الله يرحمك يا جوليانو

[AbOnOrA]

عموماً وجه نظرك محل احترام وان كنت اختلف معاها تماماً شكلاً وموضوعاً لانك مصمم تبص للموضوع من الناحية الدينية - اعذرنى - المتطرفه او السطحيه اعمالاً لاساليب القولبه والتنميط على اعتبار ان اليهود بينزلو من بطن امهم صبه واحدة كلهم

وخلينا افكر بمنطقك ده جدلاً ... فيه يهودى مش بيخاف على حياتة !!
فيه يهودى معاه الجنسية الاسرائيلية زى جوليانو او والدتة يضحى بمواطنتة ويروح يقعد فى مخيم جنين تحت القصف وفى الاخر يموت مقتول

فيه يهوديه زى راشيل من اسره غنية وعايشه فى امريكا تضحى بحياتها وتسيب بلدها علشان تروح تقعد مع الفلسطينين وتعيش معاهم همومهم واحزانهم وتقف قدام جرافات لا ترحم لحد ما تموت تحتها

فيه يهودى زى جوليانو يضيع من عمرة على الاقل 10 سنين علشان يعمل فيلم وثائقى بيتفرج عليه الاجانب قبل العرب بيفضح ممارسات وبلطجة الكيان الصهيونى ويأرخ لنضال شعب ومعاناه اطفال
فيه يهودى يعمل فيلم يشرح ايدولوجيا الجهاد والمقاومة ويوريك ازاى وليه الاطفال بيبقو جهاديين من نعومة اظافرهم ومن نفسهم على عكس ما يروج ليه الاعلام الصهيوامريكى

على فكره مش انت بس اللى توصلت للتفكير ده ... لان ببساطة ثقافة اغلب العرب نمطيه وتنميطيه واغلبنا للاسف مش بنشوف الفروق بين اليهودى والصهيونى وبين اليهود امةَ وافراداً
وعليه فالفلسطينين نفسهم كانو شايفنهم جواسيس برضو الى ان يثبت العكس وزى ما بيقولو تعرف فلان اعرفه عاشرته لاء .. يبقى متعرفوش
الفلسطينين عاشرو الناس ديه وهم اول ناس شهدت بصدقهم وظنى ان ربنا سبحانة وتعالى اكد صدقهم بمصرعهم على ما كانو عليه

وبعدين الاغرب كلامك عن الرياء والسمعة !!! ديه بالنسبالهم فضيحة !!
زى ما مسلم يروح يدعم الكيان الصهيونى كده اي رياء واى سمعة فى كده !!
وكلامك لكى يقال مش عارف ايه !! مين اللى هيقول ؟؟ احنا كمسلمين يعنى ؟؟ طيب كان اولى الفلسطينين نفسهم اللى عاشروهم يقولو كده
بس هم واحنا بنعرف نفرق بين الافراد والجماعات وبين الكلام والفعل

بالرغم من حزنى على طريقة تفكير ناس كتير زى حضرتك لكن فرحت لما لقيت حزب الوسط امبارح هو كمان من على اكونت عصام سلطان منزل تابين لمقتل راشيل كورى وممهور بختم لجنه التثقيف والتدريب او حاجة بالمعنى ده وده بيثبت ان الجاى احسن ان شاء الله

يا اخ تونسى وياعالم احنا اصحاب رساله عالمية وحضاريه الى ابعد مدى والعنصريه اللى وصلنالها للاسف دلوقتى فى زمن الاستقطابات هى اخطر واسواء ما يكون على ضميرنا وصورتنا قدام العالم

الاسلام دين الرحمة والرسول عليه الصلاة والسلام استغفر لابوجهل المشرك الكافر عدو الاسلام والمسلمين .. ربنا نهاه عن ذلك بعد كده كقاعدة عامة ان لايجوز الاستغفار للمشركين (ده الحديث اللى قولتلك اسهل تستشهد بيه) والحديث فيه بيان وتفصيل وتأصيل يخرج بينا عن السياق العام لكن سأظل انظر لموقف رسول الله عليه الصلاة والسلام بكل الاجلال والتقدير وكيف لا وهو نبى الرحمة
ولنا فيه اسوه حسنه افلا نطلب الرحمة ممن وسعت رحمته كل شىء لمن ماتو دفاعاً عن قضايانا !

