عاوز اركب زينون

[moustafa.peace]

لو سمحت كنت عاوز اعرف انا عاوز اركب زينون لل 131 بتاعتى هى اربع عيون فهل ينفع وتكلفتهم هتكون فى حدود كام
وسمعت ان فى انواع وانة بياخد وقت على ما يسخن وان مش ينفع اقلب بية الكلام ده صحيح
واية احسن واحد اركب عندة ومكانة فين انا من القاهرة
ارجو الافادة

[ahmedsamy90]

فى نوع اسمه vision كويس جداً و انا مركبة وبيسخن فى اقل من 4 ثوانى

[AbOnOrA]

اولاً ينفع يركب ولو عشر عيون عادى كل لمبه بتيجى بالكنترولر بتاعها وحاجتها وممكن تشترى طقم او اكتر المهم بس الضفيرة والبطاريه عندك تكون حالتهم تمام

ثانيا طبعاً فيه انواع والوان وماركات ودنيا تانية بس الفروق مش فظيعة اوى كاداء فى مقابل ان الاسعار بتفرق جامد وفى الاخر ممكن تجيب جوز واطى بس بالف جنية علشان ماركة ونوع وحركات فى حين انك ممكن تركب عالى وواطى وحركات برضو بميتين جنية صينى وزى الفل
فانا انصحك ابداء بحاجة صينى وبعدين ابقى قرر لما يخلص عمرهم

ثالثا اه لازم يسخن لان ديه لمبات غاز وبتاخد ثوانى بسيطة وخلاص وده علشان تنور الواطى اول مرة لكن بعدين ممكن ترعش عادى لكن ده بيقصف عمر الزينون اكتر خاصة الانواع الشعبى

اخيراً احسن واحد ممكن تروح لسبير كار عنده ناس متدربين كويس وعنده كل الانواع تقريبا بدايه من الالمانى والغالى لحد الصينى والرخيص

غير كده ممكن تجيب الطقم من اى حتى واى كهربائى نظيف سهل يركبهم طالما العربيه مفيهاش كمبيوتر ودنيا معقدة زى العربيات الحديثة

ومبروك مقدماً ومتنساش تبقى تحكيلنا عملت ايه

[moustafa.peace]

المشاركة الأصلية كتبت بواسطة ahmedsamy90 فى نوع اسمه vision كويس جداً و انا مركبة وبيسخن فى اقل من 4 ثوانى

ودة سعرة كام انا عاوز اركب 2 واطى و2 عالى

[moustafa.peace]

المشاركة الأصلية كتبت بواسطة AbOnOrA اولاً ينفع يركب ولو عشر عيون عادى كل لمبه بتيجى بالكنترولر بتاعها وحاجتها وممكن تشترى طقم او اكتر المهم بس الضفيرة والبطاريه عندك تكون حالتهم تمام ثانيا طبعاً فيه انواع والوان وماركات ودنيا تانية بس الفروق مش فظيعة اوى كاداء فى مقابل ان الاسعار بتفرق جامد وفى الاخر ممكن تجيب جوز واطى بس بالف جنية علشان ماركة ونوع وحركات فى حين انك ممكن تركب عالى وواطى وحركات برضو بميتين جنية صينى وزى الفل فانا انصحك ابداء بحاجة صينى وبعدين ابقى قرر لما يخلص عمرهم ثالثا اه لازم يسخن لان ديه لمبات غاز وبتاخد ثوانى بسيطة وخلاص وده علشان تنور الواطى اول مرة لكن بعدين ممكن ترعش عادى لكن ده بيقصف عمر الزينون اكتر خاصة الانواع الشعبى اخيراً احسن واحد ممكن تروح لسبير كار عنده ناس متدربين كويس وعنده كل الانواع تقريبا بدايه من الالمانى والغالى لحد الصينى والرخيص غير كده ممكن تجيب الطقم من اى حتى واى كهربائى نظيف سهل يركبهم طالما العربيه مفيهاش كمبيوتر ودنيا معقدة زى العربيات الحديثة ومبروك مقدماً ومتنساش تبقى تحكيلنا عملت ايه

طيب ممكن عنوان سبير كار وشكرا جدا لاهتمامك