ولا كلمه

[tamer.koko]

[QUOTE=mms;838725]

المشاركة الأصلية كتبت بواسطة tamer.koko انت فعلا مش اخواني بدليل حتي الفيديو اللي اخترته من شبكه رصد الاخوانيه وسبت الفيديوهات بتاعه الطحن في العيال في الاتحاديه وطبعا انت عارف مين اللي طحنهم اكيد الفلول مش كده ولا طرف تالت زي ما انتم حافظين الرد وجبتلنا الفيديو السخيف ده والاسخف بقي انك عارض الفيديو بتاريخ 27 يناير2013 يعني سبت اللي استشهدوا واتقتلوا في بورسعيد والسويس والطحن اللي اسكندريه والقاهره والمحله وغيره وجايبلنا فيديوهات الاتحالديه اللي كانت بسبب الاعلان الدستوري الباطل والنائب العام الملاكي اللي مرسي ضيع بيه هيبه الدوله وراجه امبارح هو وجماعته وحزبه بيطلبوا استعاده هيبه الدوله واحترام المؤسسات اللي هو اساسا محترمش منهم ولا مؤسسه ولو ليك نفس تعلق علي كلامي انا معاك ومبتعبش لاني حافظ كل احداثه الرائعه اللي عملها ووقع بيها اعظم بلد في العرب مصررررررررررررررررررررررر ررررررررررر[/Q اخى الفاضل .......... بعيدا عن الاتهام بالاخوانيه والبرادعيه وغيره...... ممكن حضرتك تمنطقلى موقف جبهه الانفاذ لما يقولوا اسقاط الرئيس ( المنتخب!!!!!!!) واسقاط الدستور (المستفتى عليه!!!!!!!!!!) باغلبيه كبيره . ممكن تبررلى هذا الموقف بالذات وان اعضاء من تلك الجبهه كانو اول المرحبين بحل مجلس الشعب (المنتخب!!!!!!!!) . حضرتك عارف ان اخطر موسسه فى اى دوله هى الرئاسه وان الدستور هو اهم ما ينظم شئون الدوله وهو اعلى هرمها القانونى وبدونه لا نعرف سلطات ولا اختصاصات والحال يبقى عدم استقرار . وعارف كمان ان مجلس الشعب هو المشرع يعنى بدونه تقف باقى مؤسسات الدوله . والواضح طبعا ان كل دى مؤسسات منتخبه . تعرف حضرتك تقولى ليه بيعارضوا كل حاجه الشعب قال نعم عليها وعايزين يسقطوها . اكيد حضرتك عارف ان نظام مبارك البائد كان ده نفس نهجه : لا راى للشعب ....فالانتخابات جميعها مزوره ( شعب وشورى ورياسه واستفتاء على التعديلات الدستوريه ) , فى كل ده كان راى مبارك وعصابته وهم قله كان هو اللى يمشى رغم كونهم اقليه . وراى الشعب ملوش لازمه رغم انه الاغلبيه !!!!!!!! وكنا عاوزين من الثوره ان الشعب يكون له كلمه يقول ويختار من خلال صندوق الانتخابات ويكون هو الحكم زى بقيت الدول المحترمه . ولما جينا نحقق الامنيه الغاليه دى نلاقى جبهه الانقاذ عايزه نهدم كل اللى الشعب يختاره اسقاط الرئيس اسقاط الدستور ومنع انتخابات مجلس الشعب عبر الاحداث الحاليه . الحقيقه ان جبهه الانقاذ هى الامتداد الطبيعى لنظام مبارك والذى يتلخص فى ان الشعب ميكونش له راى او كلمه , وفى كل مره الشعب يختار حاجه يبقى لازم حلها او اسقاطها . اذا كان عندك تفسير لممارسات جبهه الانقاذ غير كده اتفضل قول .........اما اذا ملقيتشى يبقى اكيد حضرتك هتنضم لينا لعموم الشعب المصرى الواعى اللى عارف النوايا الخفيه لجبهه الانقاذ . لذلك فانه يسقطهم كل مره عبر صندوق الانتخابات . تقبل تحياتى .