يا راجل ده دينك بيقولك واحد قتل 100 شخص وربنا رحمة لانه اتجه للخير وامر سبحانة الملائكة بتقريب الارض الطيبة اليه وابعاد الارض الخبيثه عنه تصديقاً لنيته وهو لا صلى ولا قام
اقولك زى الصوفيه ربك رب قلوب !! ولا اقولك الايمان ما وقر فى القلب وصدقة العمل وليس لنا الحكم الا على الاعمال

دينا علمنا ان الانسان يعمل فى حياته عمل الشر ويتوب الى الله ولو فى اخر لحظة وتقبل توبته
ويعمل بعمل الخير ويكفر والعياذ بالله ولو فى اخر لحظة فيلقى فى النار اللهم سلم
من ادراك ان ده ولا ديه منطقش الشهادة قبل ما يموت !!
ليه بنحكم بالقوالب وننسى الاعمال وليه بنحكم على اللى ربنا وحدة اعلم بيه

اغفرلى اسهابى وكثرة كلامى ولا ارجو من ورائه الا وجه الله وهو سبحانة اعلى واعلم

[AbOnOrA]

معلش نقطة تانيه وجعانى فى موقفكم ( استاذ تونسى وغيره) وهى برضو فى اطار تنميط اصحاب الديانات السماوية عموماً

مممم مش عارف اقول ايه ولا ايه بس خلينا نبداء بكتاب الله اللى علمنا فى ثنايا اياته المحكمات كيف نفرق بين هذا وذاك

يعنى مثلا فى حق النصارى جاء فى القرأن انتقادات ليهم بناء على معقتداتهم والحكم على كل معتقد على حدة وكان يكفى تنزل ايه واحدة تكفر الكل وخلاص
وفى نفس الكتاب تجد ربنا جل وعلى يعرض للفارق بين علاقة النصارى بنا مقارنة باليهود
طيب هو ربنا ميعرفش ان فيه مسيحين صهاينة زيهم زى اليهود واشد كرهاً لينا حاشا وكلا سبحانة يعلم وهو العليم اماااااال فى ظنى والله اعلم انه سبحانة بيعلمنا نفس الدرس وهو البعد عن التنميط الشمولى ده

وبعدين نلاقى ايه محكمة يخاطبنا فيها رب العزة ان ({ لا ينهاكم الله عن الذين لم يقاتلوكم في الدين ولم يخرجوكم من دياركم أن تبروهم وتقسطوا إليهم إن الله يحب المقسطين } .

طيب دول اللى مش بيقاتلونا امال اللى بيقاتلو فى صفنا !!!

الشاهد ان التنميط وقولبه الناس بقالب واحد ليس من الحكمة ولا البصيرة ولا الصلاح فى شىء
والمفروض نحمل الامانة بحسب مقتضى الدين الحق الدين المعاملة
لازم نفرق بين اليهود عموماً والصهاينة فى اسرائيل والصهاينة خارجها
الصهاينة اليهود والصهاينة من الاديان الاخرى
لازم نتعلم نفرق بين اليهودى اليمينى واليسارى وبين اليمينى بتاع حزب شاس واليمينى بتاع ناطورى كارتا
ولازم نتعلم نفرق بين المسيحى الارثوذكسى والانجيلى والكاثوليكى

لازم نبص لكل الانسانية من منطق الرحمة والاحسان الى ان يثبت العكس .... مش العكس

[samirayad]

المشاركة الأصلية كتبت بواسطة AboNoRa الدين مبادىء يا هندسة مش شعارات

ولابد للدين أن يقترن بالشهاده

بأنه لا إله إلا الله

وأن محمد رسول الله

فمن كفر بمحمد

فقد كفر بالله سبحانه وتعالى

------------------

شوف يا أبو نورا

لو رسولك تم إنكار وجوده من قبل شخص ما

فهذا الشخص قد أنكرك

لأن الأعتراف بالرسول هو الأعتراف بالراسل

--------------------------

شبه بأه الموضوع ده

على نكران اليهود لبعث المصطفى

وإرساله من قبل الخالق للناس كافة

[Eng/salwa]

