|
#41
19-04-2009, 02:24 AM
|
||||
|
||||
رد: حكايه صديقى والسياره الملعونه-2 روايه رعب واثاره وتشويق
لخاطر عيونك يا أحمد
سوف أكتب المشهد 21و22 غدا بأذن الله
__________________
التعديل الأخير تم بواسطة د0تامر محمد ; 19-04-2009 الساعة 02:27 AM 
|
|
#42
19-04-2009, 01:50 PM
|
||||
|
||||
|
رد: حكايه صديقى والسياره الملعونه-2 روايه رعب واثاره وتشويق
-21-
ذهبت لرؤيه رشدى الذى انقطع عنا يومين كاملين رافضا الخروج او السهر معنا! طرقت الباب ففتح لى شقيقه00سررت جدا برؤيته معافى وابتسامه مشرقه تغطى وجهه00 حمدت الله على سلامته وشفاؤه وعودته لمنزلهته عن رشدى فأخبرنى انه ماكث فى غرفته منذ الصباح لم يغادرها! طرقت الباب فلم يجبنى 00 قتحت الباب ودخلت00 كان جالسا على سجاده الصلاه يتلو فى كتاب الله00شعر بوجودى00 نظر الىّ وانا أجلس على طرف الفراش00ثم اتم قراءته00 نظر الىّ مره أخرى وكأنه يقول لى ما الذى اتى بك 00قلت: -أخبارك ايه يا رشدى؟ رد باقتضاب: -الحمد لله -مالك يابنى؟ ايه اللى جرى؟ -ولا حاجه00حبيت أختلى بنفسى شوية00 حسيت انى مقصر مع ربنا00قلت أرجعله يمكن تتعدل -مش عوايدك! -الواحد ساعات بيجيله أوقات بيبقى عايز يراجع نفسه ويشوف هوه ماشى ازاى ورايح فين -ربنا يهديك00 مش ناوى تخرج معانا الليله -مش عارف 00لكن يمكن -مفيش يمكن00انت لازم تخرج معانا الليله -ربنا يسهل -انا الحمد لله اطمنت عليك لكن لازم نتجمع الليله تركته وانا اتعجب من تغير حاله وطبيعته ولهجته! عندما جاء فى المساء كان على نفس الحاله00ليس هو رشدى الذى نعرفه بمرحه والقاؤه الدنيا خلف ظهره حتى فى اوج ازمته00 كان متجهما جادا فى كل كلماته00لا يضحك بضحكنا ولا يعلق حتى على سخافات هشام! استوقفتنى عبارته: -انتو عارفين 00والدى الله يرحمه كان دايما يقولى يا رشدى عيش واضحك يمكن ييجى بكره ماتعرفش تضحك! قلت: -حكمه والله00الله يرحمه قال رشدى: -امبارح بالليل شفته فى الحلم وكان زعلان قوى قال هشام: -اكيد زعلان لزعلك قال رشدى: -كان نفسى يكلمنى00لكنه طبب على كتفى ومشى من غير ولا كلمه قلت: -هوه كده بيقولك أجمد يا بطل -كان حزين يا أجمد وعينيه مدمعه صمت رشدى وشرد00فاحترمنا صمته قلت: -انا ح أتصل بالدكتور أحاول أعرف منه تفاصيل عن حكايه حسن قال رشدى: -متشغلش بالك00الظاهر انها قفلت على كده قال هشام: -ايه يابنى اليأس ده؟ -أنا سلمت أمرى لله هشام: -ونعم بالله بس اللى اسمه حسن ده مش لازم نسيبه قلت: -هوه وعادل سبب كل اللى احنا فيه00قدام عينينا ومش عارفين نمسكهم00 بس أكيد فيه طريقه قال رشدى: -انا نازل السوق بكره يمكن أبيع العربيه قال هشام: -نروح معاك -لا00 ح أروح لوحدى -نروح معاك بكرة اجازه -لا00الصراحه بتشائم منكم وحاسس انكم نحسنى وضحكنا 00واخيرا عاد الينا رشدى الذى نعرفه وافترقنا على موعد الغد فى المساء بعد عودة رشدى من سفره
__________________
|
|
#43
19-04-2009, 01:54 PM
|
||||
|
||||
|
رد: حكايه صديقى والسياره الملعونه-2 روايه رعب واثاره وتشويق
انت كده بتشوقنى صح ماشى و انا معاك للاخر
__________________
 سبحان الله و بحمده سبحان الله العظيم اذكروا الله اللهم اغفر للمسلمين و المسلمات و المؤمنين و المؤمنات الاحياء منهم و الاموات
|
|
#44
19-04-2009, 03:21 PM
|
||||
|
||||
|
رد: حكايه صديقى والسياره الملعونه-2 روايه رعب واثاره وتشويق
هذا المشهد مهدى لأحمد كار
