ليه اسار العربيات فى الاسكندريه اقل من المحافظات التانيه؟؟؟؟؟؟؟؟

[wael890610]

السلام عليكم ورحمه الله
انا لاحظت وانا بدور على عربيه على مواقع النت ان اسعار العربيات فى الاسكندريه بتقل عن الاسعار اللى فى القاهره وغيرها من المحافظات
وبصراحه انا كان لى تجربه قبل كده فى السويس لاقيت عربيه دايو لانوس 40الف من سنه كده ولما سالت قالولى ابعد عن عربيات السويس لانها صحيح اقل سعر بس بتكون متبدهدله خالص وعفشتها مدمره .

[mr_astra]

نفس الملاحظة بتعاة حضرتك انا اخت بالى منها
ومش لاقى تفسير غير ان العربيات فى اسكندرية وبحكم الجو هناك ممكن تكون فيها بارومة او ما شابة
مع كامل احترامنا للاسكندرانية وعربيات الاسكندرانية

[wisha123]

مع كل احترامي للاسكندرانيه وللسيارات التي يمتلكونها
على مااعتقد ان اسكندريه مدينه ساحليه وقريبه جدا من البحر فبيكون هناك شئ اسمه البخر وصبغة اليود هذا يؤدي الى وجود البارومه في معظم السيارات

[إسلام البنا]

كلام صحيح ، أنا من اسكندرية وعربيتي كلها بارومة بسبب الجو ، وبتحتاج عمرة سمكرة ودوكو كل سنتين

[نبيل عبدالرحمن]

العربيات اللى بتركن على البحر أو فى شارع قريب جداً أو عمودى على البحر بتكون عرضه للبخر ولرطوبة مياه البحر اللى هى أصلاً مالحه وأيضا لليود الخارج من البحر وده طبعاً بيأثر على صاج العربيات وعلى الشاسيه ، ويلاحظ تأثير البحر على العمارات الموجوده على كورنيش الإسكندرية واللى بيتغطى معظمها بالرخام منعاً للتآكل وأيضاً مفصلات وأكر الأبواب لازم تكون من النحاس أو الألمونيوم عشان الحديد بيتاكل بسرعة