الخائفون من شراء اللوجان

[عمرو عبد الحميد الجندى]

على فكرة انا فضلت سنة ادرس كل العربيات اللى فى حدود 75000 و بعد دراسة و بحثو استماع الى كل الافكار قررت و انا مقتنع ان اللوجان افضل و الحمد الله العربية ذى الفل و على فكر انا سقت كتير اللانوس و كنت بحك فى الارضو المطبات و غطيان المجارى العاليه و انزل من العربية و اشوف اه اللى حصل و اقول يارب استر انما اللوجان وماشى بيه و كلى ثقة و حتى وهى محملة و عاوز اقول اى عربية هيكون ليها عيوب مهما كانت

[screamseko]

فعلا يا عمرو كلامك مظبوط
ياتري استلمت لون ايه
انا استلمت الابيض
وحاسس بزنه بسيطه جدا في دواسة البنزين بس مش مزعلاني بحسها وانا بزود او بقلل بنزين بس وانا مثبت رجلي مفيش حاجه

[mohefnawy]

أنا باستخير ربنا الأن على شراءها الاوتوماتيك
ان شاء الله هروح بكرة اخد عرض اسعار لشراءها بالتقسيط

دعواتكم لي بالتوفيق

[Ahmed1977egypt]

السلام عليكم
انا احمد من الشرقية ahmed1977egypt على اى ايميل او منتدى
عيوب العربية اليي سمعتها من المنتديات :
1- قطع غيارها مش متوفرة فى الشرقية
2- قطع غيارها غالية مقارنة مقارنة بغيرها
3- قطع غيارها بعضها ممكن مش يكون متوفر
4- مكان زراير الشباك الخلفية خلف فرامل اليد
5- صوت المحرك على لو فاتح الشباك
6- فتح غطاء البنزين يدوى – هتنزل يعنى هتنزل
7- سخونة تحت دواسة البنزين بث بتتحل فى التوكيل
8- اوعا حد يفكر فى الاتوماتيك لسه تحت الاختبار والشكوى
9- التلكس صوته عالى مزعج – بث انا شايف ده حلو لشعبنا
10- سقف العربية من جوة ابيض – يعنى خلى بالك من عيالك
مميزات العربية اليي سمعتها من المنتديات :
1- من جوة واسعه جدا – فيه واحد بيقول كنا 13 بالعيال جواها
2- شنطة واسعة جدا 510 لتر – شيل زى ما انت عايز
3- عاليا عن الارض - يعنى مفيش مطب هيحك فى العربية
4- تكييف ممتاز - لا يؤثر على السحب وبيقولو تلاجة
5- عزل كبينة ممتاز – لما تأفل الباب ما تسمعش صوت الماتور
6- عفشة ممتاز - مش تبوظ كل شوية وتروح تربطها
7- ثبتة على الارض فى السرعات – يعنى ممكن مش تحس بالسرعة
8- مستوى الامان فيها واخد درجة 3 من 5 عالميا
9- اير بيج للسائق يعنى لا قدر الله حدثة يطلع بلونة على السائق
10- الكاسيت صوته على نقى – مش هتحتاج تضيف حاجة
11- كمبيوتر رحلات لمعرفة تكلفة المشوار وحسابات البنزين
12- كوتش جنط 15 ما بينزلش الا فى عربيات غالية
13- توكيلها ممتاز فى المعاملة والضمان
14- الفرامل مقبولة مش زى لانوس مثلا
15- موفرة فى البنزين - يعنى مش سحاحة بنزين
16- سعرها الحقيقى اعلى من كده نزله مخفضة الجمارك
17- اكصدام الامامى قوى وصاج قوى -
18- قطع غيارها معمرة علشلن لسه معظمها اصلى
19- مش معقدة للميكانيكى كل حاجة ظهرة
20- رؤية المصابيح الامامية واضحة ليلا – مش هتحتاج العالى

ودية النقط الليي انا مجمعها لحد دلوقتى يعنى اللي عايز رفاهية يخليه فيها لو عايز صيانه وقطع غيار يروح للانوس مثلا او فيرنا وفى ملحوظة قطع غيارها متوفرة فى القاهرة خارج التوكيل باسعار مميزة
يتبع .. – ممكن اليي جى ما يعجبش ناس كتير – تقيل شوية على القلب

[Ahmed1977egypt]

