تصادم بين جيلى ck وبيتلز (شهادة حق فى العربيات الصينى)

[aymanlaw]

المشاركة الأصلية كتبت بواسطة mr_astra عندك حق بس انا مش من هواة التوكيلات ..........اكيد حضرتك عارف ان حاجتها فى التوفيقية مول البنك التجارى الدور التالت حوالى 8 محلات وفى فيص الصفا والمروة

اشكرك على طرح الموضوع ,ولكن للأسف هنفضل سطحيين فى تناول المواضيع وسرد الأسباب ---والسبب هو قلة الأطلاع والقراءة بشكل طبيعى لنا كشعب لايعرف سوى مصطلحات هزلية يستخدمها فى كل مناحى الحياة اليومية فلامجال نتطرق له يبنى على خلفية معلوماتية مشفوعة بمستندات دالة على مانقوله ومانراه ولكن كل ملدينا من مستندات ماهى إلا (أنا سمعت ,واحد صحبى قال لى إبن خالتى قلى إبن عمتى فى امريكا شاف او سمع او حد قله وهكذا ---بنحب قوى ان نكون مضلليين---على رأى السادات الله يسامحه لماقال اولادى الصغيرين المضلل بيهم وكأنه علشان صغيرين مينفعش يقكروا يبقى لازم يضلل بيهم !!!!!!!!!) شفت حضرتك مانعيشه من عته ازلى لن ينتهى إلا باالقراءة والتثقيف والأطلاع زى زمان لحد كده نهايات الستينيات لما كان فى حاجة اسمها روايات الجيب وبعد كده قلبت للكيف فى عصر السادات انتهاء بعهد حبيبنا ملك الأضمحلال حسنى مبارك وإن كان العد التنازلى بدأ منذ إنقلاب 23 يوليو الذى نجنى ثماره اليوم ---[COLOR="red"[/COLOR]تحياتى للموضوع الذى اثرته حضرتك وإن كان يدل فايدل على ان دولة مثل الصين لن تتنازل عن كونها شعب ناهض يمشى فى الطريق الصحيح واثق الخطى يسير فى طريق المجد ليحقق عزته وكرامته ويكيل الصفعات لمن اهانوه وخدروه وحسبوا انه يستهان به ولم يكونوا بعالمين ان اسفل الفم المفعم باالأفيون تنين كاسر مفعم بلهيب الحرية والأخلاص والحب لوطنه الصين وهاهو الأن فى عنان السماء يحلق بجناخيه الذين هما من ابتكاره دونما أحد آخر ,وأتمنى لمن يدخل ليضع رأيه عن الصينى يبطل المصطلحات الخائبة زى لو الصينى له جناحات لن اعترف به وكأنه هو الوحيد الذى أخترع العجلة ----وتقبل تحياتى وتقديرى:01FDA B~189:

[mr_astra]

" aymanlaw " كل كلمة قلتها تنم عن شخصية مثقفة وواعية ...........لك منى كل احترام وتقدير

لكن الناس محتاجة شوية وقت لاننا متعودين على الموروثات القديمة وصعب جدا ان حد ياخد قرار من دماغة لازم يشوف حد قبل منة جرب عشان يمشى وراة

العربية دى جبناها من سوق السيارات يوم الجمعة الماضى نزلت مع زميلى فى الشغل لانة بعيد خالص عن العربيات وانواعها واولاد الحلال نصحوة شبة اجماع ان رانج الفلوس اللى معاة ( 36 الف ) انسب حاجة هى اكسل

اختة على هواة ورحنا اتفرجنا على كل العربيات الاكسل اللى فى السوق وكلهم طبعا محصورين بين 94 و 98 والحالة العامة تخوفك وفين لما لقيت عربية ينفع اشتريها واللى كان بيبعها تاجر وفعلا كانت عربية كويسة جداااااااااا وانا بطبعى بحب اشترى من تجار لانهم اسهل فى البيع والشراء وعمر التاجر ما بيشترى حاجة وحشة لنفسة ........طالما العربية فيها توكيل باسمة مش رايح يبعها لحساب زبون عندة يبقى كدة اخدها ..........المهم وقف على الـ 35 الف سبتة ورحت لصاحب الجيلى عربية 2006 عداد 34 الف شركة برة وجوة عدا باب السواق وفيها خربوشين تلاتة والصالون باكياس المصنع تكييف وباور وسنتر وانذار ومرايات كهرباء وABS& EBD وعربية عالية عن الارض بشكل جميل .....ملمومة من برة لكن واسعة من جوة
عربية بالمواصفات دى اسيبها واروح اجيب اكسل موديل 96 بـ 35 ولا اجيب الجيلى بـ 32 ؟؟؟؟؟؟؟؟؟؟؟

الحمد لله ان زميلى كان مسلملى دماغة ومستسلم تماما لقرارى وبالفعل العربية لغاية امبارح كانت معايا وعملت بيها حوالى 1000 كم فعلا معجب بيها جداااااااااااااااااااا جداااااااااااااااااااا

ولما سمكرى يؤلك العربية دى صاجها محمل ويطلب منك تجبلة عربية زيها !!!!!!!!!!دة تفسرة باية وسمكرى كمان يعنى شغلة كولة فى الصاج مش ميكانيكى ولا كهربائى واللى يشدة ان العربية صاجها محمل

يبقى انت واخد كل حاجاة فى الدنيا

موديل حديث
موتور تويوتا جبار فعلا
صاج ومتانة
باور اكنك بتلف طارة على بلى بس وما فيش كاوتش ولا مقصات ولا سكاتر دة الاحساس والله اكنك بتلف الطارة على الفاضى
اية اللى ناقص ؟؟؟؟؟؟؟؟؟

[الدكتور محمد]

بسم الله الرحمن الرحيم
أؤيد وأؤكد كل كلمة قيلت عن السيارة الجيلى CK فأنا أمتلكها ولكن موديل 2010 وهى بالفعل سيارة فوق الممتازة فى حجمها وإمكانياتها مقارنة بمثيلاتها فى الفئة.
ففى وجهة نظرى إنها لا تقارن بالفيرنا أو اللانوس حيث إنها تتفوق عليهم.
ولكن لا يعيبها إلا شئ واحد وهو سمعتها كصناعة صينى.
كل ما أقابل حد يقولى صينى
طيب اليابان أول ما بدأت تصنع سيارات كانوا بيقولوا بردة يابانى أو أمريكانى أو المانى.
العبرة بالأداء وليس بدولة المنشأ.

طب ياريت مصر ترجع تصنع العجلة (الدراجة) بلا نيلة علينا مش عارفين نعمل أى حاجة.

[Toyota Corolla]

حضرتك دلوقتى لو جبت كورولا و خبطها من نفس الحتة اللى خبطط منها الجيلى فى البيتل كان ممكن يحصل أكتر من كده و السبب انه الخبطه ديه ملهاش دعوة بصاج الكورولا ولا الجيلى إنما تركزت على أقوى جزء فى العربية و هو الصادم ولا المصد الأمامى كما يسموه و ده كارثة و تحديدا لما تخبط فى باب عربية اللى انا بعتبره أضعف جزء فى السيارة

[MOTOR HEAD]

هل فى اى عربيات صينى دخلت دول الاتحاد الاوروبى