|
#51
14-02-2011, 01:48 AM
|
||||
|
||||
رد: مـقـــا لا ت
يوم الجمعة
اخواننا الثوار من بين تعبيراتهم الطريفة تسمية يوم الجمعة بأسم معين جمعة الغضب.....جمعة التحدى.......جمعة الحسم ....... جمعة الفرح او جمعة النصر وبالمقابل اخواننا فى الحزب الوطنى (مهما كان اخواننا برضه ) كانو بيردو عليهم جمعة السلام ...... جمعة مش عارف ايه ......الى أخره وانـتـقـل هذا الكلام بسبب قيمة مصر الكبيرة الى الدول المجاورة مثل الجزائر واليمن وغيرها واليمن تحديدا........ يقومون بالدعوة يوم الجمعة القادم الى مظاهرة مليونية وبرضه مسميـينها جمعة الغضب انا شخصيا مش عارف اليمنيين هيجيبو مليون واحد منين وهم كلهم 43 واحد بس تقول ايه ...........اهو تقليد لكل ماهو مصرى والخوف من كثرة انتشار هذه العدوى ان يقوم اخواننا حكام هذه الدول حفاظا على كراسيهم بألغاء يوم الجمعة من أيام الأسبوع ويخلونا نصلى الجمعة يوم الثلاثاء مثلا لان حكام العرب عليهم حركات تفطس من الضحك وخصوصا القذافى ....... اللى عليه قرارات تفطس من الضحك وأخرها منذ ساعات حين دعا الفلسطيـنيـين جميعا الى العودة من جميع انحاء العالم الى فلسطين لاحراج دولة اسرائيل امام العالم وطبعا كلام فارغ وتهجيص لان هو يعلم تماما ان مفيش اصلا دولة اسمها دولة فلسطين يعنى سيادتك لو حبـيـت تروح فلسطين......لازم...... لازم...... لازم تاخد تأشيرة من سفارة اسرائيل أه والله العظيم من سفارة اسرائيل بقى بالذمة اسرائيل هتدى تأشيرة للفلسطينيين علشان يدخلوها ؟؟؟؟؟ اذا كان محمود عباس الرئيس الفلسطينى نفسه خاف مرة يخرج من فلسطين لحضور اجتماعات القمة العربية ويجى راجع مياخدش تأشيرة الدخول باعتباره شخص غير مرغوب فيه والدول بتاعة الديموقراطية وحقوق الانسان..... وقتها طبلت لاسرائيل على اساس ان ده حـقـهم بصفتهم دولة ذات سيادة والله كلام عجيب والقذافى نفسه بالذات يجروء ان يلغى يوم الجمعة وخصوصا انه مرة عملها قبل كده وكان متخانق مع العاهل السعودى وفوجئنا ان ليـبـيـا استطلعت هلال شهر ذو الحجة وشافوه وانه ظهر عندهم قبل السعودية بـيـوم شوف التهريج ..............؟؟؟؟؟؟؟ ده كل الدول العربـية والاسلامية ممكن تختلف فى موعد أى شهر عربى الا ....ذو الحجة الكل بينـتـظر السعودية لان هذا الشهر مرتبط بشعيرة الحج لدى المسلمين وكما هو معلوم ان مناسك الحج كلها تتم فى السعودية وطبعا كانت الوقـفـة والعيد فى ليـبيـا وحدها قبل السعودية وكل الدول العربية والاسلامية بـيـوم وامعانا فى العبط ارسل بسلامته رجال من الشرطة السرية ( المباحث )عنده الى جبل عرفات لمراقبة حجاج ليبـيا وكتابة تـقـرير عنهم والقبض على اى حاج (بعد وصوله الى ليبيا) لايقف بعرفة يوم 8 ذو الحجة اللى هو 9 ذو الحجة فى ليـبـيـا ولايحتفل بالعيد يوم 10 ذو الحجة اللى هو وقفة عرفات فى كل الدول العربية والاسلامية أه والله هذا حصل ومن بين تصرفات الحكام العرب العجيبة ايضا كان زين العابدين بن على الرئيس التونسى المخلوع يبعث رجال المباحث فى ساعة صلاة الفجر وكانوا اذا وجدوا شقة بها مصباح مضاء ......كان يقبضون على صاحبهاوكل من فيها لانهم كده بيصلوا الفجر وهذه القصة حكاها لى احد الأخوة فى تونس لانه كان يحسدنا على صلاة الفـجر وهنا أتذكر أنى كنت أشاهد برنامج هزلى اسمه (متـفـتـيش ) وكانو بيسألو الناس عن رأيهم فى ان الحكومة قررت تضيف يوم ثامن للاسبوع وهيبقى اسمه فهد وهيبقى بعد يوم الأحد يعنى ايام الاسبوع هتبقى السبت .....الاحد........ فهد الى أخره وكانت الناس متفهموش بقى ...... بيستعبطوا ...... بيهرجوا .....مبهورين بالمذيعة اللى لابسه تى شيرت من غير اكمام أصلا .......متعرفش وانا شخصيا لايمكن اصلى الجمعة يوم الثلاثاء ابداااااااااااااااااااااا اااااااااااااا 
__________________
 انتقل الى رحمة الله .. ونسأل الله له الرحمة والغفران التعديل الأخير تم بواسطة خالدخليفة ; 14-02-2011 الساعة 02:36 AM 
|
|
#52
14-02-2011, 04:58 AM
|
||||
|
||||
|
رد: مـقـــا لا ت
نكت الثورة