انا بحترم اسلوبك الرائع في سرد االحوار بس اسمحلي اتكلم معاك بصوت عالي
اولا ليه حضرتك ضمتني لجبهه الانقاذ مع اني مش معاهم ولا جبت سيرتهم
انا اقولك عشان كل ما هو يخالف او يعارض محمد مرسي وجماعته وحزبه يبقي تابع لجبهه الانقاذ وده طبعا اللي احنا وصلناله بعد حكم مرسي الجميل اننا بقينا 2 اما اخوانجي او جبهه انقاذ
بس ياريت تتابع تاريخ الجماعه المخذل في حكم البلاد زي ماوصلوا السودان لشمال وجنوب وخلو غزه اللي هي حماس في وادي ودوله فلسطين في وادي وغيره ايام الملك وايام السادات وعبد الناصر تابع تاريخها المشرف في الهبوط بكل شئئ من اجل السلطه وانقاذ الجماعه وانت تعرف ان مش مرسي ولا جماعته اللي يعرفوا ينهضوا باعظم واكبر بلد عربيه مصرنا الحبيبه
ده الرد علي اني مش مع جبهه الانقاذ ولا مع مرسي وجماعته انا زي ما حضرتك قولت انا من صفوف الشعب المصري الا اذا انت مش عاوزني معاكم في صفوف الشعب الواعي كده ساعتها لو مرضتش تخدني معاكم هضطر اتحالف مع جبهه الانقاذ (ههههههههه)

الاهم بقي مين اللي بيهدم مؤسسات الدوله مش جبهه الانقاذ ولا غيرها لانهم اشخاص عاديين مش في ايديهم حاجه غير رطرطه الكلام انما لما يكون مرسي الحاكم وهو اللي يهدم مؤسسه عريقه زي القضاء وينام ويصحي يقولنا ان اللي هقوله ماشي بالعافيه وميطعنش عليه ويشيل النائب لعام ويجيب نائب ملاكي ومفيش حل لمجلشس الشوري يبقي مين اللي اعتدي ومين اللي خرب ارجع بالذاكره وشوف البورصه خسرت كام تاني يوم الاعلان الدستوري
وحضرتك بتقول امتدداد نظام مبارك
مقارنه خفيفه بقي مين عين عبد المجيد محمود مبارك
مين عين طلعت مرسي
مين اغلبيه في البرلمان الوطني وموافقون علاطول
مين اعلبيه دلوقتي الحريه والعداله وموافقون علاطول
مين اللي بيزور الانتخبات الوطني
مين اللي زور استفتاء الدستور الحريه والعداله بس الفرق
ان الوطني كانوا معلمين بيسرقوا وبيزوروا بيعملو البدع واحنا مكناش بنحس ولا يقين ناكل ونشرب
اما الشرفاء بتوع الدين مبيسرقوش ومش لاقيين ناكل
اما لو حضرتك مقتنع ان الاستفتاء ده نتيجته طبيعيه وحقيقيه وانه متزورش وان الاقباط منعوا من التصويت وان الاشراف القضائي كان اشراف ام علي
يبقي كده انا طولت عليك
ونبقي عملنا زي التيار الاسلامي وجبهه الانقاذ
اننا اجتمعنا واتفقنا علي ان لا نتفق
مع الفرق ان انا وانت ولا عاوزين سلطه ولا عاوزين حاجه من بعض غير المعروف ان مصر تبقي اجمل بلد
شكرا لمناقشتك رغم اختلاف ارائنا

[احمد على 1999]

اللهم احمى مصر من مصر
مصر بقت دمية فى ايد صهيون

[tamer.koko]

تقريبا يا جماعه ان دم الناس اللي ماتوا في بورسعيد والسويس والقاهره
مش فارق مع حد الواضح ان دمهم ازرق مش احمر ومالوش اي قيمه عند المصريين ولا عند الجماعه ولا سياده الرئيس لدرجه ان في ناس داخله لسه مؤيده الرئيس وقراراته وخطابه المهين المهدد للشعب وناس بتشكر المؤيدين

بس ياريت نعرف كويس ان دول دمهم زي دم اللي ماتوا في 2011 ومن غير دم دول مكنش مرسي القائد العظيم ده وصل حتي انه يبقي رئيس حي وكان زمانه في مكانه اطبيعي اللي هرب منه يوم 28
ولا دلوقتي حرام المظاهرات ونموتهم وشيوخ تهدر دمهم ونعمل قانون مظاهرات متعملش في عصر الديكتاتور مبارك
ولا الناس اللي رافضه دي من الاصل اساسا رافضين ثوره يناير
ولا عاوزين اي رئيس وخلاص وكان اهم حاجه مبارك يمشي
ولا اهم حاجه التيار الاسلامي ويحلموا ان الاخوان هطبق الشريعه
انا فعلا زهقت من قسم الثوره اللي في الموقع ومن السياسه الفاشله لاداره البلاد ومن تدني لغه الحوار مع اشخاص بنوعها
وتقريبا ان موضوع التحايل الاخواني هو اللي من حقك فيه بس تعترض مرسي وجماعته
وبقيه المواضيع اللي مؤيده لمرسي لو اعترضت تتشتم ويقولوا عليك مجنون زي العضو المحترم بيبو نت ما قال عليه

