خدو بالكم من سواقين الميكروباص على الصحراوى متفقين مع الرادار

[foxking_369]

بصراحه انا مع المثل الشعبى اللى بيقول

امشى عدل يحتار عدوك فيك

[Payoo]

بصراحة في نقطة مستفذاني جدا في الموضوع ده وهي أتفاق سواقين الميكروباص مع ضباط الشرطة أو أفراد الكمين
طب ماهو كده كده في ناس مخالفة والرادار هايجبها وأعتقد زيادة عدد المخالفين لن يعود بالفائدة على اللجنة في شيء

مش عارف مش هاضم ليه حكاية الأتفاق دي

[Chucky]

هو اولا موضوع انهم حافظين اماكن الردار دى معلومة غلط... انا واحد بسافر اسكندرية تقريبا مرة او مرتين شهريا و كنت قبل ما اجيب العربية بسافر بالميكروبصات

1 - الردار مكانه بيتغير كل فترة
2 - السواق من اول لما يطلع من الموقف بيكون متقاله مكان الردار و طبعا اول لما يوصل للكارتة بتاعت القاهرة يتصل بأى حد من اللى يعرفهم لسة طالعين قدامه يساله لو فى ردار تانى اتنصب ولا لاء و احيانا بيكون كلامهم بخباثة علشان بيخافوا يكون راكب معاهم ظابط من اللى بيبقوا فى الكميين اللى بعد كارتة اسكندرية

موضوع انهم بيكونوا متفقين مع الظباط اللى فى الردار فده مش موضوع ماشى مع الكل لانى احيانا كتير بشوف ميكروبصات بتقع فى الردار ( دول كبش الفدا اللى بيبلغ بقيت ميكروبصات الشركة ), ممكن يكون اللى انت ركبت معاه حالة خاصة

عموما هى نصيحة اخويا حاول على قد ما تقدر انك فعلا تلتزم بالسرعة المقررة حفاظا على حياتك انت...

[Nour_peugeot]

بالنسبه للكلام ده ممكن يحصل لو في سبوبه حلوه

المكروباصات بيعرفو بعضهم و هو علي الطريق و كده كده طريق اسكندريه بيبقي زحمه جدا و طويل فهي فعلا 120 سرعه هتبقي معقوله اوووي

[mahmoud4871]

المشاركة الأصلية كتبت بواسطة matmm انا يا جماعة كنت مسافر اسكندرية يوم التلات الساعة 2 الظهر المهم انا كنت قاعد اودام جنب سواق الميكروباص وكان قاعد معانا اودام واحد كمان صاحب السواق المهم واحنا فى نص الطريق لاقيت سواق الميكروباص بيشاور لواحد معاة الينترا ويظهر كان معاة قرايبة المهم معاهم عربية كمان ميتسوبشى وبيقولهم خليكو ورايا علشان الرادار انا قولت الراجل جدع وشوية سواق الميكروباص فتح 160كم وهم وراة ولقيتوا بيقول لصاحبة لبسوها اتارى الرادار واقف عند حتة اسمها الميزانة وسواقين الميكروباص متفقين مع الرادار يجبلهم زباين ويسيبوهم هما يجروا براحتهم فانا بسألة لية كدة؟ قالى بدل ما يقرفونا وهما عارفين ان احنا عارفين مكنهم فهما بيقولو ان احنا نجبلهم رزق انا سكت بس خدوا بالكم اوى اوى بقى حسبى الله ونعم الوكيل فيهم وربنا معاكم يا جماعةptmnlo123per111

جزاك الله خيرا وعفا عنك وعن والديك