|
#31
17-11-2010, 01:49 AM
|
|||
|
|||
رد: يا عالم يا هوووه ثبات العربيه عرفوووووه
موضوع هايل ومهم جدا
ومشاركات مثمره و عظيمه يا ريت الموضوع يتم تثبيته و نقله للمنتدى المناسب خصوصا ان الموضوعات كترت اوي و خساره الموضوعات القيمه اللي ذي الموضوع ده تتوه في الزحمه طبعا مفيش اي حاجه اضيفها ... كل الاخوه قالو كل حاجه اعرفها وومعرفهاش يمكن في حته صغيره كده .. وانا صغير لما كنت بتفرج على صور العربيات الرياضيه اللي محركاتها في الامام كنت بستغرب اوي ان الكاوتش في اول العربيه و بعدين كبوت طويل اوي و بعدين كابينه قصيره وراها على طول العجل الخلفي وكنت بقول شكل العربيه كده مش حلو ... حتبقى احلا لو الكابينه تطلع لقدام شويه     في حين ان العربيات اللي مواتيرها في المنتصف بتكون بشكل مختلف زي المازيراتي بورا  اما البورش بمحرك خلفي فغصب عنهم كبوت صغير و خلفيه ممتده  وطبعا لما كبرت فهمت ان الموضوع مش شكل و انهم بيحاولوا يوزعوا وزن العربيه بين الامام و الخلف علشان تحقيق الاتزان و الثبات وده سبب شكل العربيات اللي مواتريرها قدام و احد اكبر اسباب ان البورش تعاني من الاوفر ستير في المنحنيات وبما ان تجربتي متواضعه .. يعني لا سوقت لا بورش و لا فيراري ولا مرسيدس بس برضو ححاول اساهم بجزئيه التجربه الشخصيه لتوضيح نقطه الفرق بين الثبات الفعلي و الاحساس بالثبات وحتكلم عن 3 عربيات من اكتر العربيات اللي سقتها لفترات طويله سكودا فيليشيا - فيات سيينا - هيونداي ماتريكس حبتدي بالسيينا للاسف تعاني من سوء توزيع الوزن لان مورتورها مزنوق اوي في كبوت صغير وليها شنطه طويله لكن برغم كده كانت دايما بتنقل ليا الاحساس بمدى تماسكها بالطريق وبالتالي كنت بقدر اقدر كويس السرعه في الملفات واعمل التصحيح اللازم الماتريكس رغم انها عاليه وتقيله لكن تماسكها تفضل من السيينا لان توزيع الوزن نسبيا احسن و نسبه ابعادها لابعاد قاعده العجلات قريبه وعفشتها انشف لكن للاسف مبتنقلش ليا خالص الاحساس بالطريق .. ودي نقطه تقلق جدا و تقلل الاحساس بالثقه في القياده فللاسف الثبات الافضل منقوص بسبب عدم الاحساس بيه !! نوصل للفيليشيا ابعادها اصغر منهم ... عفشتها ناشفه .. هاتشباك ... محاور قريبه و ارتفاع متوسط وبالتالي افضلهم في الثبات و الواحد بيحس فعلا بمدى ثباتها في الملفات يعني من الاخر الثبات مهم جدا ... لكن برضو لازم العربيه تنقل للواحد مدى ثباتها و تماسكها بالطريق لان ثبات بدون احساس زي امكانيات غير مستغله ... واحساس وهمي بثبات غير حقيقي .. قنبله موقوته معلش اضافه بسيطه .. ما انتو قلتو كل حاجه .. مسبتوش 
__________________
من تواضع لله رفعه The ultimate car would be designed by Italians engineered by Germans built by Japanese &
|
|
#32
17-11-2010, 03:12 AM
|
|||
|
|||
|
رد: يا عالم يا هوووه ثبات العربيه عرفوووووه
الثبات عندى اختراق العربية للهواء و استقرارها على السرعات العالية و استقرارها فى المانورات
__________________
 الحلم
|
|
#33
17-11-2010, 05:08 AM
|
|||
|
|||
|
رد: يا عالم يا هوووه ثبات العربيه عرفوووووه
العربية الثابتة هي اللي بيحصلها أقل weight transfer اثناء الفرملة والمنعطفات والتسارع -يعني المناورات بشكل عام
يساعد على ذلك حاجات كتير :توزيع الاحمال- التعليق- مقاومة الطريق- مقاومة الهواء بالاضافة الى بعض الانظمة الحديثة: ABS- EBD- BA-TCS- ASR- ESC or DSC
|
|
#34
07-12-2010, 01:34 AM
|
||||
|
||||
|
رد: يا عالم يا هوووه ثبات العربيه عرفوووووه
معلهش يا شباب... أنا أسف على التأخير فى الرد بس فعلا أول مرة أشوف الموضوع ده