عشان كده اريح دماغي من الكلام في قسم الثوره واتكلم مع اصحابي وعائلتي اللي اعرفهم ويكون الكلام وجها لوجه افضل من انك تتكلم مع شخص متعرفوش وممكن تكون بتتكلم مع حد اصغر منك سنا والفرق بينا يكون بتاع 15 سنه او انك تتكلم مع حد حافظ مش فاهم

لذلك قررت اني ادخل قسم الثوره كا زائر عشان مردش علي حد ولا اعلق علي حد ولا ازعل من حد ولا ازعل حد مني
لان كده كده وصلني انا مكروه لاني من معارضي الجماعه وحفيد عمرو بن الخطاب محمد مرسي
و كفايه اني اتنازلت اني معلقش ولا اتكلم في الثوره علي مصر موتورز علشان خاطر مزعلش حد من اعضاء مصر موتورز المحترمين

بس لو حد رد عليه في الموضوع ده بكلام مهين او يضايقني هرد عليه بكلام اسوء منه 10 مرات حتي لو وصلت لحذف عضويتي نهائيا ولا هتفرق معايا

[mms]

[QUOTE=tamer.koko;838756]

المشاركة الأصلية كتبت بواسطة mms انا بحترم اسلوبك الرائع في سرد االحوار بس اسمحلي اتكلم معاك بصوت عالي اولا ليه حضرتك ضمتني لجبهه الانقاذ مع اني مش معاهم ولا جبت سيرتهم انا اقولك عشان كل ما هو يخالف او يعارض محمد مرسي وجماعته وحزبه يبقي تابع لجبهه الانقاذ وده طبعا اللي احنا وصلناله بعد حكم مرسي الجميل اننا بقينا 2 اما اخوانجي او جبهه انقاذ بس ياريت تتابع تاريخ الجماعه المخذل في حكم البلاد زي ماوصلوا السودان لشمال وجنوب وخلو غزه اللي هي حماس في وادي ودوله فلسطين في وادي وغيره ايام الملك وايام السادات وعبد الناصر تابع تاريخها المشرف في الهبوط بكل شئئ من اجل السلطه وانقاذ الجماعه وانت تعرف ان مش مرسي ولا جماعته اللي يعرفوا ينهضوا باعظم واكبر بلد عربيه مصرنا الحبيبه ده الرد علي اني مش مع جبهه الانقاذ ولا مع مرسي وجماعته انا زي ما حضرتك قولت انا من صفوف الشعب المصري الا اذا انت مش عاوزني معاكم في صفوف الشعب الواعي كده ساعتها لو مرضتش تخدني معاكم هضطر اتحالف مع جبهه الانقاذ (ههههههههه) الاهم بقي مين اللي بيهدم مؤسسات الدوله مش جبهه الانقاذ ولا غيرها لانهم اشخاص عاديين مش في ايديهم حاجه غير رطرطه الكلام انما لما يكون مرسي الحاكم وهو اللي يهدم مؤسسه عريقه زي القضاء وينام ويصحي يقولنا ان اللي هقوله ماشي بالعافيه وميطعنش عليه ويشيل النائب لعام ويجيب نائب ملاكي ومفيش حل لمجلشس الشوري يبقي مين اللي اعتدي ومين اللي خرب ارجع بالذاكره وشوف البورصه خسرت كام تاني يوم الاعلان الدستوري وحضرتك بتقول امتدداد نظام مبارك مقارنه خفيفه بقي مين عين عبد المجيد محمود مبارك مين عين طلعت مرسي مين اغلبيه في البرلمان الوطني وموافقون علاطول مين اعلبيه دلوقتي الحريه والعداله وموافقون علاطول مين اللي بيزور الانتخبات الوطني مين اللي زور استفتاء الدستور الحريه والعداله بس الفرق ان الوطني كانوا معلمين بيسرقوا وبيزوروا بيعملو البدع واحنا مكناش بنحس ولا يقين ناكل ونشرب اما الشرفاء بتوع الدين مبيسرقوش ومش لاقيين ناكل اما لو حضرتك مقتنع ان الاستفتاء ده نتيجته طبيعيه وحقيقيه وانه متزورش وان الاقباط منعوا من التصويت وان الاشراف القضائي كان اشراف ام علي يبقي كده انا طولت عليك ونبقي عملنا زي التيار الاسلامي وجبهه الانقاذ اننا اجتمعنا واتفقنا علي ان لا نتفق مع الفرق ان انا وانت ولا عاوزين سلطه ولا عاوزين حاجه من بعض غير المعروف ان مصر تبقي اجمل بلد شكرا لمناقشتك رغم اختلاف ارائنا

