هل ممكن تركب عربية صيني

[أشرف صبرى]

المشاركة الأصلية كتبت بواسطة Moh@meD تحيه طيبه لأسرة المنتدى اداره واعضاء .. بإذن الله بعد متابعه وقراءه طويله سجلت اليوم فى المنتدى بعد اكثر من 20 يوم تقريبا كزائر كنت أقرأ لأرى ما هى افضل سياره بسعر 70 الى 75 الف .. وبعد القراءه لساعات ولمواضيع قديمه لاخواننا من الاعضاء وقصصهم مع سيارتهم قررت بفضل الله شراء الصينى (m11) وبشكر الساده اصحاب السيارات الصينى اللى شاركوا برأيهم من واقع عملى وليس لمجرد سمع او فكرة ان العربيه صينى .. وياريت يا جماعه نسمع رأى بعض ونتقبله ولكل منا حق النقد ولكن النقد البناء .. مثال : من الاخوه كالأستاذ باسم او الاستاذ أبو الإسعاد وهم ممن عاشوا الواقع العملى مع هذه السيارات ونجد منهم تأييد للسياره ومدح غير مبالغ فيه وذلك من مواقف عشوها بالفعل مع السياره ..ويقابل ذلك ذم وتشكيك فى السياره ممن قد لا يعلمون عن السياره الا شكلها فقط .. وبالنسبه للاستاذ الفاضل الاخ عماد ارجو من الله ان يعوضه خيرا وان يرد له حقه ويعوضه بذلك خيرا ان شاء الله .... ولمن يقول (يا عم دا صينى ) وغير ان كتير بيستنوا للسياره اى عيب معين واحيانا كتيره بيكون فى مثيلاتها من الانواع الاخرى ونقف عنده ونقول شوفت الصينى.. وده ظلم عندى شعور بعد اعوام قليله هنقول نفس الجمله ولكن بالمعنى العكسى كأنى بقول حاليا ( يا عم دا راكب بى ام ) الصين عندها من القدره الكثير لتنافس ولا تشابه ابدا فيمن يساويه السيارات بالموبايل الصينى المقلد لبعض انواع النوكيا ..وده كان معمول ليرضى الفئه البسيطه من الشعوب الناس الغلابه عندنا مثلا كان يقولك ايه (دا انا معايا موبايل صوتى وبيصور كمان .. اه والله .. دا حتى فى بلوتوث عشان ينقل النغمات ببلاش ) فكان فعلا الموبايل اللى فيه الامكانيات دى بسعر خرافى .. وفعلا خامات وجوده غير مرضيه .. طيب حاليا الموبايل النوكيا الاصلى كله صنع فى الصين ممكن حد يقولى هل شعر بالفرق لما اتغير المصنع من فنلندا الى الصين .. لا طبعا .. والكواليتى والتقفيل ممتاز ,,, اللى انا استشعره حاليا هو بعد انتشارالسيارت وانتشار اكبر لقطع الغيار هيكون الصينى ساعتها انتشاره زى اللانوس والفرنا وبكره هنشوف ان شاء الله وساعتها السياره سعرها هيزيد وكله هيقول ياريتنى كنت جبتها من الاول لان الكل عارف ان الامكانيات الحاليه تفوق السعر المعروضه به السياره ولكن انا بعتبره نوع من الترويج للسلعه بحكم السوق والناس مش هتتقبلها حاليا باكتر من كدا .. اعتذر بشده للإطاله ولكن لكم أحببت مشاركة اخوه محترمين مثلكم وخالص تحياتى لكم وعارف انى تقلت اوى اوى آسف .. والسلام عليكم ورحمة الله وبركاته

اولاً: اهلاً بيك فى اجمل منتدى على الاطلاق و احنا اتشرفنا بحضرتك
ثانياً: ربنا يوفقك للقرار الصحيح او يثبتك على القرار الصحيح الذى اخترته
كلامك سليم و موضوعى و علمى و منظم و صحيح
انصحك فقط بعمل صلاة استخاره
و السياره التى اخترتها اظن انها اختيار موفق
مره اخرى نورتنا يا استاذ محمد

