حكايتى مع السيارات فى العراق !

[Dr. Bolbolan]

عدنا - ومادام عم جنيدى مش عاوز يخش دلوقتى وبم انى فقت من الصدمه الحضاريه بعد وصولى للقاهرة منذ أسبوع - نستعين بالله ونكمل حكايتى مع السيارات فى العراق !

بعد كام يوم من استلامى العمل فى شركة تأجير السيارات للسياح وكنت فى المكتب لوحدى لآن كل واحد من الشركاء الثلاثة كان فى مشوار ! جضر أحد مستأجرى السيارات ليرد السيارة قبل ميعادها لآنه جاله سفر مفاجىء وحاولت الاتصال بأى واحد من الشركاء ولكن لم يمكن وطبعآ أيامها لم يكن فيه موبايلات ! والراجل ممكن ببساطه يسيب السياره ويمشى فاضطريت أشيك على السيارة وأقرأ صورة العقد اللى معاهواللى مكتوب بالانجليزيه طبعآ علشان أعرف أقدر حق الشركه ايه و حقه ايه وآخذ منه مستحقات الشركة ( ولم أكن قرأته من قبل لآنه لم يكن من حقى التعامل فى مسائل الفلوس والتسليم والتسلم ! ) المهم ربنا قدرنى وأتميت المهمه على أحسن وجه رغم ان العقد كان معقد بصحيح ! ولما رجع الشركاء وعرفوا ما فعلت قالولى اعتبر نفسك صاحب المحل و أعطونى سيارة أروح وآجى بيها وكمان مفتاح المحل ! طبعا فرصة لآنهم كانوا بيلزقوا القعده فى المحل لبعض ووجدوا من يريحهم !

هما كانوا فاكرينى ايه ! دا المصرى ح يفضل مصرى ياولداه - حضارة وشطاره و جدعنه !!ptmnlo123per154

Dr. Bolbolan

[Dr. Bolbolan]

برده السيارات كان ليها فضل على فى ايجاد فرصة عمل حقيقية ! لآنى قابلت أجد مستأجرى السيارات وكان برازيلى وعرفت منه ان فيه شركه برازيليه تعنل فى مجال انشاء السدود والسكك الحديديه ويعمل بها أطباء فى المواقع ! عرفت العنوان وكان على بعد 500 كم شمال بغداد فى الصحراء ولكن ( المصريين أهمه ) طلعت فى دماغى وركبت تاكسى ثم ميكروباص ثم كابينة سياره نقل مع سائق مصرى ويا فرحتى طلعت السيارة بتاعة الشركه دى ودا معناه ان السائق ( وكان اسكندرانى ) دخلنى داخل الموقع الرئيسى اللى بدون هذه الطريقة كنت وقفت وسط آلاف من كل االجنسيات فى الصحراء خارج سور الموقع ! ولكنه توفيق من الله سبحانه وتعالى!
عندما دخلت ذهلت دا مش موقع دى مدينه برازيليه جميله بها سكن وعائلات ومدارس وكنيسه وسوبرمركتات وكل ما يخطر على بالك بس بالبرازيلى ! توكلت على الله وقابلت مدير المستشفى وهو برازيلى من أصل أميريكى وكان جسمه صغير لكن شكله حلو وابن ناس ! المهم سمع منى وقاللى مع الآسف مش محتاجين !
رحت أنا للخلف در وماشى علشان ألحق أرجع ال500كم قبل الليل ! بس هوه نده على وقاللى سيب عنوانك يمكن نحتاج أطباء نبقى نتصل بك فأعطيته عنوانى بقرف طبعآ وجريت من أمامه وكانت رحلة العوده صعبه ورغم
خيبة الآمل الا انى كنت راضى عن نفسى انى بحاول ومش متخاذل !
بعد أقل من 10 أيام لقيتهم بيتصلوا بى وتعالى بسرعه علشان فى شعل ! ptmnlo123per154 يافرج الله أخيرا حأشتغل
دكتور وأنفض بقه للآلاطه بتاعة الضابط صاحبنا اياه وأشق طريقى فى الحياه ! وداعا للقلق ووزارة الصحه الملعونه
سواء فى مصر أو العراق وحأشتغل مع أجانب ياجدعان ! ايه اللى حصل بعد كده ! المشاركه الجايه انشاءالله !


Dr, Bolbolan ptmnlo123per1127

[AbOnOrA]

متابع باهتمام يا دكتور ptmnlo123per122

[Dr. Bolbolan]

ptmnlo123per172 صحيت من النوم فى اليوم الموعود وتركت عملى فى شركة السيارات ولم أطلب ولا مليم وكنت غير نادم رغم انى كنت مبسوط شويه انى لآول مره بأعمل فى حياتى و خارج البلاد ! دا كان احساس جميل لا

يوصف ! قابلت المدير و أرسلنى للعمل فى منطقه تبعد عن هذا المركز الرئيسى حوالى 160 كم وهى منطقه

صحراويه قريبه من بلد اسمه ( هيت ) والبلد دى هى الوحيده فى العالم ( ويمكن غارب فى مصر كمان ) اللى

ممكن لما تمر عليها وانت نغمض تعرف انك وصلتها ! ليييييه لآن ريحتها وحشه جدا زى الباكبورتات من كتر البترول

والغازات اللى طالعه من نفسها من تحت الآرض بدون حفر ولا براريم ! المهم المقع كان بعيد قوى عن البلد دى

فلم نشم هذه الرائحه طببعا ! وصلت الموقع فوجدته مكان ضخم و كله كرافانات مرصوصه بشكل بديع وللآسف

لم يكن هنا عائلات ( لاحظ كان عندى 27 سنه ) ! والعياده كانت مش بطاله ومجهزه ولدى 2 ممرضين ! واحد

مصرى فلاح من أجوار المنصوره و واحد صينى اسمه سونج والمفروض يعملوا بالتناوب على مدار اليوم

لمساعدتى وكان فيه عربية اسعاف فولكس فاجن بدون سائق ! مسموح لى باستعمالها والسكن بتاعى

كان أنيق جدا وبه سريرين بس بدون زميل لى ! والتاس البرازيليين دول كانوا يضعوا كل واحد فى مركزه صحيح !

استراحه قصيره ثم نتكلم عن السيارات هناك كان شكلها ايه وبتشتغل ازاى فى البرد القارس !


Dr. Bolbolan ptmnlo123per1127

[مينا]

فكرة ممتازة وانا ارحب وشايف انها مفيدة جدا واشكر صاح هذة الفكرة وياريت الى مش ناوى يشارك تنفعو اوى الفكرة دى