المشاركة الأصلية كتبت بواسطة AboNoRa عموماً وجه نظرك محل احترام وان كنت اختلف معاها تماماً شكلاً وموضوعاً لانك مصمم تبص للموضوع من الناحية الدينية - اعذرنى - المتطرفه او السطحيه اعمالاً لاساليب القولبه والتنميط على اعتبار ان اليهود بينزلو من بطن امهم صبه واحدة كلهم وخلينا افكر بمنطقك ده جدلاً ... فيه يهودى مش بيخاف على حياتة !! فيه يهودى معاه الجنسية الاسرائيلية زى جوليانو او والدتة يضحى بمواطنتة ويروح يقعد فى مخيم جنين تحت القصف وفى الاخر يموت مقتول فيه يهوديه زى راشيل من اسره غنية وعايشه فى امريكا تضحى بحياتها وتسيب بلدها علشان تروح تقعد مع الفلسطينين وتعيش معاهم همومهم واحزانهم وتقف قدام جرافات لا ترحم لحد ما تموت تحتها فيه يهودى زى جوليانو يضيع من عمرة على الاقل 10 سنين علشان يعمل فيلم وثائقى بيتفرج عليه الاجانب قبل العرب بيفضح ممارسات وبلطجة الكيان الصهيونى ويأرخ لنضال شعب ومعاناه اطفال فيه يهودى يعمل فيلم يشرح ايدولوجيا الجهاد والمقاومة ويوريك ازاى وليه الاطفال بيبقو جهاديين من نعومة اظافرهم ومن نفسهم على عكس ما يروج ليه الاعلام الصهيوامريكى على فكره مش انت بس اللى توصلت للتفكير ده ... لان ببساطة ثقافة اغلب العرب نمطيه وتنميطيه واغلبنا للاسف مش بنشوف الفروق بين اليهودى والصهيونى وبين اليهود امةَ وافراداً وعليه فالفلسطينين نفسهم كانو شايفنهم جواسيس برضو الى ان يثبت العكس وزى ما بيقولو تعرف فلان اعرفه عاشرته لاء .. يبقى متعرفوش الفلسطينين عاشرو الناس ديه وهم اول ناس شهدت بصدقهم وظنى ان ربنا سبحانة وتعالى اكد صدقهم بمصرعهم على ما كانو عليه وبعدين الاغرب كلامك عن الرياء والسمعة !!! ديه بالنسبالهم فضيحة !! زى ما مسلم يروح يدعم الكيان الصهيونى كده اي رياء واى سمعة فى كده !! وكلامك لكى يقال مش عارف ايه !! مين اللى هيقول ؟؟ احنا كمسلمين يعنى ؟؟ طيب كان اولى الفلسطينين نفسهم اللى عاشروهم يقولو كده بس هم واحنا بنعرف نفرق بين الافراد والجماعات وبين الكلام والفعل بالرغم من حزنى على طريقة تفكير ناس كتير زى حضرتك لكن فرحت لما لقيت حزب الوسط امبارح هو كمان من على اكونت عصام سلطان منزل تابين لمقتل راشيل كورى وممهور بختم لجنه التثقيف والتدريب او حاجة بالمعنى ده وده بيثبت ان الجاى احسن ان شاء الله يا اخ تونسى وياعالم احنا اصحاب رساله عالمية وحضاريه الى ابعد مدى والعنصريه اللى وصلنالها للاسف دلوقتى فى زمن الاستقطابات هى اخطر واسواء ما يكون على ضميرنا وصورتنا قدام العالم الاسلام دين الرحمة والرسول عليه الصلاة والسلام استغفر لابوجهل المشرك الكافر عدو الاسلام والمسلمين .. ربنا نهاه عن ذلك بعد كده كقاعدة عامة ان لايجوز الاستغفار للمشركين (ده الحديث اللى قولتلك اسهل تستشهد بيه) والحديث فيه بيان وتفصيل وتأصيل يخرج بينا عن السياق العام لكن سأظل انظر لموقف رسول الله عليه الصلاة والسلام بكل الاجلال والتقدير وكيف لا وهو نبى الرحمة ولنا فيه اسوه حسنه افلا نطلب الرحمة ممن وسعت رحمته كل شىء لمن ماتو دفاعاً عن قضايانا ! يا راجل ده دينك بيقولك واحد قتل 100 شخص وربنا رحمة لانه اتجه للخير وامر سبحانة الملائكة بتقريب الارض الطيبة اليه وابعاد الارض الخبيثه عنه تصديقاً لنيته وهو لا صلى ولا قام اقولك زى الصوفيه ربك رب قلوب !! ولا اقولك الايمان ما وقر فى القلب وصدقة العمل وليس لنا الحكم الا على الاعمال دينا علمنا ان الانسان يعمل فى حياته عمل الشر ويتوب الى الله ولو فى اخر لحظة وتقبل توبته ويعمل بعمل الخير ويكفر والعياذ بالله ولو فى اخر لحظة فيلقى فى النار اللهم سلم من ادراك ان ده ولا ديه منطقش الشهادة قبل ما يموت !! ليه بنحكم بالقوالب وننسى الاعمال وليه بنحكم على اللى ربنا وحدة اعلم بيه اغفرلى اسهابى وكثرة كلامى ولا ارجو من ورائه الا وجه الله وهو سبحانة اعلى واعلم

