|
#1
12-12-2009, 04:51 AM
|
||||
|
||||
اجمد مقابلة واحلى اعضاء
صباح الخير يا مصراوية
انا لسه جاى حالاً من المقابلة بتاعة انهارده واكيد فيه ناس لسه موصلتش لاننا ماشيين الساعة 2 بليل من الكافية وقعدنا حوالى نص ساعة بره كمان نتكلم بيتهئلى لولاً البرد كنا قعدنا للفجر يارب كل الناس تروح بالسلامة وكل الناس اللى حضرت انهارده تكون انبسطت من المقابلة والصحبة وكل حاجة لانى بجد انبسط جداً جداً وكانت مقابلة من اجمل مقابلات المنتدى ان لم تكن الاجمل على الاطلاق والله مش مبالغة ولا مجاملة وهقولكو ليه بعد كده اولاً هقول احداث المقابلة بشكل موجز علشان ادى فرصة لباقى الناس تتكلم المفروض المقابلة كانت الساعة 5 والمفروض كنت اتقابل مع صلاح عبد النبى حوالى 3 ونص علشان نروح نحجز الكافية ونبداء نوجهه الناس ونستقبلهم بس ده محصلش منه ولا حاجة اللى حصل ان صلاح اتأخر شوية فى الطريق وانا كمان اتزنقت فى شوية شغل كان لازم يتقفل لانى هقعد طول النهار اوف لين وفى نفس الوقت صلاح لما قرب لاخر طريق النصر لقى برومادا بيتصل بيه انه وصل بدرى فبقى صراع ما بين انه يجلى او يقابل مادا اللى وصل بدرى ومش عارف اى حاجة فى اي حته فطبعا كان الاولى انه يقابل مادا وبعدين يجيلى فى نفس الوقت لقيت من بعد الصلاة التليفونات اشتغلت لمدة ساعتين بشكل متواصل ورا بعض من الناس اللى بتسأل عن المكان بالظبط والتفاصيل والمعاد لدرجة ان فيه ناس رديت عليهم وانا بلبس وناس وانا باكول وناس وانا فى الحمام والله على الساعة 4 كانت انا خلاص نازل وكان فيه حوالى 4 اعضاء بيكلمونى انهم وصلو ومحدش عارف التانى ولا حد عارف المكان يعنى كارثة فى التنظيم طبعا الناس اللى جت بدرى غصب عنهم لانهم اكترهم جايين من محافظات ومش ضامنين وقتهم وكمان ان الناس متعرفش بعضها والكافية مش متحدد بالظبط خلى الموضوع توهاااااااان خالص بصراحة انا اتعصبت وبقيت مش عارف اعمل ايه علشان اوصل بسرعة خاصة ان عربيتى مش معايا والمواصلات من عين شمس مش سهلة لان كل الطرق زحمة وان مكنتش راكب عربيتى وحافظ الاختصارات يبقى فيها ساعة على ما اوصل وطبعا الساعة ديه هتبقى خنقة جامدة جداً للناس اللى مستنية ديه وهنا يظهر وحش الوحوش البوب الجامد ليعلن انه وصل للمكان بالتزامن مع صلاح اللى كان قابل مادا وقريب جدا من المكان برضو فاتفقنا يروحو الكافية ويحاولو يجمعو الناس مع ان محدش يعرف حد شكلة ايه ولا راكب ايه ولا واقف فين اصلا ده غير ان تليفونات الناس كمان مش مع بعضها ساعة كانت من اطول الساعات اللى فى الدنيا عملنا فيها انا وبوب وصلاح مليون مكالمة علشان نجمع الناس والحمد لله وصلت على خمسة وربع تقريباً كان حوالى 6 اعضاء موجودين منهم خمسة اول مرة اشوفهم واتعرف عليهم انا قولت مش هحكى بس انا حبيت احكى الموقف ده علشان اشكر بوب وصلاح اللى بجد تعبو فى تنظيم المقابلة والترحيب بالناس فى الوقت ده من الساعة خمسة للساعة سبعة والناس كانت عمالة بتتصل وتتوافد وكل شوية نطلع نجيب حد لحد ما غالبية الاعضاء اتجمعو تقريبا على الساعة سبعة الحضور بجد كان غير متوقع خاصة ان فيه ناس كتير اعتذرت فى اللحظات الاخيرة منهم دكتور محمد - م. سامح رمزى - استاذ يسرى و كينج ميمو - محمد رينوهاوى بجد كان نفسى اشوفكم وبإذن الله تتعوض المقابلة الجاية واللى حصلتله ظروف ياريت يطمنا علية وياريت اللى معاه تليفوناتهم يبعتهالى على الخاص خاصة استاذ يسرى علشان نطمن عليه لانى سمعت انه حصلتله حادثة او ماشابه يارب تكون سليمة ان شاء الله غير كده لاول مرة منذ تأسيس المنتدى يحضر العدد ده من الناس فى مقابلة مترتبه بالسرعة ديه (معلن عنها قبلها باقل من اسبوع) وفى وقت الجو فيه بالشكل ده كمان من حيث العدد بجد مش عارف كنا كام بس الاكيد اننا عدينا ال 30 عضو طول اليوم وكنا اغلب الوقت حوالى 25 