|
#31
12-12-2009, 10:15 PM
|
|||
|
|||
رد: اجمد مقابلة واحلى اعضاء
واضح ياقرصان ان برومادا لسه مخضوض من الغرزة اللى حصلت ولفة العربية بالهاند عند الكارو عشان كده مش قادر يحكى عنها بالتفصيل وانا بقى هاسيح واقول ......... اصل بصراحة منظر مادا وهو نازل من العربية مش ممكن يتنسى واليكم الوصف التفصيلى لاحداث الغرزة الجنان الساعة حوالى واحدة ونص بالليل بعد ماخرجنا من الكافيه ووقفنا برة شوية كان الموجود ساعتها وائل و م / شريف شاكر وحبيبى زوما وايمن باشا بوند وقائد العمالقة سومو والقرصان احمد كار وابو العربى برومادا ...... والعبد لله حبيبى ابو العربى طلب من القرصان لفة بعربيته فيفى ....... وطبعا بعد ما ابو العربى قعد فى العربية وطلع بيها لورا وقدام خطوتين !!!! لاقينا القرصان قام مقرصن عليه وركب هو ....وابو العربى جمبه وفى لمح البصر لاقينا فيفى طايرة بالاتنين ....... وداخلين على حتة ضيقة وعلى يمينه عربية راكنة وعلى شماله عربية كارو بحمار ماشية بتتمخطر وعلى طريقة القراصنة الكبار ....... القرصان مرق وبرق بين الكارو والعربية التانية وف لمح البصر شد الهاند ف حتة يادوب تاخد العربية بالعافية ولفت فيفى حوالين نفسها وكنت سامع صوت عمال يعمل ...... بوم بوم بوم بوم بوم بوم اتاريه صوت دقات قلب ابو العربى واصل لحد عندنا من مسافة 300 متر تقريبا ويادوب فيفى وقفت لثانية وهووووب طارت من على الارض طير وجت علينا والهاند اشتغلت تانى ولفة على خفيف ونلاقى كلنا ابو العربى طالع من الشباك بيصوت باعلى صوت هو بيقول من الفرحة !!!!! واحنا هانمشيها انه صوّت من الفرحة !!!!!!!!!!! بس ياترى هو ركبه كانت بتخبط فى بعضها من البرد .......والا من الفرحة !!!!!! ووقفنا بعديها حوالى ربع ساعة فى جو اقرب للتلاجة وبعديها سلامات وتحيات وتصبحوا على خير ونتقابل تانى على خير والكل شد الرحال....... الى جزيرة القطن ....... ودفا البطانية واللحاف كان معكم فى الوصف التفصيلى على احداث الغرزة صلاحمنتيشى احد اضلاع مربع الهلاك من داخل جروب مصر مووووووووووووووووز
__________________
عجبي علي العجب العجيب العجاب عجبى !!( صلاح جاهين )لما الحقيقة تطل بعد احتجاب و تروح و تحلا وفجأة تصبح مفيش كمثل طراطيش بحر ياما خد و جاب 
|
|
#32
13-12-2009, 02:23 AM
|
|||
|
|||
رد: اجمد مقابلة واحلى اعضاء
انا اول مره حد يشد هاند و انا راكب جانبه ( انا طول عمري اللي بشد الهاند )
و اول مره اشوف حد بيعمل غرزه بالجمال ده ( بالمسطره يا معلم )  و كنت خايف علي عربيه القرصان لحسن تخيش  و طبعا يا صلاح شرح وافي للغرزه و الهاند و كان نفسي اشد هاند بعربيتك  بس ليا سؤال انا ممكن اسمي عربيتي ايه ؟  هي عموما لونها اصفر ( لون غبي )
__________________
|
|
#33
13-12-2009, 02:51 AM
|
||||
|
||||
|
رد: اجمد مقابلة واحلى اعضاء
مقابلة من أروع ما يمكن
مش هاقدر أذكر أسماء عشان هنسي ناس كتير بس اخص بالشكر سومووو علي امتاعنا بعصابة أوبل و علي رأسهم أحمد باشا علاوي و كمان الأخ العزيز باشمهندس شريف شاكر اللي كان نجم المقابلة و الأخوة الأعزاء القدامي و علي رأسهم حازم خضر ( عايزين نعمل مغامرة جديدة يا حزوم) و ايمن باشا عبد الرازق ، ايمن انتا برده مطلوب في مقابلات ميني و القائد بوب الجامد و أحمد كار حبيبي اللي مغرقني بجمايله و د/عبد السلام جاري في النزهة الجديدة و المفروض يا دكتور تقابلني كتير طول مانتا في مصر إن شاء الله مقابلات ميني ، نصاية كده كل كام يوم علي مقاهي النزهة ، و م / أحمد كامل ،، و لذالت عند وعدي نطب علي سامح مع بعض في أي وقت ( انا اتفرجت معاه النهاردة علي ماتش الأهلي و الاسماعيلي ) ، و نور بيجو الأخ العزيز ،، و فادي باشا طبعا ،، و سيف باشا اللي مبيتأخرشي في مساعدة حد و كوكي العسل و ابو نورا طبعا قبل الكل ،، أنا أكيد نسيت حد بس يعذرني بقه معلهشي و طبعا اتشرفنا برؤية صلاح باشا و مش اخر مرة ان شاء الله ،، برومادا شاب ممتاز مليان حيوية و نشاط و فكر ،، تيفا كينج ،، و أ/ ابراهيم داوود ،، و ناس تانية كتير أكيد الذاكرة مش سايعهم و افتقدنا طبعا شريف باشا المصري و باااايووووو و إسلام جلال و إسلام شاهين و سامح رمزي
__________________
|
|
#34
13-12-2009, 03:04 AM
|
||||
|
||||
|
رد: اجمد مقابلة واحلى اعضاء
فعلا يا احمد باشا احسن حاجه عملتها انك ما قولتش اسامي
 بس و الله ابن حلال كان لسه انهارده في دماغي اني اكلمك اقولك عاوزين نطلع مغامره زي مغامره يناير اللي فات كده تعالي نرتب و نشوف عيشو و نطلع نقصي يومين نستريح من جو العكننه و الاحباط و الشغل النايم لحد ما ربنا يفرجها 
__________________
حـازم خـضـر
|
|
#35
13-12-2009, 03:06 AM
|
|||
|
|||
رد: اجمد مقابلة واحلى اعضاء
الله يخليك يا احمد باشا
بس انا زعلان اني متكلمتش معاك كتير بس بجد المقابله احلوت كتير لما انت جيت و ان شاء الله تتعوض المقابله الجايه بس ابقي تعالي بدري شويه
__________________
|
 |
|
|
