طريق الجيش الجديد

[s_shekabala]

السلام عليكم
بص يا باشا لو نويت تمشى على طريق الجيش ... انا مشيت فية كتير بس لحد المنيا بس طريق جميل جدا بس مفيهوش بنزيمات تقريبا بعد بنى سويف (مش فاكر اوى)... يعنى تفول وانتا فى بنى سويف
بص انتا هتطلع الدائرى وتنزل نزلة المعادى - حلوان (الاتوستراد) وتفضل ماشى فى الاتوستراد اتجاة حلوان (متحودش لايمين ولاشمال) ... هتعدى سجن طرة وشق الثعبان وحلوان وهتلاقى كامين 15 مايو هتعدية وتفضل مكمل على طول بردة بعد 200 متر كدة هتلاقى يافطة طريق الكريمات هتحود يمين وتطلع شمال ( الطريق فوق)
نصيحة متمشيش الصبح بدرى اوى او بليل متأخر اوى

[Ahmed Salah ahmed]

المشاركة الأصلية كتبت بواسطة الكشفى باشا ازيك عامل اية طبعا انا كنت ساكت خالص وموضوعك هو اللى طلعنى عن صمتى لكن مبحبش حد يتوه بالذات فى الطرق الطويلة ممكن حضرتك تقولى رايح فين فى سوهاج وانا هدلك اولاً انت عندك 4 طرق 1- الطريق الزراعى ( استبعده لانة ممل وطويل ومطبات وقرف ) 2- الصحراوى الغربى ( طريق ممتاز جداً وفردى يعنى كل اتجاه ليه طريق لوحده بس طويل شويتين بس برضو عليه خدمات كتيرة بمعنى انك مش هتحس انك فى صحراوى ) 3- الصحراوى الشرقى ( اقصر من الطريق الغربى فى حدود 60 كم بس مزدوج يعنى رايح جاى مع بعض والخدمات معقولة علية لا بكثيرة ولا بقليلة ) 4- طريق الجيش (ودى اخرها اسيوط مش سوهاج برضو الطريق مش مزدوجة وجميل جداً بس الخدمات قليلة جداً واقصر من الشرقى ) اختار الطريق اللى يعجبك والمكان اللى انت رايحة وانتظر منى شرح مفصل

شكرا علي ردك يا بطل

انا ان شاء الله هاسافر علي طريق الجيش لحد اسيوط وبعد كده هاكمل زراعي لاني رايح المراغه ان شاء الله

[Ahmed Salah ahmed]

المشاركة الأصلية كتبت بواسطة zambarota السلام عليكم ورحمه الله طريق الجيش يعتبر من اجمل طرق الصعيد انت بعد لما تركب الوستراد تفضل ماشى عليه وتعدي صقر قريش وبعدها سجن طره وبعد كدا تعدي مايو وانت فى مايو فى 2 بنزينه واحد فى المقابل (موبيل) والتانيه(اويللبيا) لو عايز تحط بنزين بعدها هاتمشى هالاقى يافطه بقولك طريق الكريمات الزم اليمين تطلع مطلع الطريق يمين كدا انت على اول طريق الجيش اول وصله وهى حلوان-الكريمات- بنى سويف الطريق واسع وجميل جدا والسرعه للملاكى 120 بعد حوالى 7 كيلو هاتلاقى كارته حلوان وفى 2 بنزينه وطنيه فيهم كل الخدمات بعدها هاقطع حوالى 50 كيلو هاتلاقى كارته الكريمات وفى هناك بنزينه وطنيه بس فى المقابل بعدها بحوالى 2 كيلو هاتلاقى بنزينه وطنيه بس تحت الطريق(على طريق الكريمات الزعفرانه) هاتفضل ماشى حوالى 50 كيلو هاتلاقى مخرج بنى سويف طبعا حضرتك هاتفضل مكمل لو عايز تنزل بنزينه وطنيه فى واحده فى بوابه الكارته بتاعته بنى سويف لان بعد كدا مفيش بنزينه لحد اسيوط تانى وصله هى (بنى سويف-المنيا-اسيوط) والطريق لسه بيلمع من نضافته هاتفضل ماشى فيه لحد متوصل اسيوط الطريق جميل جدا واحسن من الغربى 100 مره ومش هاتحس انك مسافر اصلا ولو فى اى استفسار انا موجود للرد

انا متشكر لاهتمامك

ومتهيألي لو فولت من بنزينه وطنيه اللي في حلوان مش هاحتاج بنزين غير في اسيوط

بس ربنا يسترها ويكون فيه بنزين هناك

[Ahmed Salah ahmed]

المشاركة الأصلية كتبت بواسطة s_shekabala السلام عليكم بص يا باشا لو نويت تمشى على طريق الجيش ... انا مشيت فية كتير بس لحد المنيا بس طريق جميل جدا بس مفيهوش بنزيمات تقريبا بعد بنى سويف (مش فاكر اوى)... يعنى تفول وانتا فى بنى سويف بص انتا هتطلع الدائرى وتنزل نزلة المعادى - حلوان (الاتوستراد) وتفضل ماشى فى الاتوستراد اتجاة حلوان (متحودش لايمين ولاشمال) ... هتعدى سجن طرة وشق الثعبان وحلوان وهتلاقى كامين 15 مايو هتعدية وتفضل مكمل على طول بردة بعد 200 متر كدة هتلاقى يافطة طريق الكريمات هتحود يمين وتطلع شمال ( الطريق فوق) نصيحة متمشيش الصبح بدرى اوى او بليل متأخر اوى

شكرا
بس ليه مش الصبح بدري او بالليل

هو الطريق مش أمن

[zambarota]

بالنسبه للسفر بالييل
انا سافرت عليه الحمد لله بفضله كتير بالييل والصبح وبدرى ومعظم الاوقات
الدنيا امان واللى عايز يعمل حاجه هايعملها الصبح او بلييل
بس لو عربيتك تمام ان شاء الله يبقى سافر فى اي وقت

لان الطريق بيبقى ضلمه جدا بلييل وطبعا الخدمات محدوده