ايه راى الناس فى 6 ابريل وفى البرادعى

[MmFFoR]

يا حبيب قلبي يا مادا الاسطوانة المشروخة دي موجوده في 100 فيديو على جروب انا اسف يا مخلوع و جروب وائل غنيم عميل بالدليل
لو انت شاهد عيان زي ما بتدعي انا باقولها بالفم المليان روح اثبت شهادتك في النيابة العامة يا اما انت خاين للوطن او عضو في حملة تشهير مدفوعة مش تقول شهادتك على موقع سيارات او حتى موقع سياسي

[فادى]

المشاركة الأصلية كتبت بواسطة attef1 و ربما تكون تعليمات جيوش الغرب الفاتحه ذات الدهاء هى سبب تسامح ليبيا السياسى الماكر... للتذكير : " نحن نتحدث عن ليبيا القبلية " الخارجية الامريكية لم تتحدث عن التسامح فى مصر ... وتحدثت مستخدمة كل العبارات المملوءة بالثقه عن التسامح فى ليبيا .. لذلك وعلى غير عادة مصر فى سياستها الخارجيه عبر العصور اعترفت مصر بالمجلس الليبى على الرغم من تاريخ مصر الطويل فى تدعيم الحركات الوطنيه الغير مرتبطة بجيوش اجنبيه ... مصر تفتح احضانها لليبيا ليجد الليبيون اذرعا عربيه بدلا من اذرع الغرب واتفقت مصر العربيه والمصالح الغربيه على الا تكون ليبيا عراقا جديدا

أعتقد ان الغرب الان و خاصة فرنسا و ايطاليا يتأهبون و يحبسون انفاسهم انتظارا لقبض الثمن, لقد ساعدوا الثوار و حان وقت تسديد الفاتورة من النفط الليبى.
لذا فان عودة الهدوء و الاستقرار الى ليبيا مهم بالنسبة اليهم, لذا انت على حق تماما.
انا هنا كنت أشير الى ذكاء الثوار الليبيون السياسى الذى لا يمتلكه الثوار فى مصر للأسف!

[مادا]

متشكر جدآ وفعلا بتوع 6 ابريل مطلعنى خائن ومطلعين اى حد عاوز يكشفهم انه خائن و انا ترددت كتير قبل ما اكتب الكلام ده بس قلت ده امانه ولازم اوصلها للشعب وانا وصلتها وخلاص والايام اتثبت مين اللى خائن ومين اللى مش خائن

[د.هبه77]

6 ابريل وحشين يعني ؟
طيب وحشين
ملهومش حاجه كويسة خالص؟
المؤمن كيس فطن انت مش مفروض تبقي مع ناس علطول ولا ضدهم علطول لان هم ناس يعني بشر
انت تاخد اللي صح وتوافق علية واللي غلط .....
هي الثورة قامت ازاي




عموما انا حاسة ان الثورة فقط نتيجتها الي الان هو خلع حسني مبارك وبس هو دة الحاجة الوحيدة اللي اتعملت لامتصاص بس غضب الشعب ونزع الرمز الاعظم للفساد (مجرد مخدر موضعي)لكن شجرة الفساد في كل شبر في مصر
محدش بيتخذ خطوات
طيب بلاش يتبنو تطويرات سياسية
جليهم بس يتبنو قضية واحدة التطوير العلمي بس
يتبنو قضية ناجحة تقوم بالبلد ما هو احنا عندنا عقليات رائعة في مصر اللي هم مبيبقوش رائعين الا لما يسافرو برة
لو تطورنا علميا هتلاقي البشر كلها عايزين يستفيديو مننا والفلوس اللي هتيجي دي يتبنو بيها كل فترة مشروع الاهم فالمهم
يعني لا نتسرع علي النتائج ولا نقلل منها برضة ونطالب بالتركيز شوية (بس مش تركيز بس يبقي في فعل !!)
اللهم ولي امورنا خيارنا ولا تولي امورنا شرارنا

[akefpop]

حد يقدر يقولى ايه هو الكيان القانونى لحركة 6 ابريل ؟؟؟ هل هى منظمة مجتمع مدنى ؟ ام مركز من مراكز حقوق الانسان ؟ ام جمعيه اهليه ؟ أم جمعيه حقوقيه ؟ ام ماذا ؟؟؟