الاتجاة المشاكس (شيرى وسبيرانزا) موضوع للنقاش حول تجربة السيارات الصينية فى مصر

[salehabdo998]

أنا أريد النصيحه لوجة الله تعالى هل أشترى إسبرانزا M11 أم لا رجاء الرد السريع للهميه

[seaf_sawy]

لازم ينزلو عربيات ارخص من كدة علشان يقدروا ينافسوا ويكسبوا اكبر عدد من المشترين والا فلا داعى من الصينى انا عاوز اركب عربيه 10 او 15 الف بكتيرة وتكون على الزيرو لازم تكون صينى واكتر من كدة فالاسعار مغالى فيها وربنا يستر على مصر والمصريين

[bakkar80]

والله ياجماعه انا مش مشجعين الصينى عموما مش فى العربيات بس لكن بنظره تاريخيه شويه كنا هنلاقى ان الأمريكانى والألمانى والأنجليزى كانوا فى الصداره بعديهم دخل الأيطالى والرومانى وبعدين اليابانى وبعديهم الماليزى وبعديهم الكورى ثم الصينى وكل بلد حديث يدخل فى هذه الصناعه كان يحيطه القلق والريبه لفتره حتى يحوز على ثقه الناس وادينا مستنيين الصينى هايستمر ولا هايختفى مع اعتقادى انه سوف يستمر

المشاركة الأصلية كتبت بواسطة فادى أسهل حاجة انك تبيع عربية فى مصر! يكفى أن يكون شكلها انسيابيا (المصريون لا يحبون الأشكال الرصينة), و أن تصاحبها حملة اعلانية قوية, و أن تؤكد هذه الحملة مرارا و تكرارا أن السيارة كلها "اوبشنز", طبعا لا يهم اذا ماكانت هذه الأوبشنز كلها زوائد و كماليات تافهة من عينة الدى فى دى, و السى دى, و الايه بى سى و اى هبل, محشوة فى سيارة محركها ينتمى لعصور بائدة, و من مخلفات الحرب العالمية الأولى, و غالبا مسروق من سيارات أخرى و معاد تصنيعه بواسطة خراطين تحت السلم فى الصين! و طبعا يجب أن تكون هذه السيارة من احدى البلدان الأسيوية, لأن المصريون يعتقدون أن هذه الكائنات القصيرة الصفراء قادرة على صنع الأعاجيب, فهم ينتمون الى عالم الجن أو هم كائنات فضائية (طبعا كل واحد بحسب ثقافته, واحد معلم فى وكالة هيقول دول من الجن, و واحد متخرج من الجامعة الأمريكية هيقول دول Alliens!). أنا اسف على السخرية, بس الموضوع بقى مقرف, الواحد صعبان عليه بلده تبقى مرتع للسلع الأسيوية معدومة الجودة, فهذه السيارة لا تستحق حتى أن نبذل جهدا فى محاولة تقييم أدائها أو أن نتعب أنفسنا فى الحديث عنها.

المشاركة الأصلية كتبت بواسطة حازم شاهين للأسف فيه ناس تهاجم المنتج الصينى كأنه منتج إسرائيلى مثلا يعنى مثلا اللى بيقول أسهل حاجه تبيع عربية فى مصر مش عارف الفكر دى جت إزاى ده معظم المصريين بيستروا العربية و فى دماغهم إنها هتبقى عربية العمر و كل واحد يقعد يحسب لو فى المستقبل اتزنق و حب يبيعها هتجيبلوا كام و مبيشتريش إلى لما يفصص السوق حته حته أما موضوع الإيه بى سى فأنا بأمانه مش عارف يعنى ايه ده لكن لو حضرتك تقصد ABS يبقى فيه مشكلة نظام الفرامل لمنع الإنزلاق مش كماليات خالص ده من ضمن وسائل الأمان أما الموتور بقى فصحيح هما بيستخدموا مواتير متصممة فى شركات تانية لكن مين من الشركات اليابانى أو الكورى معملش كده فى بداية نشاطة و لكن برضه هما مبيستخدموش مواتير من الحرب العالمية الأولى .... بلاش عصبية و مبالغة أما بخصوص الخامات المستخدمة فى الإنتاج فدى بتبقى إختيارات المستورد مش المصنع حكاية أى حاجه صينى هى كما يلى المستورد يروح المصنع فى الصين يختار المنتجات اللى عايزها يلاقى لكل منتج تلات أسعار شعبى .... متوسط ...... متميز كل مستوى منتج بدرجة جودة مناسبة لسعرة يقوم المستورد الذكى يختار زبالة المصنع و يلمها بتراب الفلوس و دى مستوى جودتها 60 % مثلا يعنى من كل عشر قطع تلاقى 4 بايظين + إن عمرها الإفتراضى عموما قصير السبب اللى بيخلى المستوردين تعمل كده هو طبيعة السوق المصرى (قدرة ماليه محدودة السعر من أهم عوامل الشراء) لكن أنا عايز أقول إن الجيتا بتتعمل فى الصين و البى إم و الجى إم و الفورد و المرسيدس و غيرها و أكبر شركات الكمبيوتر فى العالم بتصنع مكونتها فى الصين و معظم المصانع الجديدة فى مصر دلوقتى بتجيب المكن بتاعها من الصين معدش حد بيجيب ألمانى و لا إبطالى و لا امريكى ععموما اللى بيقرف من الصينى يبص على كل حاجه حوالية هيلاقيها صينى من أول الكمبيوتر للموبايل للتليفزيون للراديو للقميص للشراب إنما نيجى للعربيات و نقول يععععععع عموما قبل ما نهاجم الصينى يا ريت نفكر نحاول نبقى زيهم فى الشطارة مش كلام كلام كلام كلام كلام و بعدين نوم أسف خرجت عن الموضوع لكن بالنسبة للعربيات الشيرى و الإسبرانزا صحيح البداية مش كويسه نتيجه لسوء إختيارات الموديلات من وكيل شيرى لكن بعد كده التوكيل إختفى و قدمش حاجه مميزة من ناحية الإعتمادية ففى ما عداQQ فالموديلات التانية أعتقد إنه لسة ماسكه نفسها لغاية دلوقتى صحيح برضه الفترة صغيرة للحكم عليها لكن بتدى مؤشر على موضوع الإعتمادية ممكن تبقى عاملة إزاى و وجود مصنع تجميعالإسبرانزا ظبط العملية شوية و قدر إنه يقدم موديلات ناجحه نسبيا زى 516 بالنسبة للفئة السعرية بتاعتها و بعد شوية قدم عربية فى رأيى ملهاش منافس فى فئتها و هى 113 أعلى موتور بالسعر ده و مؤخرا التيجو اللى شدت ناس كتير و ابتدت تنتشر و فى رأيى هتبقى هى نجم مبيعات الوكيل و خصوصا بعد طرحها بمحرك 1600 مشاكل الإسرانز أولا قله الجودة نوعا ما يعنى فى بعض الحالات العربية تخرج من المصنع تلاقى فيها عيوب تقفيل أو تجميع و ده بيعمل سمعة وحشة ليها ثانيا التوكيل فى بعض الموديلات استخسر فى المصريين الإيرباج مش عارف ليه رغم إنه حاطط ABS فده بيقلل معامل الأمان شوية ثالثا عدم استقرار سعر المستعمل منها يعنى لسه موصلت لمرحلة الأكسنت أو اللانوس مثلا رابعا بعض مشاكل مراكز الخدمة نتيجة للضغط الرهيب عليها أرجوا إن أكون محايد و شكرا

: THUMBS~220: