هل يوجد حل لمشكله ال RPM ل أفيو 2009؟؟

[HFaris]

انا اشتريت أفيو 2009 من سنتين مستعمله كانت عامله 13500 كم ( حاليا عامله 88000 كم) و العربيه كانت زي الفل و كويسه بعد فتره بدأت تظهر مشكله ارتفاع ال RPM علي فترات متباعده لغايه ما بقت مشكله يوميه تقريبا من سنه و عملت كل حاجه نضفت بوابه و غيرت بوابه و غيرت سنسر TBS كذا مره و نضفت رشاشات و فصلت البطاريه و كل مره المشكله تتحل يومين او اسبوع بالكتير و ترجع تاني و فصلت السنسر و ال RPM نزل بس لما بزيد عن 80كم بقي بيزيد جامد و ممكن يوصل ل 5000 . فهل يوجد حل بالذات انا حركتي بالعربيه كتير و المشكله ده معذباني و سمعت انها اتحلت في الموديلات اللي بعد كده. ارجوكم افيدوني بخبرتكم انا لفيت كتير و صرفت كتير و نفسي اصلحها عشان ارتاح و لم احب ابيعها اقدر لان مين حيشتري عربيه فيها عيب واضح و مستفز كده و اكيد مش حارضي اخدع اللي ببيع له. شكرا مقدما

[AbOnOrA]

انت كده عملت كل حاجة مش فاضل غير حاجتين ..
1- تغير ال ECU
2- تكبر دماغك وتاقلم نفسك ورجليك عليه وهو من العيوب اللى بحاله ساعة يروح وساعة يجي لكن لو تاخد بالك برضو فيه حاجات ممكن تزود حدوثة زى غسيل العربية بجاز او مية .. هتقولى امال اغسلها ازاى اقولك قدر الامكان هواء بس واذا لزم يبقى فوم وهواء

[HFaris]

المشاركة الأصلية كتبت بواسطة AbOnOrA انت كده عملت كل حاجة مش فاضل غير حاجتين .. 1- تغير ال ECU 2- تكبر دماغك وتاقلم نفسك ورجليك عليه وهو من العيوب اللى بحاله ساعة يروح وساعة يجي لكن لو تاخد بالك برضو فيه حاجات ممكن تزود حدوثة زى غسيل العربية بجاز او مية .. هتقولى امال اغسلها ازاى اقولك قدر الامكان هواء بس واذا لزم يبقى فوم وهواء

اولا شكرا لرد حضرتك
ثانيا ايه هو ال ECU
ثالثا لما احب ابيع العربيه اعمل ايه؟ معقوله حتتباع بالعيب ده؟؟
رابعا انا فكرت اوديها التوكيل يمكن يكونوا لقوا حل