تخفيض جاااامد في سعر فيات بونتو كلاسيك (حازم خضر)

[hazem_khidr]

المشاركة الأصلية كتبت بواسطة mokhtar872000 شكرا ليك يا حازم فعلا دى عربيه جامده جدا ....روعه الهاتشباك الساخن واحد ابداعات فيات وسعرها ده منافس جدا بس ايه اخبار قطع الغيار واسعارها والتوكيل اوماترا لسه نايم فى العسل ولا صحى؟؟؟ واخبارها ايه مع السفر ؟؟

هو العربيه موجوده من زمان في مصر من 2000
و قطع غيارها موجوده عند تجار الفيات زي الكيلاني في وسط البلد
و كانت مع واحد قريبي موديل 2000 و كانت مريحاه اوي بس الموتور ال 16 صباب مش ال 8 صباب اللي موجود دلوقتي كانت اقوي من دي بشويه و كانت بتطلع بسهوله من الاوبل فيكترا اياميها!!!
يعني اكيد قطع غيار دي من تيل فرامل و سيور و فوانيس و ما الي ذلك متوفره و مش حتحتاج لتوكيل غير في فتره الضمان بس علشان الضمان ما يروحش عليك
بعد كده تتصرف زي ما انت عاوز
و اللي اعرفه من ناس شاريين العربيه ان التوكيل بيعمل فيها كل حاجه لما بتروح و مش بيعطلوك و معاملتهم كويسه جدا مافيش اي مشكله من ناحيتهم
هو نايم في العسل في الدعايه بس انما الصيانه بتاعتهم كويسه

المشاركة الأصلية كتبت بواسطة هيمو عندي سؤال . ياترى تكيفها قوي ولا لأ وهيأثر على حراره العربيه؟

و الله يا هيمو انا ما اعرفش بس اللي متاكد منه ان فيات دايما درجه حراره علي 90 هيا العربيه كده و متصممه علي كده و الموتور متصمم يدي اقصي قوه ليه علي الحراره دي علشان مكوناته تتفاعل مع بعضها
ما تقلقش من موضوع الحراره دا لان دي مش مشكله اساسا في الفيات زي ماهو شائع عن الفيات
انا ركبت في حياتي فيات كتير ولا عربيه فيهم كانت مظبوطه و سخنت ابدااااااااا

[hazem_khidr]

صور اخري للبونتو كلاسيك

[bassel]

tb ya 7azem beh momkn asaal 7drtk 3n el2st 3aml ezay w eih elanzma w ya ret ato 2st w a2l mo2dm w shakr l ahtmamk

[hazem_khidr]

اهلا و سهلا بيك يا باسل باشا
و نتمني نشوفك دايما
بصراحه بالنسبه للقسط فمعظم البنوك حاليا تقسط ب 9%
بنك ناصر بس ب 6% لكن يشترط موظف حكومه

[hazem_khidr]

عذرا سوف استكمل اجابه السؤال لاني جاوبت عليه في عجاله
اي بنك الفايده 9 او 9.5%
و بيلتزم تأمين شامل علي العربيه في حدود 2200 سنويا
و فيه شركات بتقلل حوالي 20% لو ما عملتش اي خبطه خلال السنه او ما احتاجتش للتأمين
...............
بنك ناصر بيشترط اما تكون موظف حكومه و راتبك يغطي قيمه القرض
او
تحط وديعه في البنك بقيمه حوالي 40% من العربيه كضمان للعربيه.
و تدفع 15% مقدم
و فايده 6% فقط لمده تصل 84 شهر يعني 7 سنين!!!!!
يعني لو تحسبها علي البونتو تدفع حوالي 10 الاف مقدم و تعمل وديعه ب 30 الف
و تدفع شهري 1240 جنيه لمده 60 شهر(5سنوات)و في اخر المده حتسترد وديعتك كامله و عليها
الارباح و حتبقي عباره عن 15 الف جنيه
يعني لو بصيت عليها حتلاقي انك دفعت فوايد علي العربيه حوالي 2000 جنيه في الخمس سنين
فطبعا دي افضل طريقه للي معاه سيوله الصراحه