السلام عليكم
مش عارف اقولكم ايه - المثل بيقول اسئل مجرب ولا تسئل حكيم
بث انا قلت اقراء تجارب ومشاركات ملاك اللوجان من اول ما جبوها ووقعت على واحد اسمه ada7 فى منتدى منتدى منافس (معلش لو ينفع يظهر الرابط علشان نستفيد بلاش تحذفه) الرابط http://www.**********.net/Nile/searc...archid=3275371 وبعدين فوجئت الراجل ده تقريبا بيسافر كل يوم وبيحمل عليها ممكن فى الشنطة 500 كيلو يعنى هلكها من الاخر – ورأيو هو انه لو رجع الزمن مش هيجبها تانى – لأنه كل شوية رايح على التوكيل – يعنى اليي انا فهمته ان العربية بتيجى بمواصفات عليا مقارنة بغيرها من فئتها بث مشاكل صغيرة بتخليك اول ما تجبها كل شوية تروح على التوكيل زى : الفرامل اليي بتضعف رغم انك ما استهلكهاش اقتباس ada7 "أهم مشكله ولسه ما اتحلتش حتى الان(الفرامل) مبدئياً انا مبعرضش نفسى لفرامل مفاجئه بسيب مسافه بينى وبين العربيه اللى قدامى فوق 10 متر بس حصل موقف فدست فرامل جامد فالعربيه أخدت راحتها جامد جداً علشان تقف (الحمد لله ربنا سطرها) وبدأ صوت صفاره فى الفرامل يظهر وكان بوضوح فى الفرده الشمال قدام فحجزت معاد ورحت وحكيت الموقف اللى حصل معايا وطلبت أنهم يراجعو الفرامل ودخلت العربيه وخرجت كلو تمام وجربتها مع مهندس الصيانه وزى الفل وبعد اقل من 100 كيلو رجع الموضوع زى ما هوا" – التكييف اليي لازم يتظبط – تعليقات فى فتح الزجاج الخلفى"من واحد تانى غيره غلب وكل شوية رايح على التوكيل والمشكلة مازلت قائمة وترجع تانى" – عضة الفتيس - لمبة الابواب كانت بتنور لوحدها – سخونة تحت الدواسة "من واحد تانى")
ده غير شكوى مالك العربية وده كلامه
اقتباس ada7 :
بالنسبه للسحب هيا بحالات مره احس انها طيره ومرات احس انها بطه بلدى
طرمبة البنزين اعتقد ان فيها مشاكل عندى لان العربيه سعات بتنتش خفيف وهيا ماشيه ولما تكبس فين وفين عبال ما تبدأ تسحب
عفشتها زباله بحس بكل حاجه فى الطريق كأنك راكب مرجيح مولد النبى ولو الجو فيه هوا يبقى يا وقعه بيضاء تمسك فى الدركسيون باديك وسنانك علشان تمشى خط مستقيم
كل الصيانات فى التوكيل (20000 فى الميكانكيون العرب) والتوكيل زباله ورده هيا العربيه دى كده
وبالمناسبه انا اى حد يقلى ايه رأيك فيها اقول زباله ولو بتفكر فيها بلاش احسن
اقتباس آخر من نفس الراجل ada7 :
عصا الفتيس (الراقصه اللولبيه) 97% من مرات الرجوع ورا وعند اعطاء الغيار يا يعلق (تحس انك اديت الغيار وتجى تدوس بنزين تلاقى العربيه واقفه, وعلى فكره ده بيحصل مع الاول لما تكون ماشى بسرعة 5 او6 كيلو بترجع من الثانى الاول ) أو تسمع صوت طقطقه عند اعطاء غيار الرجوع (سمعت ان ده عيب شهير فى اللوجان وسمعت ان له علاج ؟؟؟؟؟؟حقيقى؟؟؟؟ ايه هوا؟؟؟؟ والتوكيل بيعملو لوحده ولا لازم نطلب.
شغل التكيف وانتا هتشوف الفتيس بيرقص ولا فيفى عبده
لمبة الابواب اللى بتنور لما يكون فى باب مفتوح
كنت ماشى فى امان الله وفجأه نورت وزى ما نورت فجأه طفت لوحدها لاباب اتفتح ولا اتقفل ولا اي حاجه

كلامى انا : فى شك فى التوكيل انه ممتاز يمكن العكس الموضوع ده عايز بحث على ملاكى اللوجان – احسن انا حاسس ان بسبب كترة مميزات اللوجان هتعمى العيون عن مشاكلها

يعنى من الآخر كده اما العيب فى العربية (حظه كده) او العيب فى الراجل مستخدم العربية (يستخدمها استخدام سئ مثلا زى الاحمال الكثيرة) مع العلم انا سئلت واحت قبل كده كان من ملاكها سابقا وبعها قالى مشاكلها كتير ورايح جى على التوكيل وفهمت \دلوقتى يعنى ايه رايح جى على التوكيل ومش كل المشاكل اليي بيروح لها على التوكيل غير مهمة بث السؤال هنا هيا العربيات التانية المقارنة فى فئها او اعلى منها شوية كل شوية هتروح التوكيل برده علشان تصلح شئ ولا رايح صيانة دورية بث علشان تطمن على العربية.
يبقى فى مشكلة فى العربية ديه تضاف على العيوب وهى رايح جى على التوكيل زى ما واحد قلهالى مفهمتوش يقصد ايه