اخى الفاضل المختلف معى اشكرك رغم الخلاف على ادبك العالى وذوقك الرفيع .
والحقيقه انك تعرضت فى مشاركنك الرائعه لموضوعات غايه فى الاهميه والخطوره , يحتاج الرد عليها الى صفحات وليس سطور . وساحاول الاختصار بالقدر الذى لا يؤثر على سلامه العرض ....ومن ناحبه اخرى ساقسم ردى المتواضع على موضوعك الممتاز على عده مشاركات لان المشاركه الطويله تصيب القارئ بالملل......... والله المستعان .
اولا - عن قولك مرسى وجماعته وحزبه :
1- د. مرسى هو رئيس الدوله ورئيس الدوله هو اعلى منصب فيها وهو اول رئيس منتخب لمصر ورئيس الدوله هو واجهتها وممثلها امام العالم وفيه تتجلى هيبه الدوله ومكانتها وسط الامم . لذلك ارى ان تناولك له بتعبير مرسى وجماعته هو تناول بتعبير غير لائق واظن ن حضرتك ستوافقنى فى هذا الراى .
2- اما عن جماعه الاخوان المسلمين فاليك الاتى :
أ- ان جماعة الاخوان المسلمين هى اكثر جماعة تعرضت للتنكيل والقهر من النظم الاستبداديه فى العالم العربى .
ب- انها حركه المعارضه الاكبر فى تلك الدول وتتمتع بشعبيه واسعه وقاعده جماهيريه عريضه .
ج- انها الجماعه الوحيده التى تريد بناء نظام سياسى واقتصادى واجتماعى من منظور اسلامي وهو ما تسمية الدوله الاسلاميه . ويقابلها الدوله العلمانيه .
د- ان سعى الجماعة لانشاء دولة اسلامية رات فيه دول الغرب خطرا كبيرا عليها لما تعنيه هذه الدوله من استقلال كامل عن الغرب فى اتخاذ القرار بل ومنافسته حضاريا والتفوق عليه . الامر الذى يهدد مصالحه .
ه- لذلك سعى الغرب للقضاء على تلك الجماعه عبر دعم نظم الحكم الاستبدابديه فى العالم العربى وقد عمدت تلك النظم الى التنكيل بالجماعه وتشويه صورتها عبر وسائل كثيره منها الاعلام .
و- ولكن هذه الحرب الباهظه التكاليف لم تفلح فى القضاء على هذه الجماعه ويرجع السبب الاهم فى ذلك الى انها جماعه متاصله فى جذور المجتمع فهى مكونه من عده افراد يعيشون وسط الناس ويتمتعون بحسن الاخلاق والسيره والالتزام والتدين . لذلك وجد الناس فرقا شاسعا بين ما تروجه وسائل الاعلام وما يجدونه فى الواقع . لذلك بقى لهذه الجماعه قدرها الكبير بين المجتمعات .
ولان الناس مختلفون غى مستوى وعيهم ورغباتهم وتوجهاتهم الفكريه فان البعض تاثر بما تسوقه وسائل الاعلام من صوره مشوهه عن تللك الجماعه لكنهم يبقون مع ذلك اقل بكثير من الذين يؤيدونها . وتؤكد ذلك دائما صناديق الاقتراع .
فعلى من يرغب فى ان يصل الى الحقيقه ان يخرج من ذهنه الصوره المشوهه التى رسمها الاعلام الممول والموجه وان يقترب من افراد تلك الجماعه ليعرف الحقيقه كما هى .
ثانيا - عن حركه حماس :
اخى الفاضل يحزننى اشد الحزن واشعر بالصدمه حين ارى انسان فى مثل مستوى ثقافتك . يختزل دور حركه المقاومه حماس فى السيطره على غزه !
وينسى عملياتها البطوليه ونضالها العظيم الذى اذهل العالم واجبر اسرائيل على الانسحاب من قطاع غزه ، والبقيه تاتى ان شاء الله .
اخى العزيز ، اذا اردت ان تعرف من الذى فرق الفلسطينيين فانظر من الذى شجع اسرائيل على ضرب غزه وارجوك ان تراجع فى ذلك وثائق ويكيليكس . فاذا لم تقنعك فتذكر جيدا من الذى طلب عدم عرض تقرير جلدستون - الذى حقق فى مذابح غزه عام 2008 - على مجلس الامن. ان الذى يشجع على قتل بنى وطنه ويؤيد المحتل ليس جديرا ابدا بحكم ذلك الوطن بل ولا العيش فيه .
لم اكن اتصور ابدا ان يكون تاثير الاعلام الى هذه الدرجه !
وصل الامر ان ننسى خطر العدو المحتل وعداوته ونتهم الفدائيين المناضلين من غير ذنب جنوه .......
اخى الفاضل هذا جزء من ردى المتواضع والبقيه آتيه ان شاء الله ...اعتذر للاطاله واشكر لك سعه صدرك واقدرك واحترمك رغم الخلاف....تقبل تحياتى .

