السيارة a113 بعد صاينة الالف الاولى

[مادا]

تم عمل الصيانة بتوكيل العباسية اللى فى شارع الطرابيشى العربية كان فيها مشكلتان
المشكلة الاولى ودى الاهم وهيا السحب العربية بطيئه جدآ وفى المطالع تعباته قوى لما رحت توكيل ابورواش وسالت عن المشكلة ده اصلى كنت حاجز هناك وبعدين مالقتش اسمى قلت استفاد بالمشوار واسال المهندس عن مشكلة السحب قالى الموتور لسة جامد وحاول تجرى بيها فى طريق مفتوح علشان يفتح ويريح معاك رحت بيها صحراوى الاسكندرية وحاولت اجرى بيها السيارة كانت بتجيب 90 بالعافية مع الضغط الجامد على دواسة البنزين تعبت جدآ ومكملتش 40كيلو ورجعت تانى وقلت لما اعمل صيانة الالف ابقى اقولهم على العيب ده
المهم بعد ما رحت الصيانة قلولى انمسح حاجة فى المتور مش عارف اسمها أيه وبعدين السحب هايبقى كويس علشان انا مش فاهم سكت انا عارف ان مشكلة السحب بتبقى فى البوجيهات بس فى الموتير الجديدة مش عارف
المشكلة الثانية كانت السنتر بتاع الباب الامامى الايمن بيعلق احيانآ ومش بيفتح الا لازم تشدوا على فوق المشكلة دى كانت مش همانى قوى علشان كده كده كان بيفتح سواء تشدوا او يفتح لوحتوا قاللوا انشوف ليك المشكلة دى سيب العربية وتعالى خدها الساعة 3
لما رجعت كان اهم حاحة عندى اسال عن مشكلة السحب واللى حصل فيها قولولى كله تمام والعربية جاهزة والسحب حيبقى 10 %10 اخذت العربية ودفعت حق الصيانة و قلت اجربها حسيت ان السحب اصبح اسوأ من الاول رحت الصحراوى وحاولت اجرى بيها السيارة تعبانة جدآ وتعبتنى لدرجة انى رجعت بسرعة من كثر التعب لازم ادوس على دواسة البنزين جدآ علشان تمشى مش علشان تجرى العربية على الثالث بتعلق على الخمسين ما بتعديهاش الا بالعافية وعلى الرابع مش بتعدى الثمانين يعنى جابت الميه بطلوع الروح ولو كان فى مطلع انسى السرعة بتنزل لستين ده والواحد كان دايس على البنزين جامد
والمفاجأة التانية السنتركان بيعلق برضوا يعنى هما ماعملوش حاجة فى العربية خالص يعنى منتهى الاستهتار بالناس انا دلوقتى عاوز اسال اللى عنده خبرة فى السيارات دى موضوع السحب ده اينحل ولا العربية حتفضل كده ممكن اصبر عليها شوية لحد ما تتلين اكثر لما اجيب بيها 2000 كيلو بس لو استمتر موضوع السحب ده اروح لجهاز حماية المستهلك

[كريم احمد]

ياجميل منا عمال اتكلم فى الموضوع دة شوف لو انت عاديت ال1000ك شبع الغيار او يعنى احرق على النقلة خصوصا الثانى والثالث انا كانت عر بيتى كدة دلوقت بجيب با الثالث 100و110 والرابع 120 بس المشكلة ان لسة لحد دلوقت حتى على الطرق السريعة مش عارف اعدى ال130 بس الاخوة هنا نصحونى بالصبر والمحولة اكثر من مرة فى الحرق على الغيار
لحد ما المتور يفتح شوف المشاركة دى
http://www.masrmotors.com/vb/showthread.php?t=38501

[مادا]

غيار صعب قوى انا فعلآ قرات بالكتاب بتاع الصيانة ان اخر غيار الثانى 80 والثالث 110 بس انا صعب اعمل كده والعربية جديدة ممكن الموتور يحصلوا حاجة وكمان لما قلت للتوكيل اللى فى العباسية عن الغيار ده قلولى لا غلط امشى عادى يعنى متعديش بعداد اربى ام عن الاربعة مش عارف اصدق مين

[كريم احمد]

الثانى 80 لا طبعا ياباشا الكلام واضح وايوة متعديش الار بى ام 4 بس الثالث عدى ل5
وطبعا بعد ال1000ك وشوية شوية انت متلخبط لية بس ؟

[مادا]

استاذ كريم ممكن تحكم على العربية كويسة فى السحب ولا لئة لو فى عربية اوتوماتيك لانها اجيب الغيار الصحيح اللى معمول عليه الموتور يعنى لو واحد عنده اسبيرانزا اوتوماتيك وعنده مشكلة فى السحب يبقى الموتير ده ضعيفة انا سمعت ان مواتيرالاسبيرانزا الجديدة تصنيع صينى ورينا يستر وكمان لو احنا بتكلم عن المواتير الجديدة كل السيارات الحديثة مواترها جديدة ومش بنشد على الغيارفيها والسحب بتعها عالى يعنى مواتير الاسبيرانزا مختلفة عن كل المواتير اليابانى والالمانى الى فى السيارات الحديثة لو فى تكلنولوجيا جديدة اكيد اتنزل فى كل السيارات مش فى سيارات معينه وكمان كانت مصانع السيارات الكبيرة والمركات المعروفة صنعتها انا خايف ليبقى موضوع الغيار ده علشان يغطى على ضعف المتور