لماذا السيارات المستعملة افضل خيار في مصر؟ على عكس الراي السائد!!

[محمدحسن الغالى]

انا صاحب العربيه المرسيدس ده العربيه ده بعتها ب46 الف جنيه ومعايا حاليا مرسيدس 200 موديل 83

[Ahmed AlGamal]

المشاركة الأصلية كتبت بواسطة ahmed el gendy فيه ميزه انت نسيتها ف المستعمل انك لو لا قدر الله حكيت العربيه هتنزل تبص علي مكان الحكه وتقول يا خساره وبمجرد ما تركب العربيه تشغل الكاسيت علي باحبك يا حمار وتعيييييييييييش لان العربيه رشه بدل المره عشره لكن الزيرو هتقعد تعيط ع الدوكو الفبريكه يجي شهرين

ده اللي بيحصل بالضبط معايا لدرجة ان اخر مرة واحد بموتوسيكل ( ما اكثر العيال ال 14 و 15 سنة اللي طايرين بالموتوسيكلات عندنا ف المنيا ) خبط في الرف طبقه و الباب ما بقاش يفتح نزلت من الباب التاني اطمنت عليه و بصيت على الخبطة و قلتلو حرام عليك و لما روحت جبت مفك و عدلتها و الباب فتح و تمام التمام

ده بقى لو زيرو كنت نزلت فتحتله دماغه ههههههههههههههه

بس السبب الحقيقي في الحكاية ده هي الوكلاء .. احنا عندنا عشان تبقى وكيل عربيات لازم يكون معاك شهادة خبرة في السرقة و النهب .. ده غير نهب الحكومة و كمان ضعف الجنيه فتلاقي تمن العربية هنا في مصر ضعف او 3 امثال تمنها الفعلي اصل من كتر فلوسنا ... يا راجل ده في الخليج بتنزل المواصفات ضعف عندنا و بنص الثمن حتى بعد حسب فرق العملات

انما لو الفرق بسيط بين المستعمل و الجديد طبعا الجديد احسن ... المستعمل عايز خبرة و شطارة و فهم و الا ممكن تلبس عربية خازوق ... و بكل تاكيد حالة المستعمل و احساسه و نعومته مش زي الزيرو فكل حاجة ليها ميزة و عيب

بس لازم نشوف حل في موضوع الوكلا ده ... ماتيجو نعمل توكيل اتحاد ملاك

[Ahmed AlGamal]

المشاركة الأصلية كتبت بواسطة حـسن والله هو كلام الاخ كاتب الموضوع جميل وتحس انة منطقى جدا وكان ممكن اصدقة واقتنع بية تماما لكن التجربة للاسف لها حكمها على الواحد والكلام غير التجربة تماما انا مثلا اشتريت عربية 127 على قد فلوسى وفضلت اصرف عليها كل ما اصلح حاجة تخرب حاجة تانية وهكذا لحد فى يوم فكرت شوية انا ناوى على زيرو اصلا ومش مقتنع انى اغير من مستعمل لمستعمل حتى لو كان بحالة جيدة ولاقيت انى صعب اعرف اجيب عربية زيرو بهذا الوقت لكثرة التزامات اخرى ولا حتى تقسيط مينفعش اغير نهائى فى هذا الوقت فاقتنعت انها قدرى ونصيبى لعدة سنوات قادمة ولازم اصبر شوية حتى تسمح الظروف لدفع مقدم عربية زيرو والقدرة على سداد قسطها فقلت خلاص يبقى اصرف عليها شوية واشدها شدة محترمة علشان اقفل بابها خالص من دماغى ولا تعطل منى كل شوية ودخلت فى شدة العربية وياااااااااااااريتنى كنت ولعت فيها قبل ما افكر فى الموضوع دة باختصار العربية فتحت ايوة فتتتتتتتتتتتتتحت بمعنى الكلمة كل حاجة فيها عايزة تتغير حتى القطعة اللى كانت شغالة لما تتفك تحلف ما هى راكبها تانى لازم تتفك وهى خربانة ولازم اغيرها غيرت كل حاجة فى العربية كل كل حاجة بمعنى الكلمة هى فتحت وانا بصراحة فتحت معاها اقول لنفسى خليك تركب مستعمل بحالة الزيرو هههههه اقسم برب الكعبة عملت عربية على ايدى كل قطعة غيرتها بجديد وافضل واغلى نوعية الخلاصة صرفت عليها 15 الف ومحدش يضحك عليا هو دة اللى حصل وهى دى الحقيقة وكل شئ مكتوب عندى بالضبط وبتكاليفة واذا سمح الوقت بكتب لكم تفاصيل هذة الرحلة وبالعقبات والتكاليف اللى قابلتنى وبشرط ان مفيش صنايعى ضحك عليا كل شئ كان على ايدى وبسعر السوق كنت فاكر الموضوع يخلص فى 15 يوم او بالكتير اوى شهر جلست على ايد الصنايعية 3 شهور وبدعى ربنا يخلص هذا الكابوس على خير معطل نفسى ومصالحى وطالع عين اهلى وكأنى موظف انزل الصبح وارجع اخر النهار تفتكروا بعد كل دة اية اللى حصل صراح خرجت العربية ممتازة بل فوق الممتازة وجابت لى سعر وهى خارجة 20 الف كاش من واحد كان شايف كل الشغل اللى بيتعمل فيها ولكنى رفضت تماما فكرة بيعها ومفيش شهرين وبدأت رحلة الاعطال من جديد كنت اصبر نفسى انها ربما مشكلة تقفيل من صنايعى وعطل عابر ومش هيتكرر لكن الحقيقة المرة انى ما زلت بصرف على العربية وما زالت بتعطل منى وبكثرة ولسة العربية اللعينة هذة معايا ومبهدلانى لما كرهت نفسى والله كرهت نفسى وكرهت العربيات المستعملة والله احيانا تكون العربية سليمة وشغالة اخاف اركبها تعطل منى واتأخر على مشوارى ومصالحى اسيب العربية واروح اركب مواصلات وانا عمال العن اليوم اللى فكرت اصرف فية على عربية بالشكل العبيط دة ولذلك انا تكونت عندى وجهة نظر عن المستعمل وبالذات القديم اوى بالشكل دة انك تعتبرها قطعة حديد يعنى من الغباء انك تصرف جنية على قطعة حديد لانها مش هتخرج عن طبيعتها كقطعة حديد مصدية واذا عرضتها للبيع ومفيش حد يشتريها الافضل انك ترش عليها شوية بنزين وتولع فيها احسن من انك تصرف عليها دى وجهة نظرى من خلال تجربتى ومستنى اليوم اللى ربنا يفك سجنى من هذة المصيبة اللى معايا لانى مستحيل اشترى مستعمل تانى والله اجيب عجلة ولا اركب مستعمل ابداااااااااا