السلام عليكم و رحمة الله وبركاته
أحيك يا ابو نورا على هذا الاسلوب الراقى المهذب فى المناقشة
هو ده اللين واسلوب الحوار اللى نفسى يكون بيننا جميعا
وانا لم أجد حرجا ان أخرج الآن من فترة صمتى لكى أقول لك يا ريت تستمر على هذا الاسلوب دائما ولا تفقد أعصابك فى المناقشات حتى لا تفقد من يحترمك من الاخوة و الاخوات ولا تنشأ مشاعر سلبية أو زعل من اسلوب هجومى او تجريح
اهنئك واحيك بشدة هذه المرة على اسلوب حوارك الراقى الذى محا أى زعل بداخلى تجاهك من أسلوب سابق
وعلى فكرة انا أؤيد أ/ تونسى فى رأيه بس أؤيدك فى أسلوب عرضك لشئ انت مقتنع به بس لا تفرضه على من اختلف معك
وتعرضه بمنتهى الشفافية و الذوق العالى لإبن ناس محترم فعلا
هو ده اللى نفسى يكون بيننا جميعا كمصريين نختلف نتناقش ولكن لا نجرح لا نفرض رأينا ولا نستخدم تلميحات والفاظ لا تليق مع رجل أو سيدة

أبو نورا جزاك الله خيرا واستمر فى مناقشاتك بهذا الشكل ارجوك :140109~ 347:
: 018A1D~146:

[M.TONSY]

يا صديقى كل واحد حر فى رايه طالما لم يجرح احد مع ان مكنش له لازمة اتهامى بالنظرة المتطرفة او السطحية لان رايى كان مدعوما بالقول الفصل الذى لاجدال فيه هقولك على حاجة ظريفة هاتلى اية قرآنية واحدة ربنا مدح فيها اليهود او ذكرهم فى موضع خير او ايمان بعكس ذلك ربنا وصف النصارى بالمودة والرحمة وقربهم للمسلمين مع انهم اشركوا
واود ان انهى راى فى هذا الموضوع انى عارف الفرق كويس بين الصهيونى واليهودى ولكن اليهودى بصفة عامة نشأ على دين محرف ومعتقدات خاطئة ومحرفة والتى من ضمنها عدم الاعتراف بسيدنا محمد اساسا ولا بالاسلام مع انه تم ذكره فى التوراة الصحيح الذى انزله الله عز وجل وقاموا هم بتحريفه وليس فيهم من اتبع سيدنا موسى الا قليلا مثلهم مثل النصارى الذين اتبعوا سيدنا عيسى وناصروه ومن بعده ضل من ضل واعلم جيدا ان من المسلمين للاسف لا يتبعون دين الاسلام كما هو احق ان يتبع ولن نخوض فى مسئلة الحساب لاننا جميعا لا نرقى الى ذلك لانها شأن المولى عز وجل فنحن جميعا عباده سبحانه وتعالى واليه فى النهاية المصير ان شاء غفر وان شاء عذب فتلك حدود وخطوط حمراء لن نتعداها
وفى النهاية ارجو ان الاختلاف فى الرأى لا يفسد للود قضية .. تحياتى لك