#16
|
|||
|
|||
رد: عيب علينا
شكرا لحضرتك وللاستاذ القاضى وكل الاعضاء التصميم الصناعى يعتبر مجال جديد وممتع،،فى اعدادى كلية طبعا بنمر بجميع التخصصات وعلى الاساس ده بنختار عاوزين ندخل قسم ايه،،كالعاده الناس بتخاف من المجالات الجديدة او الغير منتشرة وحذرونا ان التصميم الصناعى ملوش شغل فى مصر ودراسته صعبة بس الحمد لله انى اخترت ادرس فى المجال ده لان فى نظرى التصميم الصناعى اساس لكل شىء،،له علاقه بالصناعة والعمارة والديكور ،....يعنى داخل فى كل المجالات تصميم صناعى يعنى ازاى نصمم منتج أو نظام جديد او نطور فى منتج موجود بجودة عالية وتكاليف قليلة والشكل يكون متناسب مع الوظيفة مع مراعاة الجانب الارجونوميكى،،سواء سيارات -اثاث-آلات-أدوات -أجهزة-وحدات اضاءه-تصميم شعارات-ماكيتات وبالفعل نفذنا بعض المشروعات دى اثناء الدراسة زى الاجهزة الرياضية ووحدات الاضاءة وبعض النماذج للانظمة الصناعية مجال التصميم الصناعى بيعلم الواحد ازاى يقدر يفكر ويشغل دماغه وسبحان الله بيخلى الواحد يفكر بشكل تانى خالص وبيعلمنا ازاى نكون قادرين على حل المشكلات اللى بتواجهنا يعنى استفدنا منه لابعد حدود ،،ولو المجال ده اخد حقه فى مصر زى برا هيبقى شكل تانى بس الحمد لله التصميم الصناعى فعلا بيفرض نفسه دلوقتى فى كل المجالات بعض صور للتعريف بالمجالات |
#17
|
|||
|
|||
رد: عيب علينا
بعتذر عن الاطالة بس ليا اضافة اخيرة انا عضوة من الخمس اعضاء وليس عضو |
#18
|
||||
|
||||
رد: عيب علينا
ايه ده فعلا ptmnlo123per160
معلش مخدتش بالي و اهلا بيكي معانا في مصر موتورز و متشكر جدا لمداخلتك الاخيرة دي عرفتني حاجات جديدة و ربنا يسهل و التخصص ده ياخد حقة في مصر لاني شايف انة ممكن يدخل ضمن اهتمامات ناس كتير. بعتذر تاني لسوء الفهم و في انتظار مشاركات تانية منك
__________________
Sharief Mansy
Farewell my Cayenne, you were the best car i ever had and driven |
#19
|
||||
|
||||
رد: عيب علينا
هذة حال مصر مشية بسياسة اطفى الشمعة فى الحفل علشان نجلس فى الظلام والهدوا انت عارف ان مراكز البحوث فى مصرمملوئة بالابحاث لناس عظماء وكلها على الرفوف اين مشروع الدكتور الذى نادى بة فى خبر كان الراجل زهق وبطل يتكلم واخذت ارض المشروع واقيم عليها جامعة خاصة الطالب الادبى فى هذة الجامعة سيدخل كلية الهندسة بفلوسة هذا اخر قرار لتلك الجامعة اخى الحبيب انصحك بان تقراء اخر كتاب قام بتاليفة الكاتب الكبير جمال الشاعر واسم الكتاب اكرمك اللة اعمل عبيط
|
#20
|
||||
|
||||
رد: عيب علينا
يا جماعة مش كل حاجة المفروض الدولة تعملها هى الدولة مبتعملش حاجة ماشى بس مش معنى كده اننا احنا كمان نتحجج بيها ونقول مش هنعمل حاجة خالص
مصر فيها على الاقل 5 مصانع كبيرة بتعمل فوانيس وكشافات العربيات وفيه شركات اكسسوارات وشركات ومصانع بدى كيت وفيه شركات ومصانع بتعمل اتوبيسات كاملة على شاسيهات من بره زى هشام باص وديه تصميمات مصرية ونسبة المنتج المحلى كبيرة الصين مبقتش قوه صناعية كبرى وانتجت سيارة بين يوم وليلة الاول الناس كانت بتصنع فوانيس واكسسوارت لعربيات تانية فاتوجددت صناعات مغذية حقيقية فكان السهل بعد كده ان يبقى فيه مصانع تجميع وبالتالى منتج محلى بنسب تصنيع محلية كبيرة ومع كل مجهوداتهم ديه مفيش عربية صينية 100% بالعكس كبريات الشركات المدعومة من الدولة بتشترى تقنيات وتطورها او توطن تصنيعها فانا نفسى الشباب تفكر فى الواقع العملى ومتطلبات السوق وتعرض نفسها على الشركات اللى شغالة فى المجالات المذكورة وممكن اوفرلكم قائمة كاملة بيهم وممكن تعملو مشروع خاص لاعادة تشكيل هياكل السيارات مثلا او لتصنيع فوانيس بتصميمات مميزة الافكار كتير اكيد |
|
|