نيو أكسنت ولا نيسان صني والفرق يستاهل؟

[mse]

الأخوة الأعزاء برجاء الإفادة أن ناوي بمشيئة الله أجيب حاجة زيرو خلال شهر أو أكثر وكنت ناوي على نيو اكسنت بس دخلت في حيرة بعد ماباسمع عن النيسان صنى وخصوصا إن الفرق مش كتير أوي في السعر خصوصا إني حأقسط فهل النيسان أعلى بكتير من الأكسنت أكتر من فرق السعر ولا الأكسنت تعتبر الأفضل بالنسبة للفئة السعرية دي وكمان سمعت أن الصني فيها عيوب التقفيل المصري والتصميم بتاعها قديم من 2005 مع العلم إني استعمالي عائلي وداخل القاهرة والسفر قليل جدا ومش غاوي جري وسرعات عالية

ولكم خالص الشكر مقدما....

[hazem_khidr]

هو تصميم الصاني مش من 2005
ولكن من سنه 2000
بصراحه الصني كويسه لكن عيبها هو انها تقنيه و شكل قديم جدا
تقران باللانسر كريستاله مثلا
لذلك انص2حك بالنيو اكسنت
او شوف الرينو اللي نازله جديد عباره عن المعدل من الصني

[mse]

أخي العزيز حازم يعني رأيك إن الأكسنت أفضل واوفر فرق السعر وان هي الأفضل في الفئة السعرية دي وحاجة تانية الرينو تقصد يعني اللوجان هي عربية حلوة بس أنا قلقان من الماركة دي تحديدا لأن تاريخها في مصر أثبت فشل كل الموديلات اللي نزلت منها وسعر إعادة البيع وقطع الغيار وكل الحاجات دي مش مطمئنة أبدا في الرينو

[بدر بسيونى]

طب ما الاوبترا عليها عرض المانيول ب 85 الف وفى رائ افضل من الاثنين بس لو حتختار بين الاكسنت والصنى الاكسنت طبعا على الاقل ليها مستقبل لسه وحتفضل تنزل خلال السنوات اللى جايه

[mse]

جزاك الله خيرا ده برضه قناعتي بس برضه في ناس تقولك إن التوك توك الياباني أحسن من أتخن عربية كوري هل الكلام ده صح ولا لأ