قيادة المراة للسيارة

[eng.hemat]

السلام عليكم ورحمة الله وبركاتة

هذة المشاركة الاولى لى بهذا الصرح الرائع..وكم اتمنى ان تنول استحسان حضارتكم وهى دعو لنقاش مفتوح حول موضوع قيادة المرأة للسيارة وانتشارها فى ارجاء الجمهورية ..وهل انت مع ام ضد...ربما يقول البعض انها حرية..ويهمس البعض الاخر فى نفسه انها راحة لنا والبديل ..(جيب وودى) والبعض الاخر يقول هن اصل زحمة المرور ..والاراء كثيرة ...انها دعوة مفتوحة للجميع للمشاركة بشفافية وصراحة

وانا سأبدء مشاركتى بهذا الفيديو الذى اضحكنى للغاية

http://www.youtube.com/watch?v=-uT-R...ature=youtu.be

انتظر مشاركتكم الفعالة ولكم تحياتى

[AbOnOrA]

اهلاً بحضرتك فى مصر موتورز وبعتذر عن تاخير نشر الموضوع لان القسم ده مش بيتنشر فيه موضوعات الا بعد مراجعة

بالنسبة لموضوع قيادة المرأه فهو هيفضل محل جدل ومادة تهكم ولا يتحمل رأى واحد ابداً

اولاً سواقة البنت اللى ماشيه لوحدها غير الست اللى معاها عيال غير الست اللى متعلمة سواقة من صغرها وبتسوق كتير غير الست الحاجة اللى اتعلمت السواقة على كبر ويادوب كل كام يوم مشوار غير واحدة حريصة غير واحدة متهورة وعصبية غير غير

الشاهد ان التعميم فيه ظلم كبير وزى ما حضرتك اشرتى فى طرحك ان الظروف بتختلف كمان من اسره للتانية وعليها بيقرر رب الاسرة اذا كان يجيب لمراته او بنته عربيه او لاء

[mr_astra]

انا كل اللى بيدايقنى لية بيلزقو كرسي السواق فى الدركسيون وكمان تحس ان البنت وهى بتسوق بتفضل تشب ولية عاوزين يشوفو اطراف العربية فى المشى طوالى:01AD96~ 139:

[MR speed]

سنتين بحاول اعلم والدتى السواقة عشان اخلص من المشاوير وفى الأخر مفيش أمل وتتفرج عليها بقا وهى بتسوق الدركسيون يا اما يمين يا شمال مفيش فى فى النص وكل مرة لازم السؤال الى يفقع المرارة هو الدبرياج فين الى على الشمال ولا اليمين ده غير بقى اقربلها الكلرسى على الاخر تقولى مش طايلة الدبرياج والى بيصعب عليا كله فى الوضوع ده العربية يا عينى اتبهدلت الصراحة الى عنده واحده ست بتعرف تسوق يعرف ان عنده جوهرة مكنونة الكل بيحسده عليها

[DrClick]

صراحه انا اللى بشوفه على الدائري يوميا من سواقه الستات تخلينى اقول ياريت يعاملوهم معامله النقل ويخلولهم طريق لوحدهم ...وطبعا فيه الكويسين ولكن الغالبيه العظمى حدث ولا حرج ...انا ببساطه هتكلم على موقف بيتكرر تقريبا قدامى على طريق خطر زى الدائري .تلاقيها تحدف جمبها على طول لو سواق ميكروباص زنق عليها وكلاكسين محترمين كده ... وياريتها بتحدف وهيا باصه فى مرايه ...لا تحدف على طول من خوفها منه ..تقوم تلبس (لاقدر الله ) اللى جمبها او اللى بيتخطاها . ودى الحقيقه لاحظتها فى ستات كتير جدا على الطريق وحتى الطرق الهاديه ...تلاقيها تخطت اللى قدامها او حدفت جمبها بدون حتى ماتبص على مرايه ...عملا بمبدا ..هو ياخد باله وتقريبا معظمهم ماشيين كده . ونصيحه قالوهالى زمان ...اوعى تمشي ورا ست او جمبها .هتلبسك على طول . اسف على الاطاله . واتمنى يكون ردى (خفيف عليهم )