-22- كان هشام المتصل 00 عندما أستمعت لكلماته المتهدجه 00 سقط المحمول من يدى وانا اتهاوى! انطلقت للشارع لا أتلمس خطواتى ولا أشعر بجسدى00لا أرى أمامى الا الظلام00 ذهول تام خيّم على نفسى وألم قاتل يعترصنى00عقلى ذاهل يرفض تصديق ما سمعت00 كانت الافكار تجرى تترى وتتلاطم فى مخيلتى00 لا أعرف كيف ألتقيت بهشام ولا كيف وصلنا للفاجعه! قابلنا على الطريق شقيق رشدى وهو يبكى فى حرقه: -رشدى ضاع 00رشدى ضاع أنسابت دموعى تكوى وجههى الحار 00 مازلت غير مصدق 00غير مستوعب ! فقد كان معى منذ ساعه على الهاتف00يخبرنى انه لم يوفق فى البيع ويضحك من كل قلبه ويسخر من سيارته الملعونه00كان فى طريقه الينا00أهكذا يا دنيا00غدر بلا أنذار! سقط رشدى بسيارته فى الماء فى طريق العودة! لم يظهر حتى الآن! صرخت وانا اقترب من الماء: -رشدى00يا رشدى أمسك بى هشام واحتضننى وهو يبكى كانت السيارات قد تجمعت وأطلقت أنوارها فى الترعه الواسعه الممتده وبعض المتطوعين مع الضفادع البشريه يبحثون فى كل مكان لكن بلا جدوى! مرت اللحظات بطيئه كئيبه قاتمه تشوى القلب وتخلع العقل00لحظات مريرة قاسيه لم أشعر بها فى حياتى من قبل00 الجميع يضربون كفا بكف والسياره الملعونه جاثمه فى المياه00ابتلع الماء رشدى وبقيت هى! ضاع صديقى العزيز00لا يمكن ان أصف حجم المرارة ولا النار ولا كيف اننى فقدت رشدى للابد! مرت الدقائق والساعات وبدأ الجميع يتسربون واحدا بعد الآخر ولم يبق الا انا وهشام وأسره رشدى فى جو من الدموع والآهات! توالت الذكريات 00 رأيته فى كل كلمه وكل حركه00 وكل موقف00 فى لحظات الفرح00 والحزن00 الجد00 والهزل00 المغامره00 والانطلاق00 قال هشام: -ضاع محمود فى البحر والنهارده هشام قلت: -متقولش ضاع صمت هشام 00مرت فى مخيلتى ليله الامس وما حدث 00 لقد تغيرت يا رشدى00 كنت تشعر بانك تقترب من النهايه لم أرك فى حياتى بكل هذه الرزانه والحكمه فاقدا الابتسامه وطبيعتك المرحه الا بالامس! طلبت رقمه للمره العاشره وكان الهاتف مغلقا فقد استقر فى اعماق البحر أجهشت بالبكاء وأنا اسقط على صدر هشام: -أنا مش مصدق -لا حول ولا قوة الا بالله00ربنا يصبرنا وكان صوتها على غير بعيد منا00 أمه المكلومه تناديه00 ولم استطع التوقف عن البكاء00 ولم استطع النظر فى عينيها طلع النهار ونحن ماكثون فى مكاننا00 بلا جدوى00 وبلا أمل يذكر00 ألتفت لهشام وقلت: -رشدى اتقتل قال هشام متفاجئا: -معقول -أكيد00عادل الكلب عمل حاجه فى العربيه00 العربيه كانت سليمه وجديده وانت عارف رشدى عاقل جدا فى سواقته -ماأنت عارف اللى فيها -لا00رشدى أتقتل00أنا لازم أبلغ00 والله ما أسيب حق صاحبى ولو كان فيه موتى -وأنا معاك وأبلغت الضابط بشكى ولم يسأل عن السبب00 لكنه أخبرنا بانها ستخضع للفحص الفنى انتصف النهار00وانتهى البحث تماما وقالوا أن الجثه ستظر فى خلال ثلاثه أيام على الاكثر! قلبى ينفطر عليك يا رشدى (تتبع باذن الله)
__________________
|
|
#45
19-04-2009, 04:07 PM
|
||||
|
||||
|
رد: حكايه صديقى والسياره الملعونه-2 روايه رعب واثاره وتشويق
اقسم بالله عنيا كانت هاتدمع
الف الف شكرا للاهداء يا دكتور بس فعلا مفجعه مش مفاجاءه لا مفجعه بمعنى المفاجاه و الفجيعه فى نفس الوقت
__________________
سبحان الله و بحمده سبحان الله العظيم اذكروا الله اللهم اغفر للمسلمين و المسلمات و المؤمنين و المؤمنات الاحياء منهم و الاموات
|
 |
|
|
