حادثة شيفورليه سبارك 2011 ارجو المساعده

[محمدصلاح القاضى]

أولا حمد لله على السلامه
الزرجينه وظيفتها انها بتشد الحاجه المزنوقه بمعنى ان بعد الحادثه القايم اليمين كنز شويه او انضغط حبتين هو بقا بيحط الزرجينه ويشده أو بمعنى اصح يفرده تانى والزرجنيه بتفضل راكبه من تلات ايام لاسبوعين وهو كل يوم بيشد عليها عشان تفرد القايم وترجعه لوضعه
لكن هيا مش بتعيب العربيه اوووى وخصوصا انك مش مغير قايم مثلا لا قدر الله كل الحكايه ان القايم انضغط شويه بعد الحادثه وهو فرده ورجعه لوضعه الاصلى بدون لحام او تسخين لان الزرجينه هى اللى بتفرد ومن ناحية البيع مفتكرش ان لازم تبيع دلوقتى وخصوصا العربيه لسه جديده افتكر انك تجربها لمدة شهر واتنين ولسنه لو حبيت لانك لسه مافرحتش بيها ولكن اذا كانت نفسيتك قفلت من ناحيه العربيه ممكن تبيعها ولكن هتخسر 10الاف جنيه مش اكتر من كدا ويمكن اقل عن العربيات اللى نفس موديلها ولسه بحالتها

[solm2020]

شكرا يا استاذ محمد صلاح لكن انا عايز اسال

هل الزرجينه بتاعت القوايم بتكون باينه يعني ؟؟ ولا مش بتبقي باينه ؟؟ خاصه انا بصيت عليها كويس مافيش اي حاجه تدل علي انها واخده زرجينه والذنب والبراشيم المصنع زي ماهي موجوده ومفيش اي حاجه متنيه او معووجه والي عملها كانت ايدو تتلف في حرير وعملها كويس جدا
ولا بردو مهما كان ايد السمكري نضيفه والقوايم مش مرشوشه ومفيش اي حاجه معووجه ولا متنيه برضو بتبان الزرجينه ؟؟

[eng/walaaeldeen]

السلام عليكم

حمدا لله علي سلامتك فائدة الزرجينه كما قال الزميل هي ترجيع الشيئ الي وضعه الأول وسواء هتبان أو لأ من الأمانه عند البيع أنك تخبر المشتري بذلك سواء كانت باينه أو لأ وذلك لكي يبارك الله البيع ( ومن غشنا فليس منا ) والله هو المخلف وهي سياره جميله ولا تأثر القلبه علي السياره الا في حالة التحميل علي السقف بشيئ او لقدر الله انقلبة مره أخري فلن يكون السقف بالمتانه الأولي
والله المستعان

[solm2020]

يا جماعه انا مش بسال علشان البيع وبس انا بسال علشان اطمن عادة الزرجينه بتبان ولا لا؟؟؟ وشكراااااا........

[AutoPaint]

لو العربية اتعملت صح مش تبان انها كانت فيها حدثه اصلا
لو اتعملت الزرجينه صح مش تخاف العربية بس اهم حاجة يكون اللى عملها واحد عنده ضمير فقط
تحياتى لك