[Islam_Shady]

يا خوانى اللى بيدافعو عن الصينى
بلاش ندافع عن عربية اصحابها فى الصين اصلا ماحاولوش يدافعو عنها
عمرنا ماسمعنا انهم سحبو سيارات علشان عيوب صناعة ولا اعترفو ان سياراتهم فيها عيوب
لا بيبيعولنا الحاجات الخرده و ان كان عاجبك

يعنى هما الصينيين موش عارفين اللى بيتقال على عربياتهم؟
عارفين ولا يفرق معاهم

يعنى ايه مصنع محترم يطلع عربيات معيوبه علشان التوكيل موش عايز يدفع كتير

ده اللى خلا الناس تثق الى الاوربى و اليابانى علشان عارفين انهم بيشترو من شركة بيهمها سمعتها قبل ما يهمها الفلوس

و السمعه بعد كده بتجيب فلوس

لكن الصينيين بيعملو ماركة و بعد اسمها ما ينضرب ينزلوها باسم ماركه تانيه جديده

زى شيرى الاول و دلوقتى اسمها اسبيرانزا

للاسف كتير من العربيات الصينى اللى ماشية فى شوارعنا لدوقتى شكلها خلاص بقى خرده ولا الفيات بتاع السبعينيات
و ده باين على كتير من الاسبيرانزا اللى شغالة تاكسى
فعلا باحس ان الصينيين دول موش عايزين يحترمو نفسهم ولا يحترمو الناس اللى بتقدرهم و تشترى بضاعتهم

و بالنسبة للكورى اللى كان فى الاول الناس خايفه منه
فعلا الناس خايفه منه لحد ما ثبت انه فيه اعتمادية و جوده على قد المدفوع فيه
صحيح موش قد اليابانى ولا الاوربى بس على قد تمنه و اكتر
لكن الصينىين لسه موش عايزين يحسسونا بكده

[BASSEM BESO]

المشاركة الأصلية كتبت بواسطة Moh@meD تحيه طيبه لأسرة المنتدى اداره واعضاء .. بإذن الله بعد متابعه وقراءه طويله سجلت اليوم فى المنتدى بعد اكثر من 20 يوم تقريبا كزائر كنت أقرأ لأرى ما هى افضل سياره بسعر 70 الى 75 الف .. وبعد القراءه لساعات ولمواضيع قديمه لاخواننا من الاعضاء وقصصهم مع سيارتهم قررت بفضل الله شراء الصينى (m11) وبشكر الساده اصحاب السيارات الصينى اللى شاركوا برأيهم من واقع عملى وليس لمجرد سمع او فكرة ان العربيه صينى .. وياريت يا جماعه نسمع رأى بعض ونتقبله ولكل منا حق النقد ولكن النقد البناء .. مثال : من الاخوه كالأستاذ باسم او الاستاذ أبو الإسعاد وهم ممن عاشوا الواقع العملى مع هذه السيارات ونجد منهم تأييد للسياره ومدح غير مبالغ فيه وذلك من مواقف عشوها بالفعل مع السياره ..ويقابل ذلك ذم وتشكيك فى السياره ممن قد لا يعلمون عن السياره الا شكلها فقط .. وبالنسبه للاستاذ الفاضل الاخ عماد ارجو من الله ان يعوضه خيرا وان يرد له حقه ويعوضه بذلك خيرا ان شاء الله .... ولمن يقول (يا عم دا صينى ) وغير ان كتير بيستنوا للسياره اى عيب معين واحيانا كتيره بيكون فى مثيلاتها من الانواع الاخرى ونقف عنده ونقول شوفت الصينى.. وده ظلم عندى شعور بعد اعوام قليله هنقول نفس الجمله ولكن بالمعنى العكسى كأنى بقول حاليا ( يا عم دا راكب بى ام ) الصين عندها من القدره الكثير لتنافس ولا تشابه ابدا فيمن يساويه السيارات بالموبايل الصينى المقلد لبعض انواع النوكيا ..وده كان معمول ليرضى الفئه البسيطه من الشعوب الناس الغلابه عندنا مثلا كان يقولك ايه (دا انا معايا موبايل صوتى وبيصور كمان .. اه والله .. دا حتى فى بلوتوث عشان ينقل النغمات ببلاش ) فكان فعلا الموبايل اللى فيه الامكانيات دى بسعر خرافى .. وفعلا خامات وجوده غير مرضيه .. طيب حاليا الموبايل النوكيا الاصلى كله صنع فى الصين ممكن حد يقولى هل شعر بالفرق لما اتغير المصنع من فنلندا الى الصين .. لا طبعا .. والكواليتى والتقفيل ممتاز ,,, اللى انا استشعره حاليا هو بعد انتشارالسيارت وانتشار اكبر لقطع الغيار هيكون الصينى ساعتها انتشاره زى اللانوس والفرنا وبكره هنشوف ان شاء الله وساعتها السياره سعرها هيزيد وكله هيقول ياريتنى كنت جبتها من الاول لان الكل عارف ان الامكانيات الحاليه تفوق السعر المعروضه به السياره ولكن انا بعتبره نوع من الترويج للسلعه بحكم السوق والناس مش هتتقبلها حاليا باكتر من كدا .. اعتذر بشده للإطاله ولكن لكم أحببت مشاركة اخوه محترمين مثلكم وخالص تحياتى لكم وعارف انى تقلت اوى اوى آسف .. والسلام عليكم ورحمة الله وبركاته