عضو فى نفس الوقت لان فيه ناس جت ومشيت رجعت تانى وفيه ناس مشيت بدرى وناس جت متاخر بس مش عدد وبس كمان ناس كتير شوفناها انهارده كان حضورهم اكثر من رائع واستمتعت جدا بصحبتهم وناس كان نفسى اشوفهم من زمان واسمع عنهم وبس وناس نعرفهم من زمان على المنتدى بس مكناش شوفناهم وناس جديدة خالص برضو كانو مفاجئة انا هقول اسماء الناس اللى حاضره فى ذهنى دلوقتى وياااااااارب اللى انسى اسمه يسامحنى اسماء الحضور دكتور عبد السلام (بلبلان) احمد كامل احمد كار صلاح عبد النبى (او ما يعرف بمربع الهلاك او جروب مصر موز)  ا.سيف الدين وحش وحوش رينو الجامد بوب صديقى الصدوق حازم خضر لانسر ستايل كوكى تيفا كينج نور بيجو برومادا احمد انور ايمن عبد الرازق سومو فادى فورتيك واصحابه الاتنين ياريت بجد نشوفكم المقابلة الجاية استاذ محمد اللى جه من المنوفية دريم لافر التيداوى واخوه ابراهيم داود تامر تامر والمفاجئه احمد علاوى والمفاجئة ايضاً اسلام امير ابن الدكتور عبد السلام (سامحنى يا دكتور ناسى الاسم) ومفاجئة المفاجئات م. شريف شاكر والعبد لله ابونورا وبنعتذر لاخواتنا البنات اللى معرفناش نظبط حضورهم انهارده وبإذن الله تعملو مقابلة قريب مابينكم وبين بعض المقابلة بجد كانت تحفة بكل المقايس واشخاص الناس اللى حضرتك والموضوعات اللى اتفتحت والحكايات اللى اتحكت والمواقف اللى حصلت عايزة عشر مواضيع وميتين مشاركة بجد علشان تتحكى بس انا حبيت افتح الموضوع واذكر اسماء الحضور واشكرهم بجد على اليوم الجميل ده الف الف شكر يا جماعة وبجد كانت اجمد مقابلة لمصر موتورز حتى الان مع اجمل اعضاء واحلى صحبة اشوفكم بكرة ان شاء الله ولى عودة بالتفاصيل الصور والحكايات والقرارات وكل حاجة عملناها فى المقابلة وفى انتظار الناس اللى روحت تطمنا وتكتب تعليقاتها واللى معاه صور يرفعها طبعا تصبحو على خير ده للى لسه مناموش وصباح الخير للى لسه صاحيين وياااااااارب يااااااااااااااارب نتجمع على خير وفى الخير دايماً واقعدو بالعافية كان معكم من قلب الاحداث AboNoRa  
|
|
#2
12-12-2009, 04:52 AM
|
|||
|
|||
|
مقابلة الجمعة 11 ديسمبر
ابتدى منين الحكاية ......... هابتديها من البداية
اتفقت مع وائل انى اقابله الساعة 4 العصر بالقرب من بيته ونطلع سوا على مكان المقابلة نزلت من البيت حوالى الساعة 3 العصر وواخد طريق الاوتوستراد وفجأة المطرة قالت خد عندكptmnlo123per1106 قولت خير من عند ربنا ........ شوية وقرب القلعة الطريق واقف ....... خير يا اخونا ؟؟!!! اتارى عربيتين خبطو فى بعض بسبب المطر والطريق وقف ptmnlo123per144 شوية ولاقيت الموبايل بيرن ......... الحاج وائل بيطلبنى ........ حكيتله على اللى انا فيه .......قالى مستنيك واول ماتوصل عند النادى الاهلى كلمنى هانزلك واقرب منك يادوب قربت من رابعة العدوية ولاقيت الموبايل بيرن تانى .......... قولت مش معقول يكون وائل بيتصل تانى !!!!! رديت اتاريه مييييييييييين ؟؟!!........ برومادا سابقا ( ابو العربى ) حاليا  بعد السلام والذى منه ..... انت فين يابنى ؟؟؟ قالى انا عند كوبرى المطار من اى اتجاه ؟؟ قالى عند استاد الكلية الحربية ....... ومش عارف المكان فين عشان اوصل قولتله خليك مكانك وانا جاى اخدك المهم كلمت وائل واتفقنا اقابل برومادا وبعدين اروحله وبعد سلسلة اتصالات ووصف وتوهة من برومادا عرفت مكانه واتقابلناptmnlo123per1106 كلمت وائل قالى خلاص اسبقنى لان فيه ناس وصلت وانا جاى فى السكة وبرضه بعد سلسلة اتصالات وتوهة ولف بالعربية وحرق بنزين ptmnlo123per111 عرفنا المكان انا وبرومادا .......... واننا نلاقى حد من اللى وائل قال عليهم.... ابدااااا .... لا جوة المكان ... ولا برة المهم دخلت انا وابو العربى ....