و بصراحة كنت ناوى اتكلم و اعيش بس لقيت الشباب ما شاء الله فعلا ماسبوش حاجة تتقال بس برده ممكن أقول كلمتين فى السريع كدة بما إن الثبات عندى هو اهم اهم حاجة فى العربية و يفرق معايا جدا و انا بشترى العربية ... تعريف الثبات بالنسبة ليا هو تماسك العربية و القدرة على التحكم فيها على السرعات العالية و ايضا فى المنحنيات و فى ظروف القيادة المختلفة زى الامطار أو الرمال على الطريق و ما الى ذلك و طبعا أثبت عربيات سقتها هى الألمانى عموما و بصفة خاصة العربية اللى انا سقتها .. مرسيدس و بورش و بالمناسبة بقول لسامح باشا رمزى .. لازم تسوق البورش يا باشا ... و صدقنى مش هتلاقى اى اوفر ولا ندر ستيير خالص اطلاقا مطلقا على الاطلاق المطلق ... الا بقى لو انت اللى عاوز تلعب و تعمل دريفتات الميزة فى الألمانى فعلا غير معادلة توزيع الوزن و الايروداينامكس و تكنولوجيا التصنيع .. هو ايضا كمية الانظمة التقنية اللى موجودة فى الألمانى المخصصة لدعم الثبات ... يا جماعة و انا راكب الالمانى بحس بمنتهى الثقة و الامان و بقدر اخد غرز و منحنيات على سرعات عاية جدا بدون مشاكل ... اما مثلا لما بسوق كرولا لحد موديل 2006 لأنى ماسقتش اللى بعد كدة اول ما اوصل 110 بالظبط العربية بتبقى بتاعت الهوا مش بتاعتى خاااالص عندى فى عربيتى مثلا (كابريس) الثبات بيبقى كويس جدا لحد سرعة معينه بعدها بيبقى مقبول .. بعدها بيبقى فى الضيااااع و طبعا ده على الطريق السريع و فى خط مستقيم .. لو الطريق فيه منحنيات أو باخد غرز لازم اقلل السرعة انا لما بوصل 200او 220 بحس انى خلاص مش عارف احافظ على العربية فى نفس الحارة و بتروح منى يمين و شمال (على الطريق المستقيم) فى الالمانى مثلا .. معاك لحد سرعة 300 و ان مرتاح و طبعا على طرق المحروسة مابقدرش ازود عن 140 او 160 لأن بحس ان مستوى التنطيط فى العربية وصل حده .. يا نهار ابيض امال بقى الفيرنا بتبقى عاملة ازاى ... و محدش من اللى عندهم فيرنا يزعل يا جماعة و ربنا يستر علينا جميعا يا رب
__________________
 ......................... .. يا ترى جاهزين لتجربة السواقة اللى جاية ؟؟؟؟؟!!!!!!!
|
|
#35
07-12-2010, 09:55 PM
|
|||
|
|||
رد: يا عالم يا هوووه ثبات العربيه عرفوووووه
ازيك يا محمد باشا .. واحشني جدا و الله من بوقك لباب السما .. انا لو عليا نفسي اسوق كل العربيات اللي في الدنيا ... بس بالنسبه للبورش فانا بتكلم عنها كنموذج مجرد للعربيات اللي محركاتها خلفيه مقارنه بالمحركات الوسطيه و الاماميه يعني المقارنه بين بورش واخوتها ... فيراري - مازيراتي - لامبورجيني - ... فيرنا  ودي وجهه نظر تاريخيه يعني مش رأيي الشخصي ... لأني لا سوقت لا بورش و لا فيراري و لا مازيراتي بورا او تورا بورا حتي طبعا الانظمه دلوقتي تغلبت على موضوع الانزلاقات و التراكشن كنترول و القصه دي لكن ككلام مجمل اسواء مكان للمحرك هو الخلفي من حيث توزيع الوزن والبورش ليها فيديوهات ياما و هي بتلف حوالين نفسها في سباقات و غيره للاسف داخل دايل اب بالعافيه لأن الدي اخس اف (DSL ) للاسف بايظ ومزنوق زنقه معتبره فمش عارف لا اجيب روابط و لا فيديوهات افتكر تعليق ظريف جدا عن البورش اعتقد كان في توب جير انهم بيحطوا شيكاره اسمنت قدام علشان تظبط توزيع وزن العربيه .. (تهريج طبعا لكن اشاره لسوء توزيع الوزن ) و فاكر حلقه من فيفث جير كانو جايبين لامبورجيني جالاردو على التلج .. طبعا لما شغل التراكشن كنترول و الذي منه العربيه كانها ماشيه على الاسفلت .. اول ما فصل الزرار عينك ما تشوف الا النور والحركه دي دايما بيعملها جيريمي كلاركسون في توب جير ... يجرب العربيه وبعدين يفصل التراكشن كنترول و يقضيها دريفتات ويعمل نفسه مخضوض وبيموت و حركاته اياها فتقنيه بورش لا غبار عليها ... عربيه بقالها اكتر من 50 سنه بينقحوا و يطوروا فيها سنه ورا سنه ... لكن برضو محركات الوسط تكسب ... حتى إسأل فيراري مش حتنزل مصر قريب يا باشا ... وكل سنه و انت طيب بمناسبه العام الهجري الجديد
__________________
من تواضع لله رفعه The ultimate car would be designed by Italians engineered by Germans built by Japanese &
التعديل الأخير تم بواسطة sam ram ; 07-12-2010 الساعة 10:03 PM
|
 |
|
|
