اضحك مع مرور فيصل

[ahmed el gendy]

المشاركة الأصلية كتبت بواسطة hal71 أولاً: ربنا يعينك في موضوع المخالفات حار و نار في جتتهم - أنا برضه بأرخص عربيتي في مرور فيصل و أعتقد إنه يأخذ جايزة أسوأ مرور على مستوى الجمهورية و أنا السنة دي عشان أجدد رحت يومين أول يوم من 8.00 صباحاً حتى 2.00 ظهراً و ما كانوش لاقيين الملف الأرشيف ماسكاه عساكر عاملين زي الأطفال كده الواحد فيهم تقريباً واصل نصف طولي ما أعرفش بيتجندوا إزاي دول و بعد مالرخصة طلعت لقيتهم مش كاتبين الماركة كتبوا نصر بس طب فين يا عم الدوجان؟؟؟؟!!!! وكمان كتبوا إسمي ثنائي و زودوا الباقي بإيديهم قبل التغليف الصراحة منظر الرخصة بقى عامل زي الـ ( التيت ) بن ستين (تيت) و لو عيل في الشارع شافها هيقول إني (ضاربها) في بيتنا المهم فيه أمين قاعد في مكتب كده قلت له على المشكلة بص في الرخصة و قاللي مالها ما هي حلوة أهي؟؟ يا عم مافيش موديل قاللي مش مهم أهم حاجة كلمة نصر و على العموم تعالى بكره نصلحهالك. رحت تاني يوم الساعة 8.00 صباحاً و دفعت 10 جنيه رسوم إعادة الطباعة اللي هم السبب في غلطها و تمر الساعات كئيبة حتى آذان العصر كان ساعتها 3.15 تقريباً يعني 7.15 ساعة من عمري ضاعت هباءاً و خرجت من المرور على البيت طوالي و ثاني يوم راحة في البيت عشان أعالج آثار الإنسحاب من مرور فيصل و ربنا ما يحكم على حد إنه يتعامل في المرور ده:Wkiss5 :

انت كده قلقتني انا عندي ف الرخصه مكتوب برده هيونداي بس ومش مكتوب فيرنا والغريب ان عربيتي القديمه كده كمان تويوتا ومش مكتوب كورولا

هل كده فيه مشكله؟؟

[hal71]

المشاركة الأصلية كتبت بواسطة ahmed el gendy انت كده قلقتني انا عندي ف الرخصه مكتوب برده هيونداي بس ومش مكتوب فيرنا والغريب ان عربيتي القديمه كده كمان تويوتا ومش مكتوب كورولا هل كده فيه مشكله؟؟

تحياتي إليك أولاً - الفكرة كلها أنا ليه آخذ بيانات الرخصة ناقصة ؟؟؟!!! ده إهمال أو تكاسل من الموظف ملوش أي مبرر و لو فرضنا إن حد وقفك في لجنة شكل الرخصة غريب و لما آجي أفحص ممكن المهندس يقوللي إشعرفني إن دي دوجان أو شاهين تلاكيك مثلاً و يقرفك بأي مشوار جوه المرور و إنت عارف جوه المرور فيه إيه فنصيحتي ( تفللي ) الرخصة قبل ما تخرج من المرور و تتأكد إن بياناتها كاملة و الطباعة واضحة أنا دايماً بأحب أمشي صح و بالتوفيق في التظلم إنشاء الله

[ahmed el gendy]

المشاركة الأصلية كتبت بواسطة hal71 تحياتي إليك أولاً - الفكرة كلها أنا ليه آخذ بيانات الرخصة ناقصة ؟؟؟!!! ده إهمال أو تكاسل من الموظف ملوش أي مبرر و لو فرضنا إن حد وقفك في لجنة شكل الرخصة غريب و لما آجي أفحص ممكن المهندس يقوللي إشعرفني إن دي دوجان أو شاهين تلاكيك مثلاً و يقرفك بأي مشوار جوه المرور و إنت عارف جوه المرور فيه إيه فنصيحتي ( تفللي ) الرخصة قبل ما تخرج من المرور و تتأكد إن بياناتها كاملة و الطباعة واضحة أنا دايماً بأحب أمشي صح و بالتوفيق في التظلم إنشاء الله

