|
#7
08-04-2009, 01:53 PM
|
||||
|
||||
رد: حكايه صديقى والسياره الملعونه-2 روايه رعب واثاره وتشويق
عودا احمد يا دكتور و يالا بينا بقى نكمل الموضوع مع بعض و ربنا يستر على الموقع و المتابعيين للموضوع
__________________
 سبحان الله و بحمده سبحان الله العظيم اذكروا الله اللهم اغفر للمسلمين و المسلمات و المؤمنين و المؤمنات الاحياء منهم و الاموات
|
|
#8
09-04-2009, 02:01 AM
|
||||
|
||||
|
رد: حكايه صديقى والسياره الملعونه-2 روايه رعب واثاره وتشويق
-14-
اجتمعنا فى المساء بالمقهى وكنت قد قضيت عده ساعات على الانترنت للخروج بمعلومات قد تفيدنا بخصوص الكارت الذى وجدناه فى السياره وكانت مفاجأه لى عندما وصلت للشركه المكتوبه على الكارت وكانت فى دوله مجاوره بيننا وبينها ما صنع الحداد! اخبرت صديقىّ بما توصلت اليه فاعترتهما دهشه00اذن فالسيده المكتوب اسمها على الكارت تنتمى لهذه الشركه وهذا البلد! قال رشدى: -ممكن ان نعرف معلومات عن هذه السيده قلت بفضول: -كيف؟ -هل تذكر زميلنا فى الكليه؟ -بسام الفلسطينى -نعم 00لقد كان صديقك المقرب -انا مازلت على اتصال به00فكره ممتازه قال هشام : -والله يا رشدى انا مستغرب حاله الفوقان اللى انت فيها اليومين دول! ولم انتظر00 طلبت بسام على الهاتف00 وبعد السلام والسؤال عن الاحوال اعطيته الاسم وارقام التليفونات واسم الشركه علّه يتوصل لمعلومات تفيدنا00شكرته فى انتظار ما سوف يتوصل اليه0 بعدها بلحظات اخذ هاتف رشدى يرن بالحاح شديد00وعندما تلقى المكالمه00تجهم وجهه 00ثم قال: -ياخراب بيتك يا رشدى قال هشام منزعجا: -ايه اللى حصل؟ قال رشدى وهو يكاد يبكى وينتفض واقفا: - المعرض ولع00 عربيتى00 آه يا عربيتى0 نزل الخبر علينا كالصاعقه وان لم يكن مفاجأه فى ظل سلسله مآثر هذه السياره المبروكه وان كنت تمنيت للحظه ان تكون قد اصبحت رمادا وغارت بلا رجعه انطلقنا الى المعرض وعندما وصلنا كان هناك تجمع وتجمهر والمعرض قد غطاه السواد والمياه المتناثره فى كل مكان00 جميع السيارات احترقت وتفحمت 00الا سياره رشدى ياللقدر!! استرد رشدى وعيه وابتسامته وهو يتحسس السياره00 اخذ يضحك ويقول: -الحمد لله 00الحمد لله00فلوس حلال سألت احد العاملين بالمعرض: -ازاى ده حصل ؟ - حاجه غريبه 00قفلنا المعرض زى كل يوم00فوجئنا بحارس المعرض يتصل ويخبرنا بالحريق00 النار اشتعلت بدون سبب00الحارس فور الباب ولم يستطيعوا انقاذالا عربيه الاخ رشدى قبل ما النار تطولها00خراب بيوت يا استاذ توجهت لرشدى :شفت عربيتك عملت ايه؟ قال باستهجان: -يا راجل هى اللى ولعت فى المعرض؟ -اكيد00انت لازم تدفع تعويض لصاحب المعرض0 -ليه هو انا اللى ولعت فيه؟ -طبعا 00عربيتك ملهاش حل 00دى يا بنى لو دخلت حرب تكسبها وهيه واقفه مكانها 0 -طب ما نقدمها للجيش يحارب بيها 0 -انت عايزها تخلص على جيش البلد 0 وضحكنا فقال هشام: -ايه الحل دلوقتى 00ح نعمل ايه مع المصيبه دى؟ قال رشدى: متقولش مصيبه00 دى بركه0 قال هشام: طبعا 00بركه من اللى بتودى فى داهيه0 -جتك داهيه هشام :- -لما تاخد عربيتك اخذنا السياره واتجهنا لبيت رشدى ليضعها فى جراج مجاور قال هشام: -والله انا خايف نصحى الصبح نلاقى العماره اللى فيها الجراج كوب تراب او حته فحمه! قلت: -برضه ح تطلع سليمه وتطلع لنا لسانها -معاك حق الظاهر انها محجبه رشدىك -ان شاء الله ربنا ح يفرجها وتتباع وباعلى سعر00انا معنتش عايزها خلاص قلت: -احيانا بحس انه ممكن يكون عندك دم رشدى: -الصراحه وانا كمان بحس ساعات بكده لكن بستغرب نفسى00 لكن زى بعضه الواحد لازم يعمل كل شويه نيولوك وعندما وصلنا لقرب بيت رشدى 00قال: -يا جماعه انا مش عايز اروح دلوقتى00نتمشى شويه قال هشام: -يا بنى خساره البنزين رشدى: -يا سيدى 00ما باقى الاسبوع بقى البركه فى عربيتك بس ما تسوقش النداله وتطلع بخيل هشام: -ماشى يا سيدى رشدى : -ايوه00 احبك وانت بتتعلم الكرم من اخوك وضحكنا ورشدى ينطلق بالسياره حتى بلغ اول الطريق الصحراوى قلت: -انت رايح فين يا بني قال: -معرفش 00اهى العربيه بتمشى وخلاص وبعدها بفتره توقفت السياره فجأه قلت: -ايه اللى حصل قال رشدى متعجبا : -العربيه وقفت ولا تريد ان تدور ركنا على جانب الطريق حتى وقفت السياره فى الرمال حاول رشدى ان يجعلها تدور لكن بلا فائده قال هشام: -الظاهر المارش علق وعطل ولا البطاريه فيها حاجه فتحنا غطاء المحرك00وكانت البطاريه سليمه قال هشام: -اكيد هو المارش 00وبعدين فى الورطه دى قلت : -اقولك يا رشدى 00سيب العربيه هنا ويلا بينا يمكن ربنا يسهلها ونرتاح منها 00 اهو المكان هنا هيوفر فلوس الجراج قال: -تفتكر00 طب ماهى اكيد ح تتسرق فى الحته المقطوعه دى قلت: -تتسرق 00!! ودى مين اللى يقدر يسرقها 00طب دى كانت تخلص عليه فى ساعتها00 انت مش فاهم ولا ايه! قال هشام: -انت ايه اللى جابك هنا يا بنى؟ قال رشدى: -والله ما اعرف انا لقيت نفسى ماشى كأن هى اللى ماشيه00 طب انا اول مره آتى هنا قلت: -طول عمرك مورطنا معاك00بص 00انا ح اخد هشام ونشوف عربيه توصلنا ونبعتلك واحد يصلحها قال بفزع 00: -نعم00وتسيبونى هنا لوحدى قلت : -انت خايف من المكان -لا طبعا انا لا اخاف ابدا وانت عارف 00 بس الصراحه انا خايف منها هى - يا راجل 00دى قطه اليفه -انت بايعنى للدرجه دى يا احمد -قال هشام : -لما احاول معاها تانى يمكن !! ولما حاول هشام ادارتها 00دارت بمنتهى البساطه00 حقا انها لسياره عجيبه! قال رشدى وهو يشير بيده : -شفت 00شفت النور اللى هناك ده قلت باستغراب: -نور ايه يا بنى؟ -النور اللى جه من هناك00 فيه تبه رمل عاليه هناك فى نور جاى من وراها00ده عمى عينى يا بنى ازاى لم تراه -انت باين عليك بقى عندك هلاوس جايز ! وركبنا السياره ورشدى عيناه متعلقتان بالمكان الذى رأى فيه النور00 وصاح مره اخرى: -شفتو النور الغريب ده وعندما نظرنا00كان هناك بالفعل بقايا نور علّه كان من جراء شهب تساقط من السماء ! ولهذا المكان قصه اغرب من الخيال كشفت عنها الايام اللاحقه0
__________________
|
|
#9
09-04-2009, 03:34 AM
|
||||
|
||||
|
رد: حكايه صديقى والسياره الملعونه-2 روايه رعب واثاره وتشويق
باركولى يا رجاله00 جاء لى عرض لتحويل الروايه لفيلم سينيمائى!!
__________________
|
|
#10
09-04-2009, 04:06 AM
|
|||
|
|||
|
رد: حكايه صديقى والسياره الملعونه-2 روايه رعب واثاره وتشويق
بتتكلم جد فيلم والله يا دكتور حضرتك تستاهل كل خير وهيبقي فيلم يكسر الدنيا ان شاء الله ومبروك مقدما و متنساس تعزمنا علي حفل الافتتاح
|
 |
|
|
