#1
|
|||
|
|||
إستفسار عاجل بخصوص الدايو الجولييت
كان عندي إستفسار لحضراتكم على اللانوس
بس الجولييت انا قدامي عربية حلوة اوي وان شاء الله نازل بكرة اتفرج عليها واشوف الدنيا فيها أيه العربية موديل 99 ومرفوعة 5 سنين وعاملة 90000 كيلو العربية كاملة مانيوال فيها كل الكماليات وكمان معدل فيها حاجات كتير أوي من الصالون للتابلوه للفرش وفيها جنط سبور وعدة صوت وشكمان ديفل وكمان إكصدامات معدلة العربية بصفة عاملة كويسة أنا سؤالي عن الدايو الجولييت دي هل هي فيها مشاكل زي اللانوس أصل بصراحة أنا كل اما ادخل منتديات اللانوس الاقيه كله مشاكل وانا بصراحة كان معايا فيرنا وبيعتها عشان كان فيها خبطات بس بصراحة الفيرنا كعربية كانت عربية مفيش فيها عيب واحد يذكر ياترى اللانوس الجولييت كده برضو ولا فيها مشاكل في الفرامل والبنزين والصوت والقرف ده كله ولا أيه بالظبط ودي الصور بتاعة العربية اللي انا هروح اشتريها بس يارب تطلع كويسة صاحبها بيتكلم في الحالة دي ب 48000 وفي التليفون قولتله اخرها كام قال 46000 بس في ناس بتقوللي انزل تاني في السعر صاحب العربية بقى بيقوللي انه صارف على التعديلات بتاعتها حوالي 12000 جنيه ياترى أيه رأي حضراتكم |
#2
|
||||
|
||||
رد: إستفسار عاجل بخصوص الدايو الجولييت
العربيه دى كورى ولو حالتها (الموتور والعفشه)كويسه هاتعجبك قوى كانت معايا موديل 2000 وكانت تحفه بس حاول تنزل فى السعر كمان وانا رايى لو 42000 كويسه
بالتوفيق
__________________
|
#3
|
||||
|
||||
رد: إستفسار عاجل بخصوص الدايو الجولييت
بص انت هتشتريها علشان هى عربيه مميزة فصعب توصل للسعر العادى المهم حاجتين
اولاً انت عايز عربيه تريحك باين من كلامك فخد بالك العربيات اللى تحت ايد شباب ومتعدلة احتمال تكون متبهدلة فلازم تكشف عليها كويس ميكانيكا وسمكرة تانى حاجة تفكر انك لما هتيجى تبيعها هتقابل نفس المشكلة برضو العربيه الناس هتخاف تكون متبهدلة من الجرى والشد والكلام ده بالاضافة للالوان والبهرجة الجامدة ديه فيه ناس مبتحبهاش فهتبقى برضو عربيه مميزة للى يقدرها |
#4
|
|||
|
|||
رد: إستفسار عاجل بخصوص الدايو الجولييت
انا بشكركوا جداً على الكلام الجامد ده
وانا إن شاء الله هروح النهاردة واتفرج عليها وهتلكك لها ولو لقيت أي حاجة صغيرة هاخد بعضي وامشي ولو حتى لقيتها مفيهاش غلطة وهو محافظ عليها ومفيهاش مشاكل هنزل من السعر تاني وتالت واشوف نهايتها أيه بس ربنا يكرم وتبقى كويسة كده يارب |
|
|