مروحة الردايتير بدائت تودع ايه رائيكم فى مروحة الشاهين

[zmzm0000]

مروحه استيراد اصلي وانسي الدنيا السعر من 90-120 جنيه ايا كان نوعها

[sayed2077]

المشاركة الأصلية كتبت بواسطة zmzm0000 مروحه استيراد اصلي وانسي الدنيا السعر من 90-120 جنيه ايا كان نوعها

طيب يا باشا سعر مروحة الشاهين الاستيراد كام و الاونو كام ؟؟
ومكانك فين ؟؟

[zmzm0000]

الشيخ طارق في الهرم خلف كايرو مول ش ترسا والمروحتين سعرهم لا يتعدي ال 100 جنيه ايا كانوا

[sayed2077]

كلمت الكهربائى النهارده
قلتله على انى اجيب مروحه مستورده شاهين قالى ما انت كده كده المروحه الشاهين مش هتشتغل كتير لانها هتبرد العربيه بسرعه ومش هتشتغل كتير فقالى روح هات الصينى النضيف اللى انت سئلت عليها قالى هتبقى معاك زى الفل روحت سئلت عليها قالى ب 125 قلتله طيب هاتها راح جايبهالى محطوطه فى علبة محترمه راح فاتحها ليا وجربناها بجد قوية جداااا فوق الوصف مروحة الاونو جنبها ولا حاجه خالص قلتله طيب هات بقى البتاع اللى هتركب فيه قالى بتاع ايه قلتله البتاعها اللى هتتحط فيها المروحه قالى قصدك على القميص قلتلوا ايييوه القميص قالى لا ده بيتباع لوحده قلتله طيب عاوز واحد قالى ب 30 جنية الفبر قلتله طيب عاوز واحد قعد يدور مالقاش قالى فيه بس حديد قلتله بكام قالى ب 50 جنية راح وراهونى وبصراحه برضوا خامته تقيله وكويسه المهم روحت واخد المروحه والقميص ومستنى على التركيب ان شاء الله بكره لان النهارده الاحد وكله قافل فهخلص امتحان واطير على الكهربائى يعملى المروحه ان شاء الله وهقولكم عن تجربتى مع المروحه الشاهين ان شاء الله بالصور باذن الله وبجد الف شكر على كل اللى ساعدونى وجزاكم الله خيرا

[الايطالى الصغير]

ألف مبروك

وان شاء الله تركب وعال العال وكده تمام قوى

وربنا يوفقك

وابقى احكيلنا على التجربة

علشان نستفيد منك