باركولى استلمت اسبيرانزا m12 وتقرير الاستلام

[midoelmodamer]

المشاركة الأصلية كتبت بواسطة Torn@doo الف مبروووووووك انا اتفرجت ع العربية ف التوكيل عربية كويسة بالنسبة لسعرها وهى زى m 11 بس هاتشباك بس لاحظت انها ضيقة من ورا بالرغم ان الكرسى قدام كان عاادى فهل لاحظتها حضرت ولا لا ؟؟ تحياااااتى

هو فعلاً انا لاحظت نفس الفرق اللى انت لاحظته بالظبط لما كنت بقارن بين العربيتين بس اللى خلانى اختار m12 شكل العربيه من ورا انا بصراحه مش عاجبنى شكل m11 من ورا خااااالص وكمان العربيه m12 فيها 2 شكمان مديينها شكل شبابى تحفه والاريال بتاعها فى الازاز نفسه مش بارز زى m11 فشوف انت الانسب ليك واتوكل على الله هى عربيه فعلاً رووعه وسواء m11 او m12 فهى لحد تجربتى لحد الوقتى عربيه ممتازه وصلى صلاه استخاره وربنا يوفقك للى فيه الخير ليك ان شاء الله

[YahiaAshraf]

الف مليون مبروك

و ربنا يديك خيرها و يكفيك شرها

تحياتى

AHLNW SHALN

[romioromio]

مبروك
الله يديك خيرها ويكفيك شرها

[osa92003]

المشاركة الأصلية كتبت بواسطة midoelmodamer النهارده يا جماعه كان معادى انى استلم عربيه m12 وطبعاُ ده بعد اقتناعى بيها لما شفت اراء الاعضاء عنها وانها قيمه مقابل سعر و ان عيوبها بتبقى بس عيوب تقفيل وده بيكون عند بعض الناس وناس لا ورحت المعرض علشان استلم وصاحب المعرض فتح كل حاجه فيها وفرجنى على كل حاجه شغاله تمام جيت اسمى وادخل واجرب بسم الله الرحمن الرحيم جيت وانا بفتح وبنزل الازاز لقيته بييجى عند نقطه معينه ويتحرك حركه بسيطه ويكمل طلوعه او نزوله بس جيت اتاكد من الموضوع لقيت الازاز راكب مكانه عادى مش بيتهز قدام او ورا وثابت مكانه وبصيت كان فى عربيه تانيه واقفه كان فيها نفس المشكله قلت مش مشكله يبقى عيب تقفيل واهى حاجه بسيطه و موجوده فى كل العربيات لان التانيه نفس الموضوع بيحصل المهم خلصت مع المعرض واستلمت العربيه ومنتظر الترخيص بس فى مشكله قابلتنى فى العربيه انى لما افتح الكبوت واجى تانى علشان اقفله ميرضاش يتقفل مهما ضغطت عليه لازم ارفعه فوق لاخره وبعدين اسيبه علشان يقفل !! فهل ده طبيعى فى الاسبيرانزا وبالنسبه لموضوع الازاز عند الفتح والقفل هل ده طبيعى برده ولا ايه ؟؟ ومشكورييين مقدماً على الردود

اولا الف مبروك على العربيه ثانيا الكبوت مافيش اى حاجه فيه هو كده زى الفل وده موجود فى الكتالوج للعربيه والكلام ده من الكتالوج:
عند اغلاق غطاء المحرك رجاء انزله حتى 20-30 سم من قفله اولا ثم اتركه ليغلق

الف الف مبروك
ربنا يباركلك فيها ويديك خيرها
ويبعد عنك شرها وشر قرها