رد: رينو سيمبول ..ولا .. كيا ريو !!؟؟
اللي انا اعرفه ان احد اهم الاسباب ان الرينو ملهاش سوق اوي في مصر انه حتى الان من الصعب صيانتها بره التوكيل (الميكانيكية اللي بيفهموا فيها مش كتير و بيعكوا و خلاص) و مع ان فعلا ناس كتير تقدر على اسعار الرينو دلوقتي , مش كلهم يقدروا على تكاليف الصيانة في التوكيل , ده غير ان انت لو حصل معاك عطل مفاجئ مش دايما عندك الوقت ان انت تروح تصلح في التوكيل.
بصراحة انا مش متأكد بنسبة 100% من صحة المعلومة دي في وقتنا الحالي (ممكن يكون الحال اتغير دلوقتي) بس هي دي الفكرة اللي ماشية بقالها سنين على الرينو.
و كمان بسبب عدم انتشارها سعر اعادة بيعها في السوق مش كويس.
لكن مما لا شك فيه ان العربيات الرينو عربيات ممتازة , و بتبقى مطمئن و انت بتشتريها سواء من جهة الاداء او من جهة جودة الصناعة , و انا شخصيا بحب الماركة دي جدا , بس هي دايما كده بتبقى حاجه على حساب حاجة
|