مستقبل مصر في صناعة السيارات

[a7lahamada]

لو بقي الشعب زي زمان واحترام العادات والتقاليد واتباع التعليمات هنبقي متحضرين اما مثلا تيجي تقولي قانون المرور الجديد عمل اية ولا حاجة الزحمة زادت تعالي كدة امشي في شوارع القاهرة الساعة 3 او 4 او 5 وقولي هتشوف اية هتلاقي عبارة عن سيارات لم تتحرك بداية من ميدان التحرير وكوبري اكتوبر والمحور والدائري عند كارفور الدنيا بقت زحمة جدااا دي نقطة والنقطة التانية السرعة زي ما هي لية لان واحد مثلا كان بيجري اتمسك رادار دفع كام 100 ج وعدت هيجري تاني وتالت ورابع الحاجة الوحيدة الي قلت مش انعدمت هي السير عكس الاتجاة علشان دي الغرامة بتعتها تقيلة 1300 ج كتير راحت الناس خافت طيب لية السرعة متبقاش كدة والا الميكروباصات عادي جداااا بيقفوا علي مطالع الكباري وفي نص الشوارع الحياة بعربية في مصر او مواصلات مستحيلة ما عدا يوم السبت والجمعة البلد بتكون فاضية يا جماعة احنا لو غيرنا السلوكيات بتاعتنا هنبقي احسن كتير بس دا يجي ازاي لحد دلوقتي اللة اعلم دا السوال المطروح علي مصر كلهاا ازاي نتغير ونفكنا من الحوارات الي احنا بنعملها دي يعني مثللا حصل قدامي سواق تكسي قديم خبط عربية في ميدان التحرير BMW انا بصراحة الموقف شدني عايز اعرف هيحصل اية تخيلوا واحد مشتري عربية ب اكتر من نص مليون جنية والتصليح الخبطة هيكلف اكتر من 20 الف الناس عمال تقول هتقبل العوض ومش العوض والكلام دة افرض سواق عليها هيضيع والمشكلة ان سواق التكسي غلطان كسر الاشارة وخبطها والظباط بيقولي خلاص يا بية قدر ولطف خيرها في غيرها يعني اية حد يفهمني هذة تكون حال السواقة في مصر ام الدنيا وهكذا يكون المرور

[attef1]

المشاركة الأصلية كتبت بواسطة a7lahamada السرعة زي ما هي لية لان واحد مثلا كان بيجري اتمسك رادار دفع كام 100 ج وعدت هيجري تاني وتالت ورابع الحاجة الوحيدة الي قلت مش انعدمت هي السير عكس الاتجاة علشان دي الغرامة بتعتها تقيلة 1300 ج كتير راحت الناس خافت

اللى انت بتقولو ده بيثبت ان احنا شعب مبيمشيش عدل الا بالعصايا للاسف
نفسى اعرف ليه كل واحد مايمشيش عدل احترااااااااااااااااااااا ااااااااما لنفسه لانه بنى ادم يعيش مع بنى ادمين
هاقولك على حاجه يمكن تستغرب منها فى هولندا لما الكلب بيشوف الاشاره حمرا مابعديش !!!!!!!!!!!!!!!!!!!!!!!!!
بعكس المصريين هناك سمعتهم مش اد كده يكفى ان بيتقال عليهم همج

[a7lahamada]

هههههههههههههههههه النظام في مصر منعدم ودة مش من البلد لا دة من جوا الناس يعني غريزة في الواحد ان يزنأ واحد بالعربية يكسر اشارة يضرب كلكس ولو معملش كدة ميبقاش مصري اصلا امتة هنتطور يا شعب ام الدنيا ......................... .................!!!!!!!! !!!!

[Dantes010]

أنا حاسس إنه فيه إيد خفية ورا عدم تطور الصناعة في مصر ياريت نحاول نكتشف إيد مين وإيه هدفها الحقيقي في حالة النوم الصناعي دا.
مصر بتصنع شيبسي وبسكويت وسمنة وزيت وكمان أسياخ حديد وشوية أسمنت وملابس . مش عارف فيه حاجة تانية مصر بتصنعها أنا نسيتها ولا لأ لو ناسي حاجة فكروني.
طيب لما نبص للصناعات دي هل ليها علاقة بأي تكنولوجيا في العالم ؟؟؟
ليه مفيش موبيل مصري ؟؟؟
ليه مفيش Mother Board بتاعة كمبيوتر ولو ماركة GigaByte بس تكون مصري زي ما في منها صيني وهيا أصلا مش صيني؟؟؟
ليه مفيش Lab Top ولو ماركة DELL مصري زي ما في DELL صيني وطبعا شركة DELL ليست صينية؟؟؟
طيب ليه مش بنعمل سيارة مصري ولو عملنا سيارة باتقان كعادة المصريين لو حطو دماغهم في الحاجة صح وأكيد هنبيع عالميا وموضوعها مربح ؟؟؟
بروتون ماليزية وبتبيع في بريطانيا ، ليييه؟؟؟ لأنها أكيد كويسة.
العالم هيشتري مننا لو طلعنا منتجات كويسة.
طيب ليه مش بنصنع؟؟؟ ممكن يكون عشان احنا أغنياء ومش محتاجين فلوس ؟؟؟
يمكن عشان معندناش بطالة ؟؟؟
بصراحة مش عارف ايه اللي مانعنا إننا نصنع.
وآسف للإطالة.

[salahabdelnabi]

الموضوع ببساطة سوء استخدام للموارد المتاحة سواء كانت موارد بشرية او طبيعية

مع عدم استخدام الاساليب الاقتصادية الصحيحة لتدوير رأس المال

مع انعدام ضمير وفهلوة وجشع تجارة والبحث عن الربح السريع

التفكير دائما فى المشاريع الاستهلاكية الرخيصة وليس المشاريع الانتاجية سواء كانت قصيرة الاجل او طويلة الاجل

عدم وضع الاشخاص المناسبين فى المناصب المناسبة ولو تم ذلك بريق الكرسى والمنصب يذهب العقل

والدليل رجال الاعمال الناجحين فى عملهم الفاشلين فى مناصبهم الوزارية

الفكر المتحجر والروتين والبيروقراطية والعقلية الغريبة التى تسير المنظومة الاقتصادية فى بلدنا

( حد يقول ان احنا نجرف الارض الزراعية ونصرف مليارات على استصلاح الاراضى الصحراوية )

والحل دائما سهل وبسيط بس لو تم اخلاص النية لله

الرجل المناسب فى المكان المناسب والاعتماد على التفكير الاقتصادى السليم لحسن استغلال الموارد البشرية والطبيعية

ولكم فى اليابان والمانيا عظة وعبرة بعد الحرب العالمية الثانية

لو حطينا التجربتين دول نصب اعيننا مع ماسبق اكيد هايبقى لينا شأن كبير ليس فقط فى صناعة السيارات ولكن فى شتى الامور

بس نقول لمين ونعيد لمين