- رحلة العودة - مغامرات أبو كمال فى الصحارى و الجبال بس المرة دى من مصر للكويت

[bmkbmk]

المشاركة الأصلية كتبت بواسطة sad-bird محمد باشا كمال والله انا زعلان جدا اني مقريتش الموضوعين من الأول انا مسكتهم من الجدلة للجلدة زي ما بيقولو اولا يا باشا حمد الله على السلامة وبعدين تروح وترجع بالسلامة وبعدين حمد الله على السلامة تاني وبعدين تروح وترجع بالسلامة تاني ( دي اخرة اللي يتأخر في الرد ههههههههههههه) ياباشا مش هقول اكتر من كل الكلام الي اتقال في الموضوعين الرحلة بري أو بحري = متعة مناظر ، متعة مواقف، تعب ، ارهاق ، لذة في الاحساس بالوصول للشيء اللي محتاجه ( أرض الوطن اللي اصبحنا فيه غرباء) ، وقت اطول وبالتالي تشويق اكتر للأهل الرحلة جوي = راحة كبيرة ، سرعة في الوصول ، تعب اقل ، وقت اقل ، متعة اقل ، وصول اسرع للأهل ( اقطع عرق وسيح دمه هههههههه) مميزات الرحلة البري او البحري لما بيكون معاك حد بتكونوا فعلا زي الاخوات او اكتر فبتستفيد بالصديق قبل الطريق غير الجوي وحده هتقابله ويمكن ساعتين تلاته وخلص الموضوع على رنات بقى اما بقى عن الطريق الشمالي للسعودية فياريت تفكر تعيد نظر فيه انا مسافرتش قبل كده ( ربنا يطلعنا منها على خير ) لكن كل اللي اعرفهم وبيسافروا بري بيجو ميناء سفاجا من جدة او من ضبي واول مرة اعرف ان فيه من هناك السويس انا اعرف انها بتيجي على سفاجا بالاضافة انك ممكن تستهبل فيها وتعدي على مكة تكسبلك عمرة ويبقى المشوار جاي بفايدة روحية وثواب اكبر بس في اي حال من الاحوال السويس او سفاجا الطريق افضل بكتير( لما تعدي في مصر ) من طريق نويبع اللي كله جبال وممرات والخدمات عليه افضل بالاضافة ان الطريق مجاور للبحر الاحمر ( في حالة انك جاي سفاجا ) وبالتالي الجو بيكون ألطف شوية اما في حالة انك جاي السويس فالطريق بياخد من السويس للقاهرة وقت اقل بكتيييييييييييييييييييييي ر طبعا في القيادة لكن تبقى فعلا مشكلة او زي ما دكتور بولبولان قال لو المغرب دخل عليك هتبيت الليلة في البحر وانوار الميناء تتلألأ أمامك كمدا وغيظا فيك لكن اعتقد لو تم الترتيب والتنظيم ( لكن قبلها التوفيق من عند الله ) اعتقد ان سهل تجنب الموضوع ده اما بقى عن موضوع الناس ومعاملاتها للي راجع من الخليج فحدث ولا حرج والله شوفت مناظر وسمعت حكاوي عن اخوات تعاملوا مع بعض بجفاء بسبب حاجة زي كده ويكفي ان اقولك واحد راح ورجع السعودية مرة كان يدوب سدد ديونة مجابش هدايا غير لامه وابوه وبنت اخته علشان هتتجوز تاني سنة راح ورجع مكنش حد بيعبره غير بعد ما وصل بيومين تلاته وكان التعامل بجفاء شديد لدرجة انه قالي انا مش هنزل مصر تاني في النهاية ( هقصر في الكلام لو اني عاوز اتكلم معاك كتير ) حمد الله على السلامة وربنا يباركلك في البنوتين ويرزقك برزقهم ويعينك على تربيتهم اخخخخخخخخخخخخخخ نسيت اقولك حاجة مهمة يا باشا حمد الله على السلامة يا بية كل سنة وانت طيب يا باشا قهوتنا عندك يا باشا ههههههههههههههههههههههههه ه بهزر طبعا ربنا يستر طريقك

يا باشا ربنا يخليك و الف شكر على المشاركة الجميلة دى ...
بالنسبة لطريق الشمال يا باشا انا مافيش قدامى غيره سواء هدخل من نويبع او سفاجا او السويس لأنى هفضل ماشى فى طريق الشمال و فى الاخر يا اما هروح على الاردن عن طريق حقل و منها لنويبع يا أما هروح ضبا ...و منها لسافجة او السويس و هى نفس المسافة ...

