|
#36
13-06-2010, 07:54 AM
|
|||
|
|||
رد: الكروز احسن من السيراتو بالدليل
اولا السيراتو انا ملقتلهاش اختبار تصادم عالنت لو انت تعرف تجيبه نضيفه للموضوع عادى
وبرضه انت لو لاقيت كتالوج او بروشور للسيراتو معنديش مانع نضيفو للموضوع ثانيا ياريت تحسن من اسلوبك شوية 
|
|
#37
13-06-2010, 08:25 AM
|
||||
|
||||
رد: الكروز احسن من السيراتو بالدليل
يعنى ايه احسن من اسلوبى شويه هو انا غلطت فيك ولا حاجه انا بقول رايى فى اللى انت كاتبه
__________________
ياودود ياودود...ياذا العرش المجيد...يافعالا لما تريد...أسألك بعزك الذى لايرام...وملكك الذى لا يضام...ونورك الذى يملأ أركان عرشك...أن تنصرنى نصرا يليق بجلال وجهك وعظيم سلطانك...وتسخر لى جندا من جندك يثبتونى على الإيمان ويدفعوا عنى الأذى والسوء...وإكفنى أعدائى بماشئت وكيف شئت إنك على ماتشاء قدير...اللهم تولى أمرى وانصرنى أنت نعم المولى ونعم النصير...ودبر لى أمرى فإنى لا أحسن التدبير   
|
|
#38
17-06-2010, 08:49 AM
|
|||
|
|||
رد: الكروز احسن من السيراتو بالدليل
اصل انت قولت ان انا محططتش كتالوج السيراتو واختبارات التصادم علشان انا متحيز!!!!!!!! هو انت متعرفش ان السيراتو مدخلتش لاختبارات السلامة الامريكية؟؟!!!! و بعدين انت ليه مجبتش كتالوج السراتو وحطيته فالموضوع(ده لو موجود عالنت اصلا) ياريت تبقى تفكر فالكلام قبل ماتقوله
|
|
#39
17-06-2010, 09:10 AM
|
||||
|
||||
رد: الكروز احسن من السيراتو بالدليل
__________________
ياودود ياودود...ياذا العرش المجيد...يافعالا لما تريد...أسألك بعزك الذى لايرام...وملكك الذى لا يضام...ونورك الذى يملأ أركان عرشك...أن تنصرنى نصرا يليق بجلال وجهك وعظيم سلطانك...وتسخر لى جندا من جندك يثبتونى على الإيمان ويدفعوا عنى الأذى والسوء...وإكفنى أعدائى بماشئت وكيف شئت إنك على ماتشاء قدير...اللهم تولى أمرى وانصرنى أنت نعم المولى ونعم النصير...ودبر لى أمرى فإنى لا أحسن التدبير
|
|
#40
21-06-2010, 08:20 AM
|
|||
|
|||
|
رد: الكروز احسن من السيراتو بالدليل
سلام عليكم ورحمة الله وبركاتة ... شباب ازيكم استوووووووووب لحد كده بقي وحبة حبة ... لأني بقالي سنة بعمل مقارنات وبدور وبنزل مانول واتفحت قبل ما اشتري انا من اصحاب السيراتو (توب لاين مواصفات خليجي - الامارات) ثانيا الكاتالوج عندي يا شباب لو عايزنة نرفعهلكم عنينا ... وفديوهات كتير و صور وكل اللوازم عايز بس ارد علي كذا نقطة وبأسلوب متحضر في الكلام اهه ههههه أولا السيارة دخلت اختبارات السلامة يا شباب وده موجود عندنا في معارض جمعه الماجد المسؤل عن كيا في الامارات .. الوكيل .. واثبتت جدارتها والله وتحيا مصر يعني ثانيا ... تابلوه ايه يا رجالة اللي بتتكلموا فيه ... الكروز معاكم انها شكلها لذيذ تابلوة ... انما السيراتو انت قاعد في طيارة يا باشا .. ومعلش الناس اللي عندها التابلوه العادي .. اتفروجوا بقي علي تابلوه الجي بي اس والدي في دي ... واللي نازل من كيا برده يعني مش اضافه جديدة ... ثالثا ... التسارع والموتور اقسملك بالله العظيم قبل اي شئ انا من ساعة ما ركبتها ومش بقالي كتير اوي هيه لسه جديدة معايا بفضل الله فشخخخخخت وفرتكت ((( تويوتا كرولا 1.8 لتر يعني الف وثمانمائة سي سي ... و هوندا سيفك برده 1.8 ليتر نفس القصة ... دول الأشهر) وكان الفارق مش هين يا معلم ... ومرتين من الثبات مرة ومرة متأخر ثانيتين عن طلعتهم ... واحنا هنا اصلا بنحب نريس في الطرق اما عن الباقي هنا ... مازدا 3 .. سويفت ... كروز ... النترا ... يارس ... وغيرهم ... والله يا شباب بالنسبالي مواتير متسكلات مش اكتر ... وبتوع السيراتو هنا بيخلوهم بالعافيه يشوفوا دخانهم ... وليا صديقتي معايا في نفس الشركة معاها بيجو 206 وعايز تهلفط في الكلام حذرتها الاول مرضيتش .. بعد كده شافت احلي شغل برده علي جسر القرهود عندنا اما بقي اعترف بحاجة ... (( اللي مقدرش اجري معاهم حاجات معينة اشهرهم هنا ... الكاميري 2.5 لتر ... والالتيما نيسان 2.4 .. وطبعا لأن الكاميري تاكسي ... يعني لو جريت معاه هيظبطك ... والالتيما انا جريت مع واحدة مواطنة اماراتية .. .