جمعة الغضب - تغطية لاحداث الثورة من 24 يناير 2011

[sad-bird]

المشاركة الأصلية كتبت بواسطة omarken انا كنت موجود من نصف ساعه فى مظاهرة وكاله البلح

عملوها الوحوش
يا ريتني كنت معاهم

حمد الله على السلامة يا عمر باشا
المهم انك روحت ورجعت بالسلامة
ونقلتنا الصورة الموجودة من ارض المعركة علشان ميبقاش مجرد اخبار من النت وبس

G IFT4U

[omarken]

أرجو من الاخوة سرعه التواصل لأيجاد مواقع المنظمات الحقوقيه
وإرسال دعوات استغاثة اليهم
الوضع ليس سهلا

[MIDO-SPICY]

المشاركة الأصلية كتبت بواسطة omarken انا كنت موجود من نصف ساعه فى مظاهرة وكاله البلح وبالفعل رأيت ضحايا يشتبه فى انهم قتلى وهم من الشباب ورفعت بيدي رجل (عجوز) كان فى حالة اختناق شديده والحمد لله اصبحت حالته مستقره منذ قليل ولقد تعرضنا لأساليب تفريق بالقوة ( المفرطه) والله العظيم الأمن واخد تعليمات بأن ارواح المصريين ليس لها اى ثمن وهذا ما رأيته بعيني والله على ما أقول شهيد انا شخصيا تعرضت لأربع نوبات اختناق وكنت مازلت صامدا ولكنى فى الاخيره تم اجلائي من قبل اصدقائي خوفا على حالتى الصحيه

حمد لله على السلامه يا عمر
ياريت تحكيلنا على اللى انت شفته بالظبط من اول ما وصلت لغايه ما مشيت
هتافات الناس / ردود فعل الشرطه / اساليب الشرطه فى ردود افعالهم / ردود افعال المتظاهرين على اللى بيعمله الشرطه / عدد المتظاهرين فى حدود اد ايه / انت حاسس من اللى انت شفته ان فيه تقدم ولا تقهقر وشويه والمولد ينفض ؟
ياريت تجاوبنا على الاسله دى وحمد لله على السلامه مره تانيه

[sad-bird]

المشاركة الأصلية كتبت بواسطة omarken انا خرجت من الفجر امبارح ولسه راجع حالا وللأسف مكانش فى فرصه غير وقت قليل جدا دخلت مطعم وفتحت النت ودخلت على مصر موتورز وكمان لاقيت الفيسبوك مقفول ونسيت اسأل على رقم تليفون حد من الاعضاء علشان اتابع معاه

كنت ادخل على اي مقابلة هتلاقي ارقام كل الناس
ياراااااااااااااجل كده تضيع الفرصة
كنت هتبقى المراسل الحصري لمصر موتورز من قلب الاحداث
يلا بقى تتعوض يوم الجمعة
او بكرة لو فيه بكرة

[احمد بدر1978]

قال صفوت الشريف، رئيس مجلس الشورى، إن "مطالب الناس فوق رؤوسنا، وهناك تكليفات واضحة للحكومة بحل عدد من القضايا المهمة التى تحقق الراحة الاجتماعية والمعيشية"، موضحاً أنه لابد أن تلتزم الحكومة بتوجيهات رئاسية ولن نضغط على زر للتغيير، مؤكداً أنه يوجد مندسون ومغرضون بين المتظاهرين لإثارة الفتنة، لأن هناك العديد من الجهات تريد القفز على الأحداث لتحقيق أغراضها .

وأشار الشريف إلى أنه لابد من احترام حق المواطن المصرى فى التغيير، لأنه من الأمور التى نادى بها الحزب وأكدها الرئيس، مضيفاً أن الفاشلين فى السياسة تستروا خلف هؤلاء الشباب واستغلوا الموقف لإثارة الفتنة، مناشدهم "ارفعوا أيديكم عن الشباب لأن البلد فيها دستور وقانون".
وأضاف الشريف أن هناك تكليفات لرجال الحزب الوطنى بعدم الانفعال أو الخروج إلى الشارع، موضحا أن ما يحدث فى الشارع حاليا يأتى بناء على دعاة الفوضى وعدم الشرعية، أما عن مطالب الناس فهى فوق رؤوسنا ووجودنا كحزب أغلبية جعلنا نعمل ليل نهار لتحقيق ذلك.
منقول اليوم السابع