مبتدءى بالسيارات ارجو مساعدتى

[احمد المايسترو]

السلام عليكم ورحمة الله وبركاته

انا ان شاء الله ناوى اشترى سيارة جديدة فى شهر 8 باذن الله

انا لا اعرف شئ عن السيارات لا انواعها ولا اى شئ عنها حتى قيادتها

انا من محافظة سوهاج وعايز اتعلم القيادة اليدوى
ممكن حد يقلى على اماكن تدريب وهو التدريب بيطول ولا وهل هو صعب

ثانيا اريد شراء سيارة جديدة بالتقسيط يكون تمنها فى حدود 50 الف

وتكون جميلة الشكل وتناسب البهدلة مش رقيقة من بره وتكون عالية عن الارض
وواسعة من جوه وشكلها شيك ولونها اسود من بره

المهم تكون بالتقسيط عايز اعرف نظام التقسيط ايه
الضمانات المطلوبة
والمقدم كام فى المية
والقسط كام فى الشهر

وانا سنى 17 سنة ينفع تكون رخصة العربية ورخصة القيادة باسمى ولا لا

[AbOnOrA]

طيب مبدئياً نقسم استفساراتك لان فيه استفسارات افضل تطرحها فى قسم التقسيط علشان يرد عليك فيها المتخصصين اكتر

اما بالنسبة لباقى الاستفسارات

- تعليم القيادة مش صعب خاصة بالنسبة لشاب صغير فى سنك هيبقى التعليم سهل جداً ان شاء الله وبالممارسة مستواك هيتحسن باستمرار لان القيادة اهم حاجة فيها الممارسة

- وقت التدريب مش ثابت حسب برنامج المكان اللى بيدربك وحسب استعدادك وقابليتك للتعلم
لكن فى المتوسط المبادىء اللاساسية للسواقة ممكن تتعلمها فى شهر مثلا
والباقى زى ما قولت سابقاً بتتعلمة بالممارسة

- اخيراً انصحك تبداء بعربيه مستعملة الاول سنة ولا اتنين لحد ما تتمكن من السواقة كفايه وبعدين تجيب زيرو لان غالباً اللى بيجيب زيرو وهو لسه مبتدىء فى السواقة بيبهدل العربيه معاه وحضرتك كمان بتفكر تجيبها قسط فالمصاريف هتبقى كتير عليك والقرار النهائى ليك طبعاً

تمنياتى ليك بالتوفيق واهلاً بيك فى مصر موتورز

[احمد المايسترو]

المشاركة الأصلية كتبت بواسطة AboNoRa طيب مبدئياً نقسم استفساراتك لان فيه استفسارات افضل تطرحها فى قسم التقسيط علشان يرد عليك فيها المتخصصين اكتر اما بالنسبة لباقى الاستفسارات - تعليم القيادة مش صعب خاصة بالنسبة لشاب صغير فى سنك هيبقى التعليم سهل جداً ان شاء الله وبالممارسة مستواك هيتحسن باستمرار لان القيادة اهم حاجة فيها الممارسة - وقت التدريب مش ثابت حسب برنامج المكان اللى بيدربك وحسب استعدادك وقابليتك للتعلم لكن فى المتوسط المبادىء اللاساسية للسواقة ممكن تتعلمها فى شهر مثلا والباقى زى ما قولت سابقاً بتتعلمة بالممارسة - اخيراً انصحك تبداء بعربيه مستعملة الاول سنة ولا اتنين لحد ما تتمكن من السواقة كفايه وبعدين تجيب زيرو لان غالباً اللى بيجيب زيرو وهو لسه مبتدىء فى السواقة بيبهدل العربيه معاه وحضرتك كمان بتفكر تجيبها قسط فالمصاريف هتبقى كتير عليك والقرار النهائى ليك طبعاً تمنياتى ليك بالتوفيق واهلاً بيك فى مصر موتورز

شكرا على الرد بس هو ممكن اتعلمها فى يوم واحد بس انا شايف انها مش محتاجة شهر كامل وثانيا انا العربية الى هجيبها ان شاء الله هكمل بيها علطول لغاية ما اتخرج واشتغل واجيب عربية بفلوسى وهو فى فرق قيادة الاوتامتيك عن اليدوى يعنى لو الى هيعلمنى علمنى سواقة اليدوى وانا جبت اوتماتيك هتفرق ولا لا لو حد يعرف عربية جديدة وتعيش ومش فوق ال50 الف يا ريت يبلغنى بيها ويقلى مواصفتها وصورة عنها وايه مميزاتها وعيوبها انا مقتنع ان ما فيش شى كامل الكمال لله وحده فعادى لو قلى عيوبها ولو حد من سوهاج هنا يعرف اماكن معارض سيارات اسعارها كويسة وتقبل التقسيط يبلغنى ضرورى

[samirayad]

بس هو ممكن اتعلمها فى يوم واحد

قليل أوى كده

عاوزينك تتعلم القياده على أصولها

علشان تبقى سواق صح


ومتستعجلش برضه

وحاول تسوق مانيوال أولا

لأن المانيوال هو الأساس فى تعلم القياده

-------------------------

ولما تبقى عشره على عشره فى المانيوال

هتلاقى قيادة الأوتوماتيك سهله جدا

[bebonet]

المشاركة الأصلية كتبت بواسطة AboNoRa طيب مبدئياً نقسم استفساراتك لان فيه استفسارات افضل تطرحها فى قسم التقسيط علشان يرد عليك فيها المتخصصين اكتر اما بالنسبة لباقى الاستفسارات - تعليم القيادة مش صعب خاصة بالنسبة لشاب صغير فى سنك هيبقى التعليم سهل جداً ان شاء الله وبالممارسة مستواك هيتحسن باستمرار لان القيادة اهم حاجة فيها الممارسة - وقت التدريب مش ثابت حسب برنامج المكان اللى بيدربك وحسب استعدادك وقابليتك للتعلم لكن فى المتوسط المبادىء اللاساسية للسواقة ممكن تتعلمها فى شهر مثلا والباقى زى ما قولت سابقاً بتتعلمة بالممارسة - اخيراً انصحك تبداء بعربيه مستعملة الاول سنة ولا اتنين لحد ما تتمكن من السواقة كفايه وبعدين تجيب زيرو لان غالباً اللى بيجيب زيرو وهو لسه مبتدىء فى السواقة بيبهدل العربيه معاه وحضرتك كمان بتفكر تجيبها قسط فالمصاريف هتبقى كتير عليك والقرار النهائى ليك طبعاً تمنياتى ليك بالتوفيق واهلاً بيك فى مصر موتورز

كلام مظبوط خصوصاً فى موضوع انك تشترى عربيه جديده وانت لسه ماتعرفش تسوق وماتعرفش حاجه فى الميكانيكا اشترى الاول عربيه قديمه اتعلم عليها سنه مثلا
وبعد كده فكر فى موضوع الجديد