وفرقت عني في الجير الثالث 3 ثواني او 4 بعد كده هدت طبعا لأننا دخلنا في اشارة ... بس ملحوظة ... كنت في التليين اقل من 1000 كيلو متر ... وكمان مكنتش بنقل مانيوال كنت سايبها اوتو اما عن شباب لبنان وسوريا ومصر بيحبوا الموديلات القديمة من بي ام دبليوا 330 او 225 او 320 وغيرهم بس سنة 2002 او 2003 .. وبكفاءة علي فكرة سحب السيراتو سادد وعامل احلي شغل .... انا والله مش متحيز ... وكنت خلاص علي وشك اني جيب لانسر شارك جي تي ... وتمنها هنا 77 وفي اخر لحظة صليت استخارة وكنت شوفت السيراتو في مصر وانا في الاجازة ومكانتش عجباني ... بس قدراً عديت من قدام الوكيل ... ودخلت شوفتها وقعد فيها ... وعلي فكرة انا جبت ال 1.6 هاي لاين .. يعني كمان مش ال 2.0 لتر علشان لو عايز انزلها مصر ان شاء الله ... انا متخيل بقي اصحابي هنا بيعملوا ايه بالافين سي سي علي الطريق حاجة اخيرة عن موضوع الثبات .... والله والله والله ... انا كنت هخيش من يومين لولا ستر ربنا وان الحمد لله السيراتو ثابتة جدا جدا علي الارض ... ويا باشا انا كنت ماشي 130 والتحذير بتاع ال 120 عمال ينور في التابلوه جيت اخد غرزة من يمين كرولا ... لاقيت صديق عزيز ماشي بيتمختر في الحارة اللي بعدها علي الشمال وهينقل في الحارة بتاعتي شكلة هندي ما اعرف ولا فلبيني ... والله والله والله كنت قريب جدا وكنت عديت نص الكرولا من علي الشمال يعني تقريبا شبة موجود في الحارة اللي هغرز فيها ... لميت ورجعت علي يمين الكرولا مع كبسة فرامل واحدة ومأثرتش علي سرعتي الا 10 كيلو يعني بقيت ما بين ال 120 وال 110 ... وبجد انا اول مرة قلبي يقع وانا بعمل غرزة لأني كنت اول مرة اختبرها في حاجة زي كده عاش يا سيراتو ادعوا لسيارتي بقي ... لأنها في الصيانة نتيجة لحادث قضاء وقدر ... بعد نجاتها من الاول لما خرشمت يارس من ضهرها والحمد لله سيارتي محصلش فيها غير خربوش والله دخلت في رصيف بدول اي سبب وعلي سرعة 40 وانا بلف ملف ... لأن اللاب توب وقع من علي الكرسي اللي جمبي اتلفت اعدلة لاقيت نفسي في الرصيف .... الصاج الحمد لله مفيهوش خدش .. . الجنط هو اللي خد الصدمة كلها ... والله يا شباب السيارة اتشالت واتحطت هنا ... بس النتيجة لأن الأطار كان في حالة ميل الصدمة اثرت علي الباور .. وحصل فيه مشكلة مع ظبط الزوايا ... وهيه في الصيانة دلوقتي ... ربنا يخرجها بالسلامة ان شاء الله وعايز اقولكم مشيت بعدها 30 كيلوا او 45 كمان ما بين فروع الصيانة ومراكز الشرطة لحد ما اخد التقرير بتاع التأمين مش علشان معايا سيراتو والله .. لأ لألأ ... انا عمري ما كنت بحب الكيا ... بس هنا عندنا الكرولا والسيفك زي اللبان وطبعا المازدا والنيسان ... وبسعر الترااااااااب الكرولا ارخص من السيراتو بتعتي بس بجد انا حسيتها ما شاء الله قوية جذابة تشبة كتير من اللكزس اي اس 300 .... يا ناس يللي بتقولو شبة الالينترا ديه بعيدة عنها تماماً .. بصوا للكزس اللي بقولكم عليها واللي كان حلمي اشتريها بس للأسف ب 145 درهم يعني دبح وشوفوا السيفك والاكورد ... في الهوندا ... هتلاقوها فيها من التلاتة دول جدا ... وكل ناس الامارات بيقولوا كده خالص تحياتي
|
 |
|
|