و الحمد لله فى رحلة 2010 انا استهبلت و انا راجع من مصر و عديت عملت عمرة الحمد لله و ومشيت 4000 كيلو بدل 2400 لو ماعملتش عمرة ... طبعة العمرة تستاهل انى امشيلها 1000000000000 كيلو بس انا يا باشا بوريك فرق المسافة لو مشيت من طريق تانى غير طريق الشمال

و ربنا يستر طريقنا جميعا يا باشا و اشوفك على خير ان شاء الله

[sad-bird]

المشاركة الأصلية كتبت بواسطة bmkbmk يا باشا ربنا يخليك و الف شكر على المشاركة الجميلة دى ... بالنسبة لطريق الشمال يا باشا انا مافيش قدامى غيره سواء هدخل من نويبع او سفاجا او السويس لأنى هفضل ماشى فى طريق الشمال و فى الاخر يا اما هروح على الاردن عن طريق حقل و منها لنويبع يا أما هروح ضبا ...و منها لسافجة او السويس و هى نفس المسافة ... و الحمد لله فى رحلة 2010 انا استهبلت و انا راجع من مصر و عديت عملت عمرة الحمد لله و ومشيت 4000 كيلو بدل 2400 لو ماعملتش عمرة ... طبعة العمرة تستاهل انى امشيلها 1000000000000 كيلو بس انا يا باشا بوريك فرق المسافة لو مشيت من طريق تانى غير طريق الشمال و ربنا يستر طريقنا جميعا يا باشا و اشوفك على خير ان شاء الله

أقصد انك تمشي من الطريق الاوسط ( الخرج - الرياض - ضبى ) معرفوش بالتفصيل لكني اظن فيه طريق كده ممكن تراجع خرائط جوجل

عقبال الحج ان شاء الله
اما عن كلامي انك تيجي السويس او سفاجا فده علشان تتفادي المطبات الخطرة في طريق نويبع ويبقى الطريق من السويس او سفاجا اقرب واوسع وخدمات افضل
اما بالنسبة لموضوع عربية هنا في مصر فليها حلول منها على سبيل المثال
1. انك تاخد عربية بالايجار عداد مفتوح الفترة اللي تحتاجها ( هتبقى مشكةل طبعا لو قررة مشوار فجأه لكن لو مشوار مترتب او مصيف هتبقى اسهل
2. تقدر تتفق مع سواق تاكسي يكون جاهز في فترة وجودك مصر بدل ما تقف وتستني وتتفق لأ هو شخص واحد موثوق فيه ومضمون وقت ما تحتاجة
3. انك تاخد عربية صغيره بنت حلال على القد مش لازم كابريس ايجار برضة فترة اقامتك كلها لكن هتبقى اوفر من موديلات حديثة الا بقى لو كان لازم عربية امكانياتها عاليه

[sad-bird]

ببص دلوقتي على جوجل
لقيت فيه طريق من حفر الباطن للرياض ( شمال الرياص وبعدين فيه طريق للطائف ثم مكة ( عمرة ) ومن مكة طبعا طريق جدة ومن جدة اللانش السرع لسفاجا او السويس

[sad-bird]

طبعا الرحلة من جدة لسفاجا او من جدة للسويس في العبارة بتكون وقتها اطول تقريبا 10 ساعات بس في خلال الفترة دي بتريح فيها وبتاخد وقتك علشان تقدر تكمل بعد ما توصل البر تاني ان شاء الله

[bmkbmk]

المشاركة الأصلية كتبت بواسطة sad-bird أقصد انك تمشي من الطريق الاوسط ( الخرج - الرياض - ضبى ) معرفوش بالتفصيل لكني اظن فيه طريق كده ممكن تراجع خرائط جوجل عقبال الحج ان شاء الله اما عن كلامي انك تيجي السويس او سفاجا فده علشان تتفادي المطبات الخطرة في طريق نويبع ويبقى الطريق من السويس او سفاجا اقرب واوسع وخدمات افضل اما بالنسبة لموضوع عربية هنا في مصر فليها حلول منها على سبيل المثال 1. انك تاخد عربية بالايجار عداد مفتوح الفترة اللي تحتاجها ( هتبقى مشكةل طبعا لو قررة مشوار فجأه لكن لو مشوار مترتب او مصيف هتبقى اسهل 2. تقدر تتفق مع سواق تاكسي يكون جاهز في فترة وجودك مصر بدل ما تقف وتستني وتتفق لأ هو شخص واحد موثوق فيه ومضمون وقت ما تحتاجة 3. انك تاخد عربية صغيره بنت حلال على القد مش لازم كابريس ايجار برضة فترة اقامتك كلها لكن هتبقى اوفر من موديلات حديثة الا بقى لو كان لازم عربية امكانياتها عاليه

والله يا باشا انا جربت الايجار قبل كدة و كانت عربية طالع عينها كنت مأجرها شهر ماستحملتهاش و رجعتها بعد يومين .....

اما عن التاكسى فهو ده البديل الامثل و ربنا يسهل والاقى حد كويس أو الاقى عربية ايجار بنت حلال

المشاركة الأصلية كتبت بواسطة sad-bird ببص دلوقتي على جوجل لقيت فيه طريق من حفر الباطن للرياض ( شمال الرياص وبعدين فيه طريق للطائف ثم مكة ( عمرة ) ومن مكة طبعا طريق جدة ومن جدة اللانش السرع لسفاجا او السويس

ايوا يا باشا بس دى لفة جامدة قوى

المشاركة الأصلية كتبت بواسطة sad-bird طبعا الرحلة من جدة لسفاجا او من جدة للسويس في العبارة بتكون وقتها اطول تقريبا 10 ساعات بس في خلال الفترة دي بتريح فيها وبتاخد وقتك علشان تقدر تكمل بعد ما توصل البر تاني ان شاء الله

عارفها يا باشا الرحلة دى و ربنا يستر علينا من العبارات اللى بتغرق .. و بيبنى و بينك انا افضل اتعب شوية زيادة و اقضى ال 10 ساعات نوم دول فى بيتى