مشكلة الفرامل فى ال 516

[حسام الباشا]

المشاركة الأصلية كتبت بواسطة mo.nagy والله انا كنت لسا ناوى اعمل موضوع اقول فيه على فرامل العربيه العجيبه دى. انت عندك الفرامل بتبقى ضعيفه قوى على السرعات الواطيه (من 40 كم لحد ما العربيه تقف)؟ أنا عربتي موديل 2007 وعملت كل حاجة أعرفها عشان أظبط الفرامل. غيرت ماستر وطنابير وتيول ومفيش فايدة وأخر ما زهقت فصلت فيوز ال ABS وبرضو مفيش فايدة ولسة لابس فى عربيه معا اني كنت ماشي على 20 وكبست فرامل على الأخر والعربية فضلت مكملة ولا فى دماغها معا ان والله كان فى مسافه كويسه عشان تقف. ارجوكم افيدونا عشان دى ارواح و فلوس ناس

عاوز اقول لسيادتك انا كان معايا 516 موديل 2007 مكنش عندى مشكلة فى الفرامل الصراحة خالص وكانت فراملها قوية جدااااااا فوق ما تتخيل وواحد صاحبى ركبها وهو كان معاه اوبل فيكترا 96 ولما ركب عربيتى قالى الفرامل ماشاء الله جامدة وبتربط بسرعة ... لكن الموديل الى معايا ده 2008 ومش عارف ايه حكاية الفرامل معانا

[mo.nagy]

سبحان الله . هيا للاسف معايا من 2007 و هيا زى ما هى كده. والله صدق اللى قال العربيه دى زى البطيخه.
على فكره كاليبرات الفرامل فى 2007 غير 2008 والتيل مش زى بعض و انا كنت فاكر فرامل 2008 احسن وكنت ناوى اغير الكاليبرات والتيل ل2008 بس بعد اللى حضرتك قولتو, انا خلاص مش هعمل كده.
شكرا استاذ حسام و يارب حد يقدر يساعدنا

[حسام الباشا]

المشاركة الأصلية كتبت بواسطة mo.nagy سبحان الله . هيا للاسف معايا من 2007 و هيا زى ما هى كده. والله صدق اللى قال العربيه دى زى البطيخه. على فكره كاليبرات الفرامل فى 2007 غير 2008 والتيل مش زى بعض و انا كنت فاكر فرامل 2008 احسن وكنت ناوى اغير الكاليبرات والتيل ل2008 بس بعد اللى حضرتك قولتو, انا خلاص مش هعمل كده. شكرا استاذ حسام و يارب حد يقدر يساعدنا

بص يا بشمهندس لو حضرتك من القاهرة روح لواحد اسمه اشرف البلبيسى وانت بتلف الميدان بتاع السواح ادخل جنب هيئة النقل العام جراج الهيئة واسال عليه وخليه يجرب العربية بنفسه ويقول رايه ايه ولما تغير التيل هات الكورى مش الصينى وربنا يصلح الحال

[jorgealibaba]

شوف جلد الفرامل

[tark.park]

عندى نفس المشكلة..ما بتشتغل الفرامل الا مع المكاركة وعملت وغيرت كل حاجة لسه السرفو