طب جبتلك 20 ما بعتش ليه بس ؟؟؟ و بعدين مش يمكن سوء استخدام ؟

اهم حاجة انت كسبتها في الكلام ده كله هي الخبرة و الفهم في العربيات من اللف اللي لفيته

بس اهم حاجة تستغل الخبرة ده و حاول تشغلها او تشتغل بيها حتى لو فيما بعد

[ياسر يوسف]

انا عندي فيورا 127 موديل1985 وللان ماشاء الله عليها طبعا هناك اصلاحات وهذا طبيعي ولكن افهم امكانات عربيتك وتعامل صح معها تعطيك افضل اداء....وعلي فكرهوجهات النظر نسبيه وعلي حسب تفكير ودواخل كل انسان يختار سيارته

[Ahmed 82]

المشاركة الأصلية كتبت بواسطة MmFFoR مميزات المستعمل في مصر: 1- سعر اقل 2- سهولة الصيانة في اي مكان خارج التوكيل 3- عدم الاضطرار الى القيادة 60 كم ذهابا و مثلهم ايابا ( لان معظم التوكيلات في ابو رواش ) و 4- تضييع يوم او يومين من العمل لعمل صيانات دورية تافهة اي ميكانيكي يقدر يعملها في ساعة زمن اخر النهار بعد ما ارجع من الشغل ( تغيير بوجيهات و فلاتر و غيار زيت او حتى تيل فرامل او اسطوانة و ديسك او سير كاتينة ) و بربع تكلفة التوكيل سواءا في المصنعيات او الخامات 5- تناكة الوكيل و اشتراطاته التي لا تنتهي - بعدم اجراء اي تعديلات ميكانيكية او معدنية او حتى كهربية في السيارة حتى و ان كانت تغيير كاسيت التي تشعرك ان السيارة ليست ملكك و انك مستلفها من واحد صاحبك 6- عدم مصداقية اغلب التوكيلات المصرية و ساعة الجد يشيل ايده يا اما يلبسك العمة و يقولك عيب استخدام يا اما يقرفك و يزهقك و يخليك تيأس ان العيب يتصلح - عن طريق الادعاء بان قطع الغيار غير متوفرة او محاولة اصلاح الجزء المعيب او تلصيمه مرارا و تكرارا حتى مرور فترة الضمان و انتهاءها - محاولة الايحاء للعميل ان العيب تهيؤات و انه لازم يشرب كوباية لبن دافية بالليل قبل ما ينام و يستغطى كويس - عمل صيانات غير ضرورية فقط لزيادة الفاتورة المستحقة 7- رعونة قائدي المركبات الاخرى و عدم احترامهم ليك و لاولويتك في الطرق عند رؤية سيارتك الزيرو 8- الحسد على ودنه 9- اكثر عرضه للسرقة لانها اكثر قيمة 10 - خسارة ما بعد البيع امر اساسي على عكس المستعمل ممكن تشتري و بعد سنة تبيع زي ما اشتريك او اعلى كمان انت و شطارتك في الشراء و البيع مستني ردود يا شباب

معك حق ومع رأيك