الشعب المصرى لذيذ وابن نكتة ومفيش فايدة فيه وهذه أطرف نكت الثورة التى وجدتها بعد بحث ويارب تعجبكم 1ــ حسنى مبارك مات وقابل عبد الناصر والسادات فسألوه / سم والا منصة فقال / فيس بوك 2 ــ فى محاكمة احمد عز سألوه / من أين لك هذا فـقال / هذا من فضل ربى الشيطان / أه ياواطى ياناكر الجميل 3ــ الشيطان شاف 2 مليون واقـفين بيصلو جماعة فى ميدان التحرير فهتف وقال/ الله يخرب بيتك يامبارك 30 سنة بفسد فيهم وتيجى تلمهم فى ميدان التحرير يصلو 4 ــ امنية واحد مصرى ( ياريت مبارك كان ضربنا احنا الضربة الجوية وراح حكم اسرائيل 30 سنة كان زمانهم بيشحتو ) 5 ــ واحد بيدعك الفانوس السحرى طلع له العفريت وقال شبيك لبيك تطلب ايه ؟؟ قال له / عايز كوبرى بين القاهرة واسوان العفريت / كتير اوى شوف حاجة تانية خلاص عايز مبارك يسيب الحكم العفريت / عايز الكوبرى رايح جاى والا رايح بس 6 ــ بلطجى لقناة العربية / الحقونا العيال بيرمو علينا قنابل بلوتوث 7 ــ تم تأجيل الامتحانات الى أجل غير مسمى ليــــه؟؟؟ النظام ( سقـط ) وعايز فرصة يذاكر شوية عن القـذافى وحركاته العجيبة 1 ــ عاااااااجل ( الشعب الليبى يقرر 17 فبراير يوم غضب لاسقاط النظام والقذافى يعلن انه مع الشعب وسينزل معهم الى الشارع تضامنا معهم) 2 ــ القذافى يعلن رسميا انه من حق المرأة حصولها على جميع حقوقها كاملة سواء كانت ذكرا أم أنثى 3 ـــ سألو القذافى عن الثورة فقال سيبونى يومين وبعد اجتماع طويل مع مسشاريه خرج علينا وقال الثورة هى انثى الثور 4 ـــ عااااااااجل / القذافى أحد العشرة المبشرين .......... بــجــدة ــ احمد عز وحبيب العادلى ومبارك راكبين تاكسى حبيب العادلى / انا تحت ايدى 20 مليون ظابط وعسكرى واقدرى اخليهم كلهم يسقـفـولى احمد عز / وانا لما بتكلم فى الحزب 3 مليون بيسقـفـولى مبارك / وانا لما بخطب فى اى مناسبة على الاقل 5 مليون يسقـفـولى سواق التاكسى / وانا لو وقعت بيكم فى النيل دلوقت 80 مليون هيسقـفـولى ــ زين العابدين لما عرف بخلع مبارك اتصل بيه و قال له / متنساش دراعات البلاى ستيشن فـقـال مبارك / لاتعايرنى ولااعايرك الشعب خالعنى وخالعك ــ مبارك اتصل بزين العابدين وقال له / لو هتنام بدرى سيب المفتاح تحت الدواسة ــ سألو حسنى مبارك عن رأيه فى التغيـير فـقال /التغيـير ده سنة الحياة طب وانت ياريس مش هتـتـغـيـر فـقال / يابنى انا فرض مش سنة وأما أطرف شعارات واللافتات التى رفعها المتظاهرون فهى 1ــ رابطة نجارين مصر بيسألو مبارك / نوع الغرا اللى بتستعمله ايه؟؟ 2 ــ أرحل الولية عايزة تولد .....وانا مش عايز الواد يشوفك 3 ــ أرحل عايز اتجوز 4 ــ ياعم ارحل عايز اشوف مراتى اللى وحشتنى ( أمضاء / واحد متجوز من 20 يوم ) 5 ــ ده لو كان عفريت كا ن طلع 6 ــ امشى بقى ايدى وجعتنى 7 ــ لو م استحميتش فى بيتنا النهاردة هستحمى يوم الجمعة فى قصر الرئاسة أخيرا يارب تكون عجبتكم .......
__________________
انتقل الى رحمة الله .. ونسأل الله له الرحمة والغفران التعديل الأخير تم بواسطة خالدخليفة ; 14-02-2011 الساعة 05:04 AM
|
|
#53
14-02-2011, 06:23 PM
|
||||
|
||||
|
رد: مـقـــا لا ت
سمعت اليوم بعض كلمات وقرأت البعض الأخر
ووجدت انها مكملة للموضوع السابق واحببت ان اوردها هنا 1 ــ انت واد جامد تحرير 2 ــ واحشنى اوى مظاهرات 3 ــ بحبك اخر 25 حاجة 4 ــ انت فاكس كنتاكى (ولو انى مش فاهمها ) 5 ــ انت واد اجندة خارجية ( شكلها كده شتيمة ) 6 ــ البت دى جامدة دبابة 7 ــ انتى بيضة مسيلة للدموع 8 ــ معاك مولوتوف ( واحد بيسأل عن ولاعة او كبريت )
__________________
انتقل الى رحمة الله .. ونسأل الله له الرحمة والغفران
|
|
#54
14-02-2011, 10:48 PM
|
||||
|
||||
رد: مـقـــا لا ت
وعجبتنى جدا الكلام ع القذافى 
__________________
 اللهم انزل نورا من نورك عليه اللهم نور له قبره ووسع مدخله وآنس وحشته اللهم ارحم غربته وارحم شيبته اللهم اجعل قبره روضة من رياض الجنة . لا حفرة من حفر النار اللهم أغفر له وارحمه واعف عنه واكرم نزله
|
|
#55
14-02-2011, 11:16 PM
|
||||
|
||||
|
رد: مـقـــا لا ت
تسلم خالد باشا
 على المقالات الجميله .... والرائعه
__________________
اللهم احفظ بناتنا ونسائنا فى كل مكان من شياطين الانس 
|
 |
|
|
