ايه يا جدعان موضوع تفتيح الموتور ده ؟؟؟؟!!!!!!!!

[Mosssss]

سمعت ان المفروض الواحد يفتح الموتور بتاعة كل فترة بحيث انه يحرق على الغيارات لغايت 6 RPM عشان الموتور مينامش ... ده غير انى معايا عربية النترا اوتوماتيك 5000 كم غياراتها بتنقل على 2.5 RMP وكنت عاوزها تفتح اكتر لغاية 3 او 4 فنصحونى بالحكاية دى ... ما مدى صحة هذا الكلام وازاى تتعمل وهل هى مفيدة ولا ضارة بالعربية؟؟؟؟؟؟

[Mosssss]

ايه محدش يعرف المعلومة دى ولا ايه؟؟؟؟؟؟؟

[Injection]

هو الموضوع كأفتكاسة الغرض منه تفويق الموتور, بأنك تنقل على عدد لفات عالى, علشان سرعة دوران الموتور هتفوقه

هى دائرة مفرغة, بس الهدف من الموضوع أنك تشغل الموتور بسرعة عالية, علشان تفوقه, لأ بجد, علشان لوفيه شحم أو كربون متراكم جوه الموتور عدد اللفات العالى هيشيله, لو الشكمان فيه كربون متراكم يتشال من ضغط الهواء, وخطوط الوقود بالرشاشات لو مسدودة ضغط الوقود العالى بيشيل الشوائب منها, البوابة بيتراكم عليها بلاوى من الجو (المفروض تتنضف) لكن عدد اللفات العالى بيخلى الموتور يسحب هواء أكثر ويشيل الشوائب من عليها وهكذا يعنى.

الموتور بينام علشان بيمشى بسرعة هادية, بتتراكم جواه حاجات, وبيقل أدائه تدريجيا, أنت بتفوقه كل فترة علشان مينامش.

وأنت بتعمل كده كل فترة مش على طول, فامفيش ضرر على الموتور أطلاقا.

الأوتوماتيك لو عايز تعمل كده اعمل كيك داون وخلاص (دوس دواسة البنزين للأخر مرة واحدة, العربية هتسقط غيار وتحرق عليه)

[Mosssss]

المشاركة الأصلية كتبت بواسطة Injection هو الموضوع كأفتكاسة الغرض منه تفويق الموتور, بأنك تنقل على عدد لفات عالى, علشان سرعة دوران الموتور هتفوقه هى دائرة مفرغة, بس الهدف من الموضوع أنك تشغل الموتور بسرعة عالية, علشان تفوقه, لأ بجد, علشان لوفيه شحم أو كربون متراكم جوه الموتور عدد اللفات العالى هيشيله, لو الشكمان فيه كربون متراكم يتشال من ضغط الهواء, وخطوط الوقود بالرشاشات لو مسدودة ضغط الوقود العالى بيشيل الشوائب منها, البوابة بيتراكم عليها بلاوى من الجو (المفروض تتنضف) لكن عدد اللفات العالى بيخلى الموتور يسحب هواء أكثر ويشيل الشوائب من عليها وهكذا يعنى. الموتور بينام علشان بيمشى بسرعة هادية, بتتراكم جواه حاجات, وبيقل أدائه تدريجيا, أنت بتفوقه كل فترة علشان مينامش. وأنت بتعمل كده كل فترة مش على طول, فامفيش ضرر على الموتور أطلاقا. الأوتوماتيك لو عايز تعمل كده اعمل كيك داون وخلاص (دوس دواسة البنزين للأخر مرة واحدة, العربية هتسقط غيار وتحرق عليه)

تمام اوى الكلام ده ... بس هل لما انا احرق فى الموتور ده بيأثر عليه مع العلم انه كل فتره مش عمال على بطال يعنى ولا ده شئ عادى ومستحب انه يتعمل دى حاجة ... والحلجة التانية انا الفتيس بينقل على 2.5 RPM انا كده طبعا مش واخد عزم الموتور كله عاوز ابطئ سرعة نقل الغيارات الى 3 او 4 لفات هل ده ممكن ولا لا وشكرا ليك يا باشا

[Injection]

الموضوع ليس له أى ضرر طالما على فترات متقطعة, ليه ضرر بسيط لو (عرض مستمر) علشان الموتور دايما فى حالة اجهاد, طلمبة البنزين شغالة بضغط عالى, خطوط الوقود الضغط فيها برضه عالى, وهكذا, وعلى طول ده معناه أنك ماشى بالعربية طول الطريق عن عن عن عن عن , وده شبه مستحيل فى عربية أوتو, فا ولا يهمك ياباشا.

الفتيس الأوتو بيلائم نفسه حسب طريقة سواقة حضرتك, يعنى مثلا لو عايز أداء بتكبس بنزين فالفتيس يابيسقط نقلة علشان تاخد عزم, يا بيكمل فى نفس النقلة لعدد لفات أعلى علشان برضه يديك أعلى عزم وهورس باور, وكله حسب طريقة السواقة, فلو أنت مش محتاج العزم بمعنى أصح هو هيديهولك ليه؟

بس ماينفعش تعدل على حدود الفتيس الأوتو عامة, هو بييجى كده, ومافيش أصلا حاجة فيه علشان تتعدل (على حد علمى المتواضع).


والعفو ياباشا لا شكر على واجب.