وضبنا القعدة .... وقعدنا نصاية كده....... اتكلمنا ورغينا شوية وبعدين الحبايب كلهم هلو ورا بعضptmnlo123per154 بوب - سومو - احمد كامل - وائل - محمد رشاد ( دريم لافر ) واخوه حسن - د / بولبولان - تيفا كنج - لانسر ستايل - احمد انور - ايمن عبد الرازق - احمد كار - حازم خضر - فادى - كوكى - شريف شاكر - اسدوز - نور بيجو - محمد عصام ( فورتك ) - سيف الدين - ابراهيم داوود وسامحونى على ذكر الاسماء بدون القاب مع الاحتفاظ بالالقاب و كامل تقديرى واحترامى للجميع لانى بصراحة انا حسيت ان انا مع اخواتى وصحابى اللى اعرفهم بقالى سنين طويلة وسامحونى لو كنت نسيت حد بدون قصد ....او بدون ترتيب الحضور ... السن له احكام والزهايمر احيانا بيشتغل مع الواحد ..... وخصوصا فى البرد واخر الحضور الى شرفونا بالمقابلة ........ احمد شوارزنيجر .  ...... ابن د / بولبولان بصراحة المقابلة كانت جميلة وتحس ان الناس كلهم انك تعرفهم قبل كده وانهم اصحابك واخواتك ..... يعنى من الاخر اهلك وناسك وطبعا اتعرفنا على بعض ..... واللى يضحك فى موضوع التعارف ده ان كل لما حلقة التعارف تبدأ لازم تقف عند ابو العربى ( برومادا ) مش عارف ليه..... لحد لما كملت على خير طبعا مش عارف اقول ايه والا ايه عن المقابلة ولا على كل اللى حضروها ....... بجد حاجة تفرح واتكلمنا فى امور تخص المنتدى ...وامور تانية تخص اعمال الخير ..... ممكن د / بولبولان يحكى عنها بالتفصيل اكتر منى .. وكل اللى كان نفسه فى حاجة قالها ولو قعدت اكتب عن ابو العربى لوحده فى المقابلة دى بس ......... يبقى ان شاء الله هافضل اكتب اسبوع متصل بدون راحة ومحتاج منتدى خاص بيه لوحده .......... حبيبى يابرومادا وفى الاخر احب اقول ............ يارب دايما متجمعين على خير وفى الخير اه كنت هانسى حاجة فى اول المقابلة سومو علّم على احمد كامل فى ماتشين بلاى ستيشن ptmnlo123per154 حاجة كمان كنت هانساها الصور اللى اتصورناها مع بعض موجودة مع ابو نورا والقرصان احمد كار يعنى الصور لو مانزلتش فى الموضوع......... مش عايز اقولكو هاعمل فيكو ايه ptmnlo123per1116ptmnlo123 per113  وكل مقابلة وانتو طيبين وبخير وبصحة وسعادة ....... وتصبحوا على خير لانى مسافر الساعة 7 الصبح رايح مدينة الصالحية الجديدة ptmnlo123per172
__________________
عجبي علي العجب العجيب العجاب عجبى !!( صلاح جاهين )لما الحقيقة تطل بعد احتجاب و تروح و تحلا وفجأة تصبح مفيش كمثل طراطيش بحر ياما خد و جاب
|
|
#3
12-12-2009, 05:01 AM
|
|||
|
|||
|
رد: اجمد مقابلة واحلى اعضاء
سبقتنى بدقيقة ياوائل ........ عموما انا وانت واحد
وحلو قوى لقب ( مربع الهلاك ) و ( جروب مصر موز ) ومن هذا المنطلق انا أطالب بانشاء قسم خاص بالموز فى المنتدى ويكون د / بولبولان المشرف الخاص بيه
__________________
عجبي علي العجب العجيب العجاب عجبى !!( صلاح جاهين )لما الحقيقة تطل بعد احتجاب و تروح و تحلا وفجأة تصبح مفيش كمثل طراطيش بحر ياما خد و جاب
|
|
#4
12-12-2009, 05:01 AM
|
||||
|
||||
|
رد: اجمد مقابلة واحلى اعضاء
صباح الخير يا صلاح وتصبح على خير برضو والحمد لله وصلت بالسلامة وعقبال كل الناس يارب
تسلم ايدك على الملخص الجميل السريع ده وبكره التفاصيل والصور ان شاء الله لحسن انا همووووووووووت من النوووووووووووووم يلا تصبحو على خير 
|
|
#5
12-12-2009, 05:41 AM
|
||||
|
||||
|
رد: اجمد مقابلة واحلى اعضاء
والله احلى يوم شفته من فتره كبيره تجمع جميل وبصراحه الاحساس فيه لايوصف ويارب مايحرمنا منكم ابدا ويديم الحب والعمل وتقديم الخير للجميع والحمد لله على سلامتكم وتصبحوا على خير بس متنساش ياباشا 130 دى عمله لى عقده وعاوزها تتحل بس براحتك لما الموقع يتم التعديل عليه ومقدرين تعبك والله ياابو نورا وديما نتجمع على خير ان شاء الله وربنا يوفقك ويوفق الجميع؟
__________________
|
 |
|
|
