حصرى لمصر موتورز ( ليفان الــ 7 راكب ) LIFAN FOISON بالصور الكتيييير

[alaatitoo]

بسم الله الرحمن الرحيم

اهلا باعضاء منتدي مصر موتورز الكرام والمشرفين على المنتدى
ده يعتبر اول موضوع ليا يختص بعرض عربية

ليفان 7 راكب
LIFAN FOISON
وانا حبيت العربية ده لانى لاحظت انها بدات تنتشر فى الشوارع وشكلها كويس وانسيابى بالنسبة لعربيات فان او عربيات 7 راكب كتير وكمان بتتميز بانها بها جميع الكماليات ماعدا الفتيس مانوال
وبصراحة بفكر بنسبة 90 % اشتريها خصوصا لما قارنت بينها وبين شيفروليه الجوكر N300 لقيت ان شيفروليه جايبة العربية صينى اصلا وواخدة العلامة وفيه مواضيع واعضاء هنا كتير اتكلموا فى النقطة ده نيجى للصور الخاصة بالعربية وبعد كده نقول المواصفات والمميزات والعيوب ..




















































































نيجى بقى للمواصفات

العربية كاملة فول اوبشنن + انها مانيوال فقط
2 زجاج كهرباء بالامام .

السيارة تتسع لــ 8 أفراد بالسائق
وممكن زيادتها لــ 11 راكب .

موتور 1300 cc بخمس سرعات .

كبينة السائق مكيفة + الكبينة الخلفية بتوزيع كويس .

2 باب جرار من الجانبين .

اقتصادية فى البنزين 7.5 لتر لكل 100 كيلو متر
خزان البنزين 40 لتر ويفضل استخدام بنزين 92 .

ابعاد السيارة كالتالى


الطول الكلي (مم)
4015
يعنى 4 متر و 15 سم .

العرض الكلي (مم)
1595
يعنى1.5 متر و 95 سم .

الارتفاع
19 سم عن الارض

مميزاتها

انها اوسع عربية فى فئتها
وواسعة من جوا
شكلها حلو جدا وانسيابى
بها جميع الكماليات
تعتبر عائلية
ممكن تزود كنبة تالتة وتخليها 11 راكب او ممكن تخلي المساحة الفاضية اللى ورا كشنطة عربية او تقدر تحولها غاز

عيوبها
صناعة صينية
قطع الغيار غير متوفرة بالخارج لكن متوفرة بالتوكيل فقط


السيارة اخر سعر ليها رسمي 78000 جنيه مصري
توكيل السعودي جروب

ارجو يكون موضوعى افاد كل الناس اللى محتاجة معلومات عن العربية واللى عنده معلومات تانية ياريت يشاركنا بيها

[ahmed.mt911]

تقرير ممتاز والله تسلم ايدك --- وكويس انك عرفت الناس انها نفس n300 بتاعت شيفروليه ---- علشان لما كنا بنقول للناس كده محدش كان بيصدق --- واحب اضيف كمان ان كل موديلات شيفروليه الجديدة اللانوس والاوبترا صيني 100/100 بس طبعا علشان منصور شيفروليه هتبقي اغلي من الصيني العادي ب30.000 جنيه --- وده العادي في زمن الحرامية الكبار ---منصور وللي زيه

[momen_bondok]

تقرير رائع سلمت يمينك

[alaatitoo]

المشاركة الأصلية كتبت بواسطة ahmed.mt911 تقرير ممتاز والله تسلم ايدك --- وكويس انك عرفت الناس انها نفس n300 بتاعت شيفروليه ---- علشان لما كنا بنقول للناس كده محدش كان بيصدق --- واحب اضيف كمان ان كل موديلات شيفروليه الجديدة اللانوس والاوبترا صيني 100/100 بس طبعا علشان منصور شيفروليه هتبقي اغلي من الصيني العادي ب30.000 جنيه --- وده العادي في زمن الحرامية الكبار ---منصور وللي زيه

نقول ايه بقى عالتفكير المصري انا شفت الشيفروليه ومسكتها خفيفة
وبرده قولت لنفسي ان الليفان خفيفة بس على الااقل اروح واشوفها بنفسي العربية تقيلة فى وزنها يعنى هتبقى راسية عالطريق بصراحة القاعدة مريحة وواسعه فعلا جدا وشكلها جميل صاجها بالنسبة لعربيات صينى كتير احسن يمكن احسن من الفرنا واللانوس ولل حظ الوحش كل موديلات 2013 خلصت والدفعة بتاعة 2014 هتزثيد كمان الف او الفين وسعرها الحقيقى كان 80000 وعاملين عرض خصم 3000 الجديدة هتزل على 81000 او 82000 وان شاء الله مدير المبيعات بنفسه قالى هنعمل اكيد عروض خصم ونتمنى كده ياااارب

[alaatitoo]

المشاركة الأصلية كتبت بواسطة momen_bondok تقرير رائع سلمت يمينك

جزاك الله كل خير