استهلاك البنزين في BYD F3

[أشرف المصري]

المشاركة الأصلية كتبت بواسطة svneleven متفق مع حضرتك تماما و كملن ممكن البنزين يختلف من بنزينة لأخري بسبب الغش.

وبيختلف كمان في البنزينة الواحدة
لان بيكون هناك اكثر من تنك وممكن تنك يكون انظف من الباقي

[yasser_z9]

عامله معايه 8.4 فى اللتر
العدد 3800 ك

[تامين سيارات]

ركب غاز يا استاذ ماتخفش مالهوش اضرار و ريح دماغك

[أشرف المصري]

انا متابع استهلاك العربية منذ شرائها وحتى الآن العربية على الطرق السريعة استهلاكها في المتوسط12 الى 13 كيلو للتر
وداخل المدينة 7 الى 8 كيلو للتر

[ارشميدس]

المشاركة الأصلية كتبت بواسطة أشرف المصري انا متابع استهلاك العربية منذ شرائها وحتى الآن العربية على الطرق السريعة استهلاكها في المتوسط12 الى 13 كيلو للتر وداخل المدينة 7 الى 8 كيلو للتر

الساده زملاء الموقع تكملة للقصة السابقة و الذهاب الى توكيل القطاميه وجدت بعد كتابتى السابقه بيوم مكالمة تليفونيه من المهندس المحترم صبحى و طلب منى مقابلته فى القطاميه و ذهبت كما طلب منى فى الموعد و تعرفت عليه و وجدته رجل عاقل و ليس بصغير السن و خطواته و كلاماته قليله و لكن كفاءتها 100% و بمعنى اصح كل شئ محسوب سواء فى الورشه او عمله بدقه و كفاءة وقالى كلمتين وهم عند حضورك فى صيانة ال5000 كم اتصل بى قبلها و ستجد كل شئ كما ينبغى و يوم الاثنين الماضى اتصلت به تليفونيا و حدد معى يوم الثلاثاء للحضور و فعلا ذهبت الى المركز بالقطاميه فى الميعاد و سلمت العربيه و دونت ملاحظاتى فى الامر الخاص بالشغل و استلمت العربيه بعدها بحوالى ساعتين و نصف و لم اقابل اى صنايعى و لم يتحدث معى احد كما حدث فى صيانة ال1000 كم الحقيقه شعرت انه هناك فرق و لكنها خشنه شويه فذهبت ثانى يوم و غسلت الشاسيه فشعرت ان العربيه اصبحت ناعمه فى السير و اتصل بى المهندس صبحى تليفونيا ثانى يوم للاطمئنان فقلت له انى اشعر بفرق و ان شاء الله سابلغه بكل شئ بعد سفرى من القاهره الى شرم الشيخ يوم الجمعه القادم ( امس) و قد كنت بالعربيه انا و اولادى و وزننا حوالى 300كج و معنا امتعه بوزن حوالى 250 كج و بدأت الطريق فى يوم درجة حرارته صباحا حوالى 32 درجه فالتكييف كان لازما من اول دقيقه و بدأنا التجربه الحقيقيه للعربيه فكنت اسير بسرعه لاكتشف امكانيات العربيه فو جدتها عند سرعه 140 كم/س عداد ال ( ار بى ام ) عند 3800-3900 و عند 160 كم/س عند 4100- 4200 و حسب معلوماتى الا اتخطى 4500 باى حال من الاحوال للمحافظه على الموتور فلم ازيد السرعه على ذلك اما فى المنحنيات فكانت ثابته على الارض و كنت اسير بسرعة 120 كم/س فى المنحنيات بثبات و المنحنيات الحاده جدا الناعمه على 80 كم/س اما المنحنيات التى بها بروزات فوق سطح الاسفلت و تدب على الكاوتش فكانت السرعه تقل الى 80كم/س اما المساعدين فكانت تجعلنا نجتاز المقبات العاليه جداعند نقاط الشرطه بسهوله و يسر و كان غيرنا نشاهده يتخبط من اسفل العربيه بالاسفلت رغم حمولة العربيه

و فى النهايه وصلنا الى شرم الشيخ فى وقت معقول مرتاحين سواء من التكييف او الوقت و عندما قمت بحساب استهلاك البنزين فى مسافة 491.6 كم فكان 49.1 لتر بنزين 92 مع العلم باننا وقفنا حوالى 7 وقفات للشرطه بالطريق و قمت بوقفه فى الطريق لشرب فنجان قهوه فهل هذا المعدل معقول باستخدام كل الظروف التى ذكرتها فى الاعلى من حموله و تشغيل تكييف و وقفات و منحنيات فى النهايه اريد ان اذكر انى عند مطلع الهضبه بشرم الشيخ و هو مطلع شديد كنت مرتاح و شعرت بقوة الموتور بالعربيه و اننى اذ اشكر المهندس صبحى و كل العاملين بمركز الصيانه فقد اشعرونى اننى كنت على حق فى اختيارى للعربيه ( بى واى دى) و هذه هى اجابتى على المهندس المحترم صبحى جرب العربيه و ابلغنى بالنتيجه