4 نقلات مش مأثرة خالص على زيادة عدد لفات الموتور ..معنويا ً ممكن تقول ان الفيتيس اكنه 6 نقلات مش اربعة .. و لما انشاء الله تجيبها تتأكد .. بس عشان تتأكد طبعا انها خليجي زى ما بتقول .. افتح باب السائق .. هتلاقى فى جنب الباب من جوه ختم حديدي طبعا اكيد عارفه مكتوب عليه ( هذه السيارة مطابقة لمواصفات السعودية و دول الخليج ) .. و انشاء الله لما تجيب السيارة .. ماتمشيش أكتر من 100 كم فى أول 1000 كم عشان التليين .. و تغير زيت و فلتر بعد ال 1000 كم .. لأنها هاتكون خارج الضمان اللى فى مصر .. و تخاللى بالك حاول بقدر الامكان انك ماتمشيش على غيار واحد فترة طويلة .. هما قالولى كده فى الوكالة هنا .. و يكون أمبير عدد لفات الموتور لا يزيد عن 4000 لفة .. و ربنا يباركلك فيها .ومبروك مرة تانية