[mms]

الجزء الثانى من الرد على الاستاذ الفاضل tamer.koko
ثالثا- عن قولك المسؤول عن هدم مؤسسات الدوله :
حضرتك تفضلت بالقول ان المسؤول عنها د. مرسى ، وقدمت دليل على ذلك يقوم على تحليل منطقى بان مش معقول ان جبهه الانقاذ تكون هى المسؤوله لان مفيش فى ايدها حاجه الا الكلام .
وانا لا اختلف مع حضرتك فى هذا التحليل . انما ما اختلف معك فيه هومفهوم حضرتك لهدم مؤسسات الدوله . ففى الواقع ان ماتراه هدم اراه انا بناء جديد وعظيم لمؤسسات لدوله .
واقدم لحضرتك الادله فيما يلى .
1- فيما يتعلق بالقضاء العريق :
فانه لا خلاف على عراقه القضاء المصرى . ولكن فى الفتره الاخيره اصاب القضاء المصرى كارثه كبرى , وهى ان اسس التعين فى هذا المرفق العظيم طالته عدوى التوريث وكان للمستشار الزند مقوله شهيره ان تقدير مقبول + ابن مستشار = وكيل نيابه !
واصيح التعيين فى ذلك المرفق يقوم على الفساد والمحسوبيه . ومن ثم فقد دخل لمؤسسه القضاء العريق الكثير من العناصر الفاسده . ومن هنا كان يجب تطهيره . واذا قلت حضرتك ان هذا الفساد يتعلق بالعناصر الحديثه فما ذنب النائب العام وهو من العناصر القديمه ؟ اقول لحضرتك ان تعيين العناصر الجديده الفاسده تم على يد بعض العناصر القديمه الاشد فسادا ومنهم معالى المستشار عبدالمجيد محمود والمستشار احمد الزند .
والحقيقه انى اتعجب كثيرا من الاعتراض على اقصاء النائب العام السابق وقد كان ذلك مطلبا مهما من مطالب الثوره . وبعد ان حققه د. مرسى اعتبر وكانه جريمه !
والحقيقه اننى لا توجد لى ايه مآخذ على النائب العام السابق سوى ملحوظه واحده وهى :
انه كان ينتظر فتره من الزمن قبل اصدار الامر بالقبض على المفسدين ، وفى هذه الفتره يتمكن المفسد من اضاعه الادله وتهريب الاموال واحيانا هروب الاشخاص المتهمين انفسهم .
وكان رد النائب العام السابق جاهز دايما بانه يقول لازم نعطى التحقيق والبحث والفحص والمحص حقه والا هو سلق بيض .
والنتيجه النهائيه تضيع حقوق الدوله والناس الغلابه.
لذلك كان لابد من ازاحه هذا الرجل الذى كان من اهم حراس النظام البائد واهم اسباب ضياع الحقوق .
اخى الفاضل التمس منك ايضا مزيد من سعه الصدر ومره اخرى اعتذر للاطاله . وتقبل تحياتى ,