ممكن النصيحة قبل شراء الالنترا(التوكيل-الخليجي)؟؟

[goodmedo2003]

السلام عليكم

انا بقالي اكتر من اسبوعين مسحوول مع العربيات (سيراتو-افيو-كروز-فابيا-تيجو-لانسر-اوبترا.....وغيره كتير)

ومش عارف ارسي علي عربية للأسف بس اقرب حاجة وصلتلها كانت الالنترا الهاي لاين
وبعد لما وصلت للالنترا طلعتلي حاجة جديدة وهي

التوكيل
ولا الخليجي

انا عارف ان الخليجي افضل
وكمان موضوع ان الباور بيفصل علي السرعات العالية ده مخليني مرتاح للخليجي اكتر
بس هل الوكيل بيقبل الخليجي؟؟

وياريت لو حد يقولي كل الفروق بين

الخليجي الهاي لاين
و
التوكيل الهاي لاين

وهل في توكيل تاني غير غبور لصيانة الخليجي؟؟
*****

واخر ملحوظة:انا لاحظت ان الالنترا الافانتي الجديدة قربت تنزل...فهل شراء الالنترا في هذا التوقيت قرار غير سليم(لأن هبقي لسه شاريها وسعرها هينزل جامد لما الموديل الجديد ينزل)؟

[mesho70]

سألت فى التوكيل واتقلى انة مش بيقبل عربيات خليجى نهائى
ولما سألت واحد شغال فالتوكيل قلى ان قطع غيار الخليجى هى نفسها قطع غيار المصرى ولكن
المعلومة بتاعة قطع الغيار محتاجة تأكيد من واحد مجرب بالفعل ويكون اشترى قطع الغيار " ويفضل من التوكيل " وركبها فى عربية خليجى وخاصة سير الكاتينة وفلتر البنزين

[أحمد فاروق سيد]

لا أنصحك بالشراء فى هذا التوقيت
يُقال أن معرض فورميلا الأهرام
12 - 16 يناير 2011
إن شاء الله
به مفاجأت كثيرة
علاوة على نزول الألنترا الشكل الجديد
ويُقال أيضاً الماتركس الشكل الجديد
فإن كان فى الإمكان الأنتظار
حتى معرض فورميلا فأنتظر
،،،، والله الموفق

[islam_gouda]

المشاركة الأصلية كتبت بواسطة mesho70 سألت فى التوكيل واتقلى انة مش بيقبل عربيات خليجى نهائى

يعني ايه الكلام ده .. ده حاجة غريبة جداً يعني انا ابقى نازل من الخليج ومعايا عربيتي اروحلهم التوكيل اقولهم صلحولي الحاجه الفلانية يقولولي لاء والله الي شاري مننا بس هو الي نصلحلة ... الكلام ده غير مقبول إطلاقاااااااااااااااااااا

" انا مش بشكك في كلام الكاتب ولكن بستغرب من ده قانون للتوكيلات "

[goodmedo2003]

المشاركة الأصلية كتبت بواسطة أحمد فاروق سيد لا أنصحك بالشراء فى هذا التوقيت يُقال أن معرض فورميلا الأهرام 12 - 16 يناير 2011 إن شاء الله به مفاجأت كثيرة علاوة على نزول الألنترا الشكل الجديد ويُقال أيضاً الماتركس الشكل الجديد فإن كان فى الإمكان الأنتظار حتى معرض فورميلا فأنتظر ،،،، والله الموفق

ما المشكلة ان الانتظار لحد يناير صعب اوي وكما الانترا الشكل الجديد هيكون سعرها عالي لأن الكماليات اللي فيها عالية اوي وكمان موتورها 140 حصان يعني مش هتقل عن 130 الف ويمكن اكتر