كلامك صح بس انا رخصتي الجديده مفيهاش غير كلمه هيونداي والقديمه كانت تويوتا بس وكان معايا اخويا رخصتهمفيهاش كلمه اوبترا خاااااالص فانا قلت لا الموضوع كده عادي ف المرور ابن الدزمه بتاعنا

[hal71]

المشاركة الأصلية كتبت بواسطة ahmed el gendy كلامك صح بس انا رخصتي الجديده مفيهاش غير كلمه هيونداي والقديمه كانت تويوتا بس وكان معايا اخويا رخصتهمفيهاش كلمه اوبترا خاااااالص فانا قلت لا الموضوع كده عادي ف المرور ابن الدزمه بتاعنا

لأ مش عادي ده إستسهال و كسل والدليل إني بقالي 16 سنة بأرخص العربية دي و بيطلع إسم الشركة و الموديل ( نصر دوجان) كنت قبل كده بأرخص في مرور العتبة لحد 2007 على فكرة مرور محترم جداً جداً فعلاً وسط البلد حلوة في كل حاجة و برضه في مرور فيصل كنت بآخد الرخصة مكتوب فيها الشركة و الموديل دي أول مرة تحصللي المشكلة دي السنة

[nawwara]

المشاركة الأصلية كتبت بواسطة hal71 أولاً: ربنا يعينك في موضوع المخالفات حار و نار في جتتهم - أنا برضه بأرخص عربيتي في مرور فيصل و أعتقد إنه يأخذ جايزة أسوأ مرور على مستوى الجمهورية و أنا السنة دي عشان أجدد رحت يومين أول يوم من 8.00 صباحاً حتى 2.00 ظهراً و ما كانوش لاقيين الملف الأرشيف ماسكاه عساكر عاملين زي الأطفال كده الواحد فيهم تقريباً واصل نصف طولي ما أعرفش بيتجندوا إزاي دول و بعد مالرخصة طلعت لقيتهم مش كاتبين الماركة كتبوا نصر بس طب فين يا عم الدوجان؟؟؟؟!!!! وكمان كتبوا إسمي ثنائي و زودوا الباقي بإيديهم قبل التغليف الصراحة منظر الرخصة بقى عامل زي الـ ( التيت ) بن ستين (تيت) و لو عيل في الشارع شافها هيقول إني (ضاربها) في بيتنا المهم فيه أمين قاعد في مكتب كده قلت له على المشكلة بص في الرخصة و قاللي مالها ما هي حلوة أهي؟؟ يا عم مافيش موديل قاللي مش مهم أهم حاجة كلمة نصر و على العموم تعالى بكره نصلحهالك. رحت تاني يوم الساعة 8.00 صباحاً و دفعت 10 جنيه رسوم إعادة الطباعة اللي هم السبب في غلطها و تمر الساعات كئيبة حتى آذان العصر كان ساعتها 3.15 تقريباً يعني 7.15 ساعة من عمري ضاعت هباءاً و خرجت من المرور على البيت طوالي و ثاني يوم راحة في البيت عشان أعالج آثار الإنسحاب من مرور فيصل و ربنا ما يحكم على حد إنه يتعامل في المرور ده:Wkiss5 :

على كده مرور السلام اللى اسمع انه سمعته وحشة ماطلعش اسوأ مرور
انا لو حصل لى حاجة من اللى فى مرور فيصل ده انا يجرالى حاجة
ربنا يعافينا
كان الله فى عونكم
بس اكيد ان بيانات الرخصة تكون ناقصة دى حاجة مش حلوة ابدا
ماحدش يضمن الظروف