#6
|
|||
|
|||
رد: مشكله فى عزم النوبيرا
لمعلوماتك المكنة 1500 الأتنين كامة اقوي من 1600 الأتنين كامة و لكن مشكلتها انها مش بتطلع اعلي قدرة ليها غير متأخر عند 6000 لفة في الدقيقة يعني لازم تحرق عليها
انا عندي ليك حل تجربة هتجيب بوجيهات بلاتينيوم NGK ورقمها BKR6E-SE وسعرها في حدود 120 جنية وهتركبهم ان شاء الله العربية التسارع بتاعها هيفرق جدا معاك الحاجة التانية هتلغي EGR و تركب ماكنة طبة بس لازم تاخد بالك اقصي سرعة هتقدر توصلها ودي عن تجربة 185 او 190 و مش هتعرف تجيب اكتر من كدة لأني متعايش مع المكنة دي بقالي اكتر من 3 سنين علشان تجيب سرعات اعلي من كدة يا اما تغير الفتيس تخلية مانيوال يا تجيب مكنة 2000 سي سي و دي الخلاصة من الآخر |
#7
|
|||
|
|||
رد: مشكله فى عزم النوبيرا
خليها فى العربيات عربى
هوه ايه ال EGR وايه مكنه طبه وايه فائده البوجيهات علميا معلش استحملنى اصل انا مخنوق من سرعه العربيه لدرجه انى سعات بالتنرفز و انا سايق شكر شديد جدااااااااااااااااااااااا ااااااااااااااااااااااااا اااااااااااااااااااااا ليك |
#8
|
|||
|
|||
رد: مشكله فى عزم النوبيرا
EGR هو وحدة اعادة تدوير العادم
فايدتة لما بيوصل الأر بي ام الي قمية كبيرة 4 او 5 او 6 يبدأ يحدث خلل في حريق الوقود وتزيد نسبة اول كسيد الكاربون فوضعو هذا النظام لحماية البيئة مكانة : موجود في كل العربيات اللي فيها حساس اكسجين او ما يسمي بحساس الشكمان موقعة في العربية بيختلف من عربية للتانية ولكن في اللانوس موجود علي راس الموتور و في النوبيرا في الجنب اللي ناحية البطارية شكلة : عادتا شكلة بيشبة منظم انبوبة البوتجاز ولة خرطوم رفيع واصلة من المانفولد طريقة الغاؤة هتفك المسمارين 12 اللي رابطينة وتعمل جوان اعمي عند اي مخرطة بحجم قاعدتة و ترجع تركبة بالجوان الاعمي ماكنة تاني عشان تختبر عملة حط ايدك تحت قبتة هتلاقي رق ارفعة لفوق هتلاقي العربية برجلت فورا وبطلت لو عملت الجوان هيختفي هذا التأثير بالنسبة للبوجيهات البلاتينيوم بتكون ذو شرارة قوية مركزة و بالتالي بتعطي نتيجه حرق افضل للبنزين و اداء افضل و شوية شوية هتخف رجلك لان العربية هتبقي شديدة فهتلاقي الأستهلاك بتاع البنزين بدأ يتحسن و انسب موديل للدايو من هذة الأنواع عالية الجودة هو NGK رقمة BKR6E-SE و هناك نوع اعلي ويسمي الأريديوم ولكنة غالي الطقم ب 500 جنية وفعليا بيزود 10 حصان حقيقي علي قدرة المكنة الأصلية قياس الكبس هتعملة عند اي بنزينة نظيفة فيها جهاز قياس كبس المكنة و علي سبيل المثال محطة شل اللي في الهرم او بنزينة مصر في مدينة نصر او وطنية في مدنية نصر تقبل مروري و اتمني اني اكون افدتك |
#9
|
||||
|
||||
رد: مشكله فى عزم النوبيرا
طيب مهو اسهل حاجة للغي ال egr مجرد فك الخرطوم
__________________
سبحانك لا علم لنا الا ما علمتنا |
#10
|
|||
|
|||
رد: مشكله فى عزم النوبيرا
بيفضل شغال برضة لأن الضغط اللي جاي من العادم من تحت شديد بيرفع الرق لفوق حتي لو خرطوم السولنيد مسحبش او كان مفكوك هو الفرق الوحيد انة EGR هيفتح متأخر شوية
|
|
|