عن تجربة - تجارب وخبرات فى شتى مناحى الحياة

[أحمد فاروق سيد]

المشاركة الأصلية كتبت بواسطة AboNoRa حسمت الانتخابات بدرى بدرى انت وبدأت تنزل بالشغل الجديد يا معلم هههههههههه عينى عليك باردة ماشاء الله واضح ان على كافيه ده جامد جداً

الله يكرمك يا كبير
أما بخصوص على كافيه فهى منتج طبيعى 100 %
وجامد دبابة



لازم تجربه حيعجبك قوى إن شاء الله

[emadsmsma]

مشكور جدا موضوع رائع
وانا بابا لما بيجيلى بيجبلى هدية بن شاهين محوج من فرع الدقى كمان معارفنا بيطلبوه وهما مسافرين برة كتير حلو ومذاق رائع

[lol64]

انا بقى مدمن spresso يااحمد هنا فى الفندق لكن فى بيتنا فى القاهره النسكافيه الجولد
مواضيعك افكارها جامده قوى (استااااااااذ)

[Tarekyusry]

والله فكره جيده جدا

[طارق ابوذيد]

المشاركة الأصلية كتبت بواسطة أحمد فاروق سيد أخوانى وأخواتى أعضاء المنتدى الكرام أسعد الله صباحكم / مساءكم بكل خير منذ فترة وأنا تراودنى هذه الفكرة " عن تجربة " وهو موضوع نتاج تجارب وخبرات فى شتى مناحى الحياة الأصل أنه غير متصل بعالم السيارات المُحصلة النهائية هى تدوين الخبرات والتجارب العامة لكل الأعضاء فى كل شئ ... مراحل تشطيب شقة ،، أفضل كهربائى ،، أفضل نقاش ،، أفضل نجار ........ أشتريت جهاز جديد ولك تجربة معه فأنفعنا بها ....... تعرف محلات أغذية ومشروبات مشهود لها فأخبرنا بها ......... وهكذا وحيث أنى من مدمنى القهوة ومشتقاتها فأحببت أن يكون أولي تجاربى معها طبعاً أنا جربت بتوع بن كتير من أيام بن رانيا ومروراً ببن النجار وعبد المعبود والبستان وغيرهم ولكن بن شاهين له مذاق آخر مختلف توليفه من أجود أنواع البن حقاً وأفضل توليفه عنده ( ميلانج ) الكيلو بــ 80 ج شاهين برضه عنده نسكافيه هايل وطعوم فانيليا وبندق وشيكولاته .... ألخ المهم بن شاهين 19180 فى فرعين واحد فى الدقى أمام سنترال الدقى وواحد فى منتصف عباس العقاد بجوار مستشفى التوفيقية 39 ش عباس العقاد - مدينة نصر 22609929 الموقع الألكترونى http://www.shaheencafe.com/ النسكافيه لسنوات طويلة جداً كنت بشرب أما نسكافيه جولد لأنه درجة أفضل من نسكافيه كلاسيك إلى أن توصلت إلى القهوة الماليزى وصاحب الأمتياز والأشهر على مستوى العالم هو على كافيه بمنتجه المميز 5 × 1 قهوة - مبيض - سكر - چينسيج - تونكات على وفى 4 × 1 بدون سكر وفى بدل نفس المكونات بس بدل القهوة شاى موقع الشركة المنتجة powerroot http://www.powerroot.com.my/ صفحة على كافيه على الفيس بوك http://www.facebook.com/pages/Ali-Ca...273131?sk=wall بصراحة أفضل ما تذوقت ... مفيش بعد كده ستجدونه بالطبع فى كارفور بكل منتجاته ومتوفر فى كل فروع خير زمان ومترو السعر : العبوة الـ 20 ظرف بـــ 20 ج العلبة الــ 50 ظرف بـــ 45 ج بالمناسبة طبعاً معظمنا بيحب النسكافيه بوش كنت بشترى مضرب النسكافية اللى بحجرة قلم كان حاجة خنقه ... كل شوية يبوظ والحجرة تخلص لغاية ما وجدت مضرب نسكافيه ماركة هوم صينى طبعاً ... بس بالكهرباء فى منه 30 وات وفى منه 15 وات الـ 30 وات بــ 45 ج والــ 15 وات بــ 35 ج تقريباً أشتريته من محسن الفيومى اللى فى صلاح سالم أمام دار المركبات ولكنه موجود فى معظم محلات الأدوات المنزلية وتقريباً مره شفته عند أولاد رجب وأتمنى أن تلقى فكرة الموضوع أستحسنكم وأن لا تبخلوا علينا بنقل تجاربكم فى نفس الموضوع ... حتى يصبح لدينا موسوعة معرفية .. مصر موتورية وللأمانة هذا الموضوع بفكرته كان مؤجل لموقع مصر فري ،،، ولكنى فضلت رفعه الآن والله المُستعان ألقاكم غداً إن شاء الله فى تجربة أخري

بسم الله الرحمن الرحيم .فكره ممتازه وننتظر المذيد والسلام عليكم ورحمه الله وبركاته .