السيارة تهتز من الخلف مثل حركة ديل السمكة

[adamalex]

السلام عليكم معى سيارة كريسيدا 1981 السيارة تهتز من الخلف مثل حركة ديل السمكة مع السرعات العالية فقط لاادرى مالسبب؟

[حسام البورسعيدى]

اما الجنوط معووجه او الكاوتش وحش ...

[magdytwo]

المشاركة الأصلية كتبت بواسطة adamalex السلام عليكم معى سيارة كريسيدا 1981 السيارة تهتز من الخلف مثل حركة ديل السمكة مع السرعات العالية فقط لاادرى مالسبب؟

أخى الكريم
انت تقصد زى ماتكون بترقص
بما ان السيارة موديل 81 يبقى فى الغالب هى جر خلفى
يعنى فى عامود كردان
وفى الغالب ان سبب هذه الرقصة هو رفة فى عامود الكردان ودى اى ميكانيكى بيعرفها
او لو انت رفعت العربية من الخلف وتدور العربية وبصيت على الكردان هاتلاقيه غير منتظم فى اللف وبيرف

فى الحالة دية تروح لمتخصص كردان وهو يرصصه
انا حصلت معايا من 4 سنوات ورحت لواحد اوصف لك مكانه
لو انت جاى من طرق المطار تدخل يمين بعد نفق الملك الصالح
او لو جاى من الجيزة تدخل شمال بعد كوبرى الملك الصالح وبعد منزل الكوبرى العلوى بشارع او اثنين هاتلاقى ورشة شكمانات على ناصة الشارع ده متخصص فى الكردان
شافه ورصصه وطلع جربه معايا على الدائرى من عند المعادى والحمد لله اختفت الشكوى
ارجو ان اكون افدتك

[mr_astra]

احتمال يكون بلى الاكسات الخلفية مبوش من عند الطنابير