اولا : مرحبا بيك فى بيتك التانى مع اخوه ليك هنا هتساعدهم ويساعدوك وتبقى واحد من اسره مصرموتوز .

ثانيا : انا قريت كلامك كلمه كلمه اكتر من مره وبصراحه استخلصت منه اهم حاجه انك متابع بقالك فتره واللى بيعمل كده ويتابع ويدور ويشوف اراء الناس السلبيه منها والأيجابيه ده اللى بينجح فى كل حاجه فحياته
وحضرتك شوفت المواقف الأيجابيه والسلبيه وقررت الأعتماد والتوكل على الله وانك تشترى m11 وكلامك كله منطقى وعاجبنى جدا جدا جدا مش عشان انا من ملاك العربيه لكن عشان الكلام موزون وعاقل وبتفكير عالى جدا
وبجد شكرا ليك ونباركلك على القريب جدا جدا

ثالثا : انت متقلتش علينا ولا حاجه ده انت افدتنا كتير بكلامك فشكرا ليك ومره تانيه برحب بيك فى بيتك التانى

[BASSEM BESO]

المشاركة الأصلية كتبت بواسطة Islam_Shady يا خوانى اللى بيدافعو عن الصينى بلاش ندافع عن عربية اصحابها فى الصين اصلا ماحاولوش يدافعو عنها عمرنا ماسمعنا انهم سحبو سيارات علشان عيوب صناعة ولا اعترفو ان سياراتهم فيها عيوب لا بيبيعولنا الحاجات الخرده و ان كان عاجبك يعنى هما الصينيين موش عارفين اللى بيتقال على عربياتهم؟ عارفين ولا يفرق معاهم يعنى ايه مصنع محترم يطلع عربيات معيوبه علشان التوكيل موش عايز يدفع كتير ده اللى خلا الناس تثق الى الاوربى و اليابانى علشان عارفين انهم بيشترو من شركة بيهمها سمعتها قبل ما يهمها الفلوس و السمعه بعد كده بتجيب فلوس لكن الصينيين بيعملو ماركة و بعد اسمها ما ينضرب ينزلوها باسم ماركه تانيه جديده زى شيرى الاول و دلوقتى اسمها اسبيرانزا للاسف كتير من العربيات الصينى اللى ماشية فى شوارعنا لدوقتى شكلها خلاص بقى خرده ولا الفيات بتاع السبعينيات و ده باين على كتير من الاسبيرانزا اللى شغالة تاكسى فعلا باحس ان الصينيين دول موش عايزين يحترمو نفسهم ولا يحترمو الناس اللى بتقدرهم و تشترى بضاعتهم و بالنسبة للكورى اللى كان فى الاول الناس خايفه منه فعلا الناس خايفه منه لحد ما ثبت انه فيه اعتمادية و جوده على قد المدفوع فيه صحيح موش قد اليابانى ولا الاوربى بس على قد تمنه و اكتر لكن الصينىين لسه موش عايزين يحسسونا بكده

اسمحلى يااسلام كلامك غير صحيح بالمره لأن فى حقيقه غايبه عنك خالص :

- العربيه اللى بتنزل عندنا هنا مصر هى 516 وتقفيل محلى من ابوالفتوح وطبعا كلنا عارفين امكانياتها .

- العربيه اللى فى الصين يااستاذى هى شيرى A5 وهى هناك نازله بكماليات ووسائل امان ابوالفتوح مش منزلها اساسا زى :

- محرك 2000 سى سى
- جيربوكس اوتو
- ايرباج
- طاره مالتى
- سينسور بارك
- اهم حاجه تقفيلها صينى فى شركه شيرى

يعنى نادر جدا لما تركب عربيه زى دى وتلاقى عيوب


وقائمه كبيره غير اللى بتنزل عندنا هنا بتقفيل مصرى يكاد يصل الى 50% من التقفيل الصينى اللى هو الأساس بتاع العربيه يعنى فى النقطه دى الغلط من الوكيل بتاعها فمصر اللى هو ابوالفتوح مش من الصين

- حكايه ان العربيات اتعدمت وبقت خرده زى الفيات ده راجع يااستاذى الفاضل من الأستخدام النضيف واغلب المصريين عندنا الحمدلله النضافه دى عندهم اخر حاجه وخصوصا سواقين التاكسى لأن فيهم كتييييييييييييير جدا ركب الأسبرانزا بعد ال128 و ال132 والبيجو والشاهين فبالتالى مش واخدين على الراحه والكماليات والأستخدام الأمثل للعربيه .

عكس سواقين وهم قله للأسف معاهم اسبرانزا موديل 2008 وتلاقى العربيه مش عايز اقولك قريبه من حاله الزيرو اللى بتستلم بيها العربيه لكن للأسف قله لأن دول اللى بيستخدمو العقل مش القوه على العربيه .

ويارب اكون قدرت اوصلك وجه نظرى

[سيف الدين سعيد]

المشاركة الأصلية كتبت بواسطة Moh@meD تحيه طيبه لأسرة المنتدى اداره واعضاء .. بإذن الله بعد متابعه وقراءه طويله سجلت اليوم فى المنتدى بعد اكثر من 20 يوم تقريبا كزائر كنت أقرأ لأرى ما هى افضل سياره بسعر 70 الى 75 الف .. وبعد القراءه لساعات ولمواضيع قديمه لاخواننا من الاعضاء وقصصهم مع سيارتهم قررت بفضل الله شراء الصينى (m11) وبشكر الساده اصحاب السيارات الصينى اللى شاركوا برأيهم من واقع عملى وليس لمجرد سمع او فكرة ان العربيه صينى .. وعارف انى تقلت اوى اوى آسف .. والسلام عليكم ورحمة الله وبركاته

يا باشا انت لا طولت ولا حاجه وكلامك كله ممتاز موضوعى ومحايد وعن تجربه . انا بس بأختلف معاك فى حتة ان اللى بيتكلم عن غير تجربه فهو لمجرد سمع أو فكرة . لأن احنا عندنا عقده من الصينى أصلا ودا بيرجع برضو لينا احنا كمصريين . احنا طول عمرنا عندنا عقدة الفصال عشان نحس اننا شطار . وعشان كده كان المستوردين بيجيبوا من الصين ارخص بضائع عشان يحققوا منها اعلى ربح . وهو دا سبب العقده . واللى مش فاكر تاريخ الكورى .. احنا ممكن نفكره . أو يسأل حد كبير وهو يقول له .
منور المنتدى وان شاء الله عضو دائم معانا هنا بمشاركاتك .