فيرنا فيرنا دار دار زنجة زنجة - الى الامام

[ikshanh]

اخوانى اعزائى خبراء المنتدى واصحاب الخبرة فى سيارة هيونداى فيرنا

السلام عليكم ورحمة الله وبركاتة

اطلب مساعدتكم

لقد انضممت حديثا لملاك سيارة فيرنا واريد ان افهم بعض التساؤلات

اولا الصيانة

مشاكل السيارة
صوت عالى فى الموتور
السحب ضعيف
السيارة عاملة 56 الف كيلوا

اتمنى لو تدلونى عن سعر صيانة ال 50 الف فى التوكيل وبيعملوا فيها ايية وافضل اروح التوكيل ولا اروح لورشة كويسة وفين انا من قاطنى مدينة نصر


ثانيا الكماليات

سيارتى تكييف وسنتر فقط

وجدت مواضيع كثيرة عن تعديل السيارة ولكن ارجو حد يدلنى على تليفون او عنوان ورشة او محل يبيعلى العداد اللى فيية ار بي ام لانى مهم جدا بالنسبالى

كمان توضيح كيفية تركيب زجاج كهرباء للبابن الاماميين فقط بكام ومنين وياريت تليفون او عنوان واسعار

ثالثا الصاج والدهان الخارجى

السيارة بها عضعضة خفيفة فى الباب الشمال بسبب حكة صغيرة مش جايبة الدهان وبعض الخرابيش نتيجة العيال الزبالة بس دى طايلة المعجون

السؤال هل ممكن ارش حزام ولا افضل احافظ على الفبريقة والمع واعملها بقلم دوكو لو فى طريقة تزيل الخرابيش دى ياريت الافادة

رابعا النظافة

عاوز اغسل السيارة غسيل كامل بالموتور وداخلى

الفرش عادى من غير كسوة الفبريقة هل الغسيل بالصابون والمياة يضرة ويضر الارضية الموكيت ولو مينفعش انظفة ازاى

خامسا الارضيات والكسوة او الفرش

عاوز اركب ارضية جلد تتكلف كام واحسن نوع ايية

اسعار الكسوة الجلد واحسن محل فى دمشق بيبعها ولو هعمل كسوة جلد تتكلف كام للفيرنا

سادسا الجنوط

انا ركبت من يومين كاوتش طويو يابانى ب 320 الفردة هل السعر كويس والكاوتش دة نوعة كويس وكان اختيارى صح بالمقارنة بال جي تى الاندونيسى والديتسون الكورى والجود يير التركى

السؤال عاوز اركب جنوط بس المشكلة مش معاية وبردو احنا راكبين فيرنا مش بي ام ايية افضل حاجة وبسعر كويس وسامع ان الاسعار شادة اليومين دول هل استنى شوية ولا خير البر عاجلة

اتمنى الاقى تجاوب مع اسئلتى لتعم الفئدة للجميع وجزاكم الله خير

اخيكم ابراهيم

[Egy News]

عنوان الموضوع ملوش علاقه بالموضوع نفسه

[AbOnOrA]

اولا الصيانة مشاكل السيارة صوت عالى فى الموتور السحب ضعيف السيارة عاملة 56 الف كيلوا اتمنى لو تدلونى عن سعر صيانة ال 50 الف فى التوكيل وبيعملوا فيها ايية وافضل اروح التوكيل ولا اروح لورشة كويسة وفين انا من قاطنى مدينة نصر

الصوت العالى مشكلة تقديرية ونسبيه لكن عامة العربيه صوتها عالى علشان نحدد ازا كان اكتر من الطبيعى او يتعرف سبب الصوت الزائد لازم تشكف عليها
والسحب الضعيف ان شاء الله هيتحسن بعد الصيانة بتاعة الستين لما تغير بوجيهات وفلاتر وانصحك تنظف التنك وتغير طقم السيور وطقم دبرياج وطبعاً هتسقط كل الزيوت والسؤال وتتملاها تانى مع باقى السيرفيس للعفشه والكهرباء وده تعملة فى اى مكان المهم يكون صح والافضل يكون فى التوكيل او مركز خدمة معتمد طالماً العربيه فى الضمان وانت باقى على الضمان لكن هى مش سرفيس صعب ويتعمل فى اى مكان لو كان مكان محترم وعندنا فى المنتدى عروض من اماكن كتير كويسة ممكن تعرف تفاصيلهم من ساحة العروض

ثانيا الكماليات سيارتى تكييف وسنتر فقط وجدت مواضيع كثيرة عن تعديل السيارة ولكن ارجو حد يدلنى على تليفون او عنوان ورشة او محل يبيعلى العداد اللى فيية ار بي ام لانى مهم جدا بالنسبالى كمان توضيح كيفية تركيب زجاج كهرباء للبابن الاماميين فقط بكام ومنين وياريت تليفون او عنوان واسعار

بخصوص الكماليات ممكن حضرتك تاخد اراء الخبراء فى اقسام التعديلات وقسم سبير كار وتسال عن التفاصيل والاسعار بخصوصو الكماليات عموما وفرش السيارات

ثالثا الصاج والدهان الخارجى السيارة بها عضعضة خفيفة فى الباب الشمال بسبب حكة صغيرة مش جايبة الدهان وبعض الخرابيش نتيجة العيال الزبالة بس دى طايلة المعجون السؤال هل ممكن ارش حزام ولا افضل احافظ على الفبريقة والمع واعملها بقلم دوكو لو فى طريقة تزيل الخرابيش دى ياريت الافادة

الاجابة حاول تحافظ على بوية الفابريكا اطول مدة لكن لو مدايقاك الخرابيش وبتحب كل فترة تشوف العربيه كانها زيرو على الاقل خارجيا اصبر كل سنة ورشها حزام نظافة مع تلميع القوائم والسقف وباقى العربيه فقط
وعندنا من مقدمى العروض مراكز اصلاح وسمكرة تقدر حضرتك تستفسر منهم برضو على اى تفاصيل مباشرة

رابعا النظافة عاوز اغسل السيارة غسيل كامل بالموتور وداخلى الفرش عادى من غير كسوة الفبريقة هل الغسيل بالصابون والمياة يضرة ويضر الارضية الموكيت ولو مينفعش انظفة ازاى

والله فيها كلام كتير
يعنى لو انت ساكن فى مكان فيه تراب كتير والعربيه مبتكملش يوم واتنين وتترب هتبقى مشكلة فى العربيات اللى تقفيلها مش محكم اوى وهتضطر تغسلها كتير وطبعاً المنظفات العادية من صابون وخلافة بتاثر على العربيه واجزاء كتير منها مع الوقت واسائه الاستخدام والاافراط فى المية

فحاول تهتم بغسيل الحوض بالمنظفات المخصصة للمحركات على فترات مع استخدام الهواء المضغوط اضمن واسلم حاجة دائما

خامسا الارضيات والكسوة او الفرش عاوز اركب ارضية جلد تتكلف كام واحسن نوع ايية اسعار الكسوة الجلد واحسن محل فى دمشق بيبعها ولو هعمل كسوة جلد تتكلف كام للفيرنا

زى ما وضحت قبل كده ممكن تسأل ممثلى شركة سبير كار مباشره فى المنتدى وعامة الفرش اسعاره متفاوتة جداً ممكن تعمل فرش العربيه كله بميات وممكن بالافات حسب الخامات والمكان
فمقدرش افتى فى سعر محدد

سادسا الجنوط انا ركبت من يومين كاوتش طويو يابانى ب 320 الفردة هل السعر كويس والكاوتش دة نوعة كويس وكان اختيارى صح بالمقارنة بال جي تى الاندونيسى والديتسون الكورى والجود يير التركى السؤال عاوز اركب جنوط بس المشكلة مش معاية وبردو احنا راكبين فيرنا مش بي ام ايية افضل حاجة وبسعر كويس وسامع ان الاسعار شادة اليومين دول هل استنى شوية ولا خير البر عاجلة

انا مش متابع اسعار الجنوط اوى بس اعتقد لسه الاسعار فى متوسط ال 1000 - 1200 للجنوط الاندونيسى مقاس 14 وده المناسب للفيرنا

وفيه طبعا ارخص واقل

اتمنى الاقى تجاوب مع اسئلتى لتعم الفئدة للجميع وجزاكم الله خير اخيكم ابراهيم

اتمنى تكون اجاباتى مفيدة لحضرتك واهلاً بيك فى مصر موتورز

[SuccessCre8or]

متابع موضوع الكماليات ..عشان نفس مشكلتك

[ikshanh]

اخوانى الكرام للاسف عدت من التوكيل بعد اجراء صيانة ال 60000 واحمل معى هم وحزن شديد لقد ابلغونى بضرورة اجراء عمرة تحديدا تغيير طقم شنابر لخروج بخار الزيت بكثافة من خرطوم فايص الزيت وهو دة اللى كان مأثر على السحب الله يسامحة اخويا اللى ركب العربية سنة ونصف واهمل فى الزيت والمياة وسبب المشكلة
دلوقتى التوكيل قالى بداية الكلام 3500 جنية طقم شنابر ونشوف لو فى حاجة تانية محتاجة انا مستغلى المبلغ جدا خصوصا انى سألت على طقم الشنابر ب 500 جنية الاصلى واكيد الجوانات لن تتعدى 300 جنية لذلك بماذا تنصحونى زمل نصحنى بالاصلاح خارج التوكيل حيث ان التكلفة لن تتعدى 1500 جنية انصحونى ارجوكم للاهمية خاصة انى خرجت من الضمان